حیدرآباد،کوہسار سوسائٹی کا نئے انتخابات کرانے کا مطالبہ
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
250924-2-15
حیدرآباد(اسٹاف رپورٹر)کوہسار ایچ ڈی اے ایمپلائز کوآپریٹو ہائوسنگ سوسائٹی کے رہنماؤں ایڈووکیٹ عبدالقیوم خان، ایڈوکیٹ یحی خانزادہ، ایڈوکیٹ سید جمیل الرحمن، ایڈوکیٹ عبدالستار، ایڈوکیٹ مسرور رضا خان، شاہد حسین قریشی، مختیار احمد، را ؤساجد، محمد یوسف، غلام حسین غوری، بابر قائم خانی، و دیگر نے حیدرآباد پریس کلب میں پریس کانفرنس کرتے ہوئے رجسٹرار کوآپریٹو سوسائٹی سمیت ضلعی انتظامیہ سے مطالبہ کیا ہے کہ سوسائٹی پر مسلط نام نہاد منیجنگ کمیٹی کیخلاف کارروائی کرکے کی تحویل میں موجود ریکارڈ برآمد کیا جائے اور سوسائٹی کے ہائیکورٹ کے جج کی نگرانی میں انتخابات کرائے جائیں۔سوسائٹی کے رہائشی افراد کو پانی بجلی سمیت دیگر سہولیات فوری طورپر فراہم کی جائے، انہوں نے کہاکہ ایچ ڈی اے ایمپلائز سوسائٹی میں 15برس سے مینجنگ کمیٹی کے نام پر ایک قبضہ گروپ مسلط ہے جس نے ابھی تک کوئی الیکشن نہیں کرائے اور جعلسازی کرکے سوسائٹی کے پلاٹوں پر قبضے، دو نمبر فائل بنانے اور بھتہ خوری میں مصروف ہیں۔ انہوںنے کہاکہ اویس راجپوت نامی مینجنگ کمیٹی کا نام نہاد چیئرمین جوکہ کئی برس سے جعلسازی کے ذریعے سوسائٹی پر مسلط ہے اس وقت صورتحال یہ ہے کہ ایچ ڈی اے ایمپلائز ہاؤسنگ سوسائٹی کا ریکارڈ کسی کو نہیں پتہ کہ کس کے پاس ہے اور نہ ہی اس کے آفس کا پتہ ہے کہ وہ کہاں ہے، مینجنگ کمیٹی جوکہ اسٹے آرڈر پر چل رہی ہے اس کیخلاف سوسائٹی کے الاٹیز نے چار آئینی درخواستیں ہائیکورٹ میں دائر کی ہوئی ہیں جو کئی سالوں سے التواء کا شکار ہیں جبکہ سوسائٹی کے مکین اپنے بنیادی حقوق سے محروم ہیں، انہوں نے کہاکہ سوسائٹی میں واسا اپنی بنیادی ذمہ داری پوری کرنے میں ناکام رہا ہے، مکین باقاعدگی سے بل اداکرتے ہیں لیکن انہیں پینے کا پانی تو دور کی بات انہیں گھریلو استعمال کیلئے بھی آلودہ پانی تک فراہم نہیں کیا جاتا ہے۔ ہزاروں افراد پینے اور گھریلو استعمال کیلئے پانی ٹینکر ز مافیا سے خریدنے پر مجبور ہیں۔
ذریعہ
ذریعہ: Jasarat News
کلیدی لفظ: سوسائٹی کے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
بھارت سے جنگ اور افغانستان میں کارروائی خارج ازامکان نہیں، وزیردفاع