وزیر اطلاعات آزاد کشمیر سے وجہیہ قمر کی ملاقات
اشاعت کی تاریخ: 19th, August 2025 GMT
ملاقات میں تحریک آزادی کشمیر، باہمی دلچسپی کے امور سمیت آزاد کشمیر میں پیشہ وارانہ تربیت کے فروغ بارے تبادلہ خیال کیا گیا۔ اسلام ٹائمز۔ وزیر اطلاعات آزاد جموں و کشمیر محمد مظہر سعید شاہ سے وزیر مملکت برائے تعلیم و پیشہ ورانہ تربیت وجہیہ قمر نے ملاقات کی۔ ملاقات میں تحریک آزادی کشمیر، باہمی دلچسپی کے امور سمیت آزاد کشمیر میں پیشہ وارانہ تربیت کے فروغ بارے تبادلہ خیال کیا گیا۔ اس موقع پر ناظم اطلاعات محمد بشیر مرزا، محکمہ اطلاعات کے افسران راجہ محمد سہیل خان، راجہ عبدالباسط خان، محمد حنیف خواجہ، سردار شمیم انجم سمیت مفتی عبیداللہ اور راجہ وقاص بھی موجود تھے۔ وزیر مملکت وجہیہ قمر نے اس موقع پر گفتگو کرتے ہوئے وزیر اطلاعات پیر محمد مظہر سعید شاہ کی علم کی ترویج کیلئے خدمات پر انہیں خراج تحسین پیش کرتے ہوئے آزاد کشمیر میں پیشہ وارانہ تربیت کے فروغ کے حوالہ سے اپنے بھرپور تعاون کا یقین دلایا۔ محترمہ وجہیہ قمر کا کہنا تھا کہ پیر محمد مظہر سعید شاہ کے خاندان نے دین اسلام کے فروغ اور درس و تدریس کے حوالہ سے ناقابل فراموش خدمات سرانجام دی ہیں، پیر محمد مظہر سعید شاہ سے ملاقات کرنا میرے لیے باعث اعزاز ہے۔ آزاد کشمیر میں محکمہ اطلاعات میں جدت دیکھ کر خوشی ہوئی۔
اس موقع پر گفتگو کرتے ہوئے وزیر اطلاعات پیر محمد مظہر سعید شاہ نے محترمہ وجہیہ قمر کو آزاد کشمیر میں جاری مجموعی ترقیاتی عمل، تعلیم کے فروغ کے لیے حکومت آزاد کشمیر کی جانب سے کیے گئے اقدامات سمیت محکمہ اطلاعات کی تاریخ اور موجودہ ترقیاتی منصوبوں اور مستقبل کی پیش بندیوں کے حوالے سے آگاہ کیا۔ آفیسر اطلاعات راجہ محمد سہیل خان نے وزیر مملکت وجہیہ قمر کو محکمانہ بریفنگ دی۔ اس موقع پر وزیر اطلاعات پیر محمد مظہر سعید شاہ نے محترمہ وجہیہ قمر کو شیلڈ بھی دی۔
ذریعہ: Islam Times
کلیدی لفظ: پیر محمد مظہر سعید شاہ وزیر اطلاعات کے فروغ
پڑھیں:
پاکستان سے پولیو کا مکمل خاتمہ ہمارا ہدف ہے، وزیرِاعظم محمد شہباز شریف
وزیرِاعظم محمد شہباز شریف نے کہا ہے کہ پاکستان سے پولیو کے مکمل خاتمے کے لیے حکومت، شعبہ صحت کی ٹیمیں، پولیو ورکرز اور تمام متعلقہ ادارے پُرعزم ہیں۔ انہوں نے کہا کہ مشکلات ضرور ہیں لیکن محنت اور عزم سے یہ مقصد حاصل کیا جا سکتا ہے تاکہ پاکستان کے بچوں کا مستقبل محفوظ بنایا جا سکے۔
وزیرِاعظم نے روٹری انٹرنیشنل کی خدمات کو خراجِ تحسین پیش کرتے ہوئے کہا کہ یہ ادارہ باقی بین الاقوامی اداروں کی طرح انسداد پولیو کے لیے پاکستان کی بھرپور مدد کر رہا ہے۔
مزید پڑھیں: پاکستان میں رواں برس پولیو کے مزید 2 کیسز رپورٹ، مجموعی تعداد 21 ہوگئی
وزیرِاعظم نے کہا کہ پولیو مہمات میں پولیو ورکرز کا کلیدی کردار ہے، ان کی محنت اور قربانیوں کی بدولت ہی یہ بیماری جڑ سے اکھاڑ پھینکنے کی کوششیں ممکن ہو رہی ہیں۔
یہ بات انہوں نے روٹری انٹرنیشنل فاؤنڈیشن کے صدر فرانسیسکو اریزو (Francesco Arezzo) سے ملاقات کے دوران کہی۔ وفد کے ہمراہ ملاقات میں وفاقی وزیرِ صحت سید مصطفی کمال، وزیرِاعظم کی انسداد پولیو کے لیے خصوصی نمائندہ عائشہ رضا فاروق اور دیگر اعلیٰ حکام بھی شریک ہوئے۔
روٹری انٹرنیشنل کے وفد نے انسداد پولیو کے لیے حکومت کے اقدامات کو سراہتے ہوئے امید ظاہر کی کہ وزیرِاعظم کی ذاتی دلچسپی اور قیادت کی بدولت پاکستان سے اس موذی مرض کا جلد خاتمہ ممکن ہو جائے گا۔
مزید پڑھیں: پاکستان انسداد پولیو پروگرام اور یوفون 4G کااسٹریٹجک شراکت داری کا اعلان
وفد نے بتایا کہ روٹری انٹرنیشنل نے گزشتہ برس 500 ملین ڈالر پاکستان میں انسداد پولیو کی سرگرمیوں پر خرچ کیے جبکہ رواں برس بھی اس مقصد کے لیے خطیر رقم خرچ کرنے کا ارادہ رکھتا ہے۔
وفد نے وزیرِاعظم کی ٹیم اور ان کے اقدامات کی بھی تعریف کی اور پولیو کے خلاف تعاون جاری رکھنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Francesco Arezzo پاکستان پولیو روٹری انٹرنیشنل فاؤنڈیشن وزیراعظم محمد شہباز شریف
فیلڈ مارشل عاصم منیر کا دورہ امریکا، اعلیٰ سیاسی و عسکری قیادت سے ملاقاتیں