بنگلہ دیش میں بھارتی مصنوعات کے بائیکاٹ سے ساڑھی کی صنعت بحران کا شکار
اشاعت کی تاریخ: 5th, October 2025 GMT
بھارت اور بنگلہ دیش کے درمیان بڑھتی سیاسی کشیدگی نے بھارت کی مشہور ساڑھی صنعت کو شدید طور پر متاثر کیا ہے۔ جہاں بنارس کے کاریگر اور برآمد کنندگان کو نقصان اٹھانا پڑ رہا ہے، وہیں مغربی بنگال کے کچھ تاجر اس سے فائدہ اٹھا رہے ہیں۔
یہ بھی پڑھیں:بھارت نے شیخ حسینہ کی میزبانی کرکے بنگلہ دیش سے تعلقات خراب کیے، محمد یونس
بنارس کے ساڑھی بُننے والے محمد احمد انصاری کے مطابق بنگلہ دیش میں بھارتی مصنوعات کے بائیکاٹ اور تجارتی پابندیوں کے بعد برآمدات میں پچاس فیصد کمی آئی ہے۔
انہوں نے کہا بنگلہ دیش میں ہماری بنارسی ساڑھیاں شادیوں اور تہواروں میں بہت مقبول تھیں، لیکن تجارتی پابندیوں نے کاروبار تباہ کر دیا ہے۔
بنگلہ دیش نے اپریل میں بھارت سے کپاس اور چاول کی درآمدات محدود کی تھیں، جس کے جواب میں بھارت نے تیار شدہ ملبوسات اور خوراکی مصنوعات کی درآمدات پر پابندی لگا دی۔ اب بنگلہ دیشی ساڑھیاں صرف سمندری راستے سے بھارت آ سکتی ہیں، جو زیادہ مہنگا اور وقت طلب ہے۔
تاہم مغربی بنگال کے علاقے شانتی پور میں کپاس کے ساڑھی تاجر تارک ناتھ داس کے مطابق حالات بہتر ہوئے ہیں۔
ان کا کہنا تھا کہ بنگلہ دیشی ساڑھیوں نے ہمارے مقامی بازار کا تقریباً 30 فیصد حصہ چھین لیا تھا، لیکن اب ہم دوبارہ مارکیٹ حاصل کر رہے ہیں۔ اس تہوار کے سیزن میں فروخت گزشتہ سال کے مقابلے میں 25 فیصد بڑھی ہے۔
ماہرین کے مطابق یہ صورتحال بھارت کی ٹیکسٹائل انڈسٹری کے لیے دو دھاری تلوار ثابت ہوئی ہے، ایک طرف بنارسی ساڑھیوں کی برآمد کم ہوئی ہے، دوسری طرف مقامی کپاس کی ساڑھیوں کی مانگ بڑھ گئی ہے۔
تجارت کی مکمل بحالی اب بھارت اور بنگلہ دیش کے سفارتی تعلقات میں بہتری پر منحصر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بائیکاٹ بنارسی ساڑھی بنگلہ دیش بھارت ٹیکسٹائل صنعت.
ذریعہ
ذریعہ: WE News
کلیدی لفظ: بائیکاٹ بنارسی ساڑھی بنگلہ دیش بھارت ٹیکسٹائل صنعت بنگلہ دیش میں میں بھارت کے مطابق
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا