انسانیت سب رشتوں سے بلند ہے : مریم نواز شریف
اشاعت کی تاریخ: 19th, August 2025 GMT
وزیر اعلیٰ پنجاب مریم نواز شریف نے انسانی ہمدردی کے عالمی دن کے موقع پر اپنے پیغام میں کہا ہے کہ انسانیت ایک عظیم نسبت ہے جو تمام رشتوں سے بلند اور ہر سرحد سے بے نیاز ہے انہوں نے کہا کہ دوسروں کے لئے راحت اور آسانیوں کا وسیلہ بننا دراصل انسانیت کی اصل خدمت ہے اور یہ خدمت رنگ مذہب اور ہر تعصب سے بالاتر ہے مریم نواز شریف کا کہنا تھا کہ موجودہ عالمی حالات میں انسانیت کی خدمت کا جذبہ پہلے سے کہیں زیادہ اہم ہو گیا ہے غزہ کے معصوم شہداء اور کشمیری عوام کی سسکیاں دنیا کے ہر حساس دل کو جھنجھوڑ رہی ہیں انہوں نے کہا کہ انسان سے ہمدردی عبادت کے مترادف ہے اور یہی سب سے بڑی خدمت ہے وزیر اعلیٰ پنجاب نے اپنے پیغام میں مزید کہا کہ حکومت پنجاب کا ہر منصوبہ عوام کی فلاح اور انسانی ہمدردی کے اصولوں کے گرد گھومتا ہے ہمیں ایسی دنیا بنانی ہے جہاں محبت امن اور انسانیت پروان چڑھے
.ذریعہ: Nawaiwaqt
پڑھیں:
پنجاب میں طوفانی بارشوں کا امکان، وزیراعلیٰ مریم نواز کا متعلقہ اداروں کو ہائی الرٹ رہنے کا حکم
وزیراعلیٰ پنجاب مریم نواز شریف نے صوبے میں ممکنہ طوفانی بارشوں، کلاؤڈ برسٹ اور لینڈ سلائیڈنگ کے خدشے کے پیش نظر متعلقہ اداروں کو ہائی الرٹ رہنے کی ہدایت کی ہے۔
وزیراعلیٰ نے پی ڈی ایم اے پنجاب، ضلعی انتظامیہ، پولیس اور ریسکیو اداروں کو فوری طور پر پیشگی اقدامات کرنے کا حکم دیتے ہوئے کہا کہ ڈپٹی کمشنرز اور دیگر افسران فیلڈ میں موجود رہیں اور ہدایات پر مکمل عملدرآمد یقینی بنائیں۔
یہ بھی پڑھیں: مون سون برسات، پی ڈی ایم اے عوام سے رابطے میں رہے،مریم نواز
مریم نواز شریف نے بالائی پنجاب خصوصاً مری، راولپنڈی، جہلم، چکوال اور کوہ سلیمان کے اضلاع میں خصوصی حفاظتی اقدامات کا حکم دیا۔ وزیراعلیٰ نے کہا کہ کوہ سلیمان رود کویوں میں ممکنہ سیلابی ریلوں سے بچاؤ کے لیے پیشگی انتظامات کیے جائیں۔
حفاظتی اقدامات کے تحت مری اور متصل علاقوں کی طرف سیاحتی سفر پر پابندی پر بھی اتفاق کیا گیا ہے، جبکہ سیاحوں کی نقل و حرکت محدود کرنے کی ہدایت دی گئی ہے تاکہ کسی بھی ناخوشگوار صورتحال سے بچا جا سکے۔
یہ بھی پڑھیں: پی ڈی ایم اے پنجاب کی جانب سے مون سون فلڈ فیکٹ شیٹ جاری
پی ڈی ایم اے پنجاب نے وزیراعلیٰ کی ہدایت پر ڈپٹی کمشنرز کو دریاؤں کے بہاؤ میں ممکنہ اضافے کے پیش نظر پیشگی اقدامات کی ہدایت جاری کردی ہے۔ آبی گزر گاہوں کے قریب رہنے والی آبادیوں کے لیے کشتیاں، لائف جیکٹس اور دیگر ضروری سامان بھی فراہم کردیا گیا ہے۔
وزیراعلیٰ نے دریاؤں کے پاٹ میں موجود شہریوں کے فوری انخلاء کی ہدایت دیتے ہوئے کہا کہ دریاؤں، نہروں اور ندی نالوں میں نہانے پر مکمل پابندی عائد کی جائے۔ اس سلسلے میں پولیس کو کناروں پر پٹرولنگ بڑھانے کے احکامات بھی دیے گئے ہیں۔
یہ بھی پڑھیں: جولائی میں مون سون بارشوں سے 180 افراد جاں بحق اور 500 سے زائد زخمی ہوئے، این ڈی ایم اے
مریم نواز شریف نے والدین سے اپیل کی کہ وہ بچوں کو دریاؤں اور ندی نالوں کے قریب جانے سے روکیں تاکہ حادثات سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اربن فلڈ بارش پاکستان پنجاب پی ڈی ایم اے سیلاب مریم نواز ہائی الرٹ
فیلڈ مارشل عاصم منیر کا دورہ امریکا، اعلیٰ سیاسی و عسکری قیادت سے ملاقاتیں