اسلام آباد میں آوارہ کتوں کے خلاف سی ڈی اے اور ایم سی آئی کی کارروائیاں تیز
اشاعت کی تاریخ: 28th, September 2025 GMT
دارالحکومت میں آوارہ کتوں کی بڑھتی ہوئی شکایات کے ازالے اور روک تھام کے لیے کیپیٹل ڈویلپمنٹ اتھارٹی (سی ڈی اے) اور میونسپل کارپوریشن اسلام آباد (ایم سی آئی) نے مشترکہ اقدامات مزید تیز کر دیے ہیں۔
ایم سی آئی انتظامیہ کے مطابق شہریوں کی سہولت کے لیے ہیلپ لائن نمبر 1334 مکمل طور پر فعال کر دیا گیا ہے، جو 24 گھنٹے اور ہفتے کے ساتوں دن شکایات وصول کرکے فوری کارروائی کے لیے کام کر رہا ہے۔ اس کے علاوہ شہری ڈی سی آفس پورٹل کے ذریعے بھی شکایات درج کرا سکتے ہیں۔
اسلام آباد میں آوارہ کتوں کو قابو کرنے کے لیے ترامڑی میں واقع اسٹرے ڈاگ سینٹر کو فعال بنایا گیا ہے جہاں کتوں کو پکڑنے کے بعد ان کی نسبندی، حفاظتی ٹیکہ جات اور محفوظ مقامات پر منتقلی کے لیے جدید ٹی این وی آر (Trap, Neuter, Vaccinate, Release) طریقہ کار اختیار کیا جا رہا ہے۔
مزید پڑھیں: اسلام آباد میں آوارہ کتوں کی بہتات، شہریوں میں خوف و ہراس
ایم سی آئی کے ریکارڈ کے مطابق جولائی سے ستمبر 2025 کے دوران اسلام آباد کے مختلف سیکٹروں، دیہی علاقوں اور مارکیٹوں سے موصولہ شکایات پر کارروائی کرتے ہوئے 550 سے زائد آوارہ کتوں کو اسٹرے ڈاگ سینٹر منتقل کیا جا چکا ہے۔
یہ کارروائیاں سیکٹرز G-14، D-12، F-6، F-7، I-9، I-10، G-10، F-11 سمیت سیدپور، مارگلہ ٹاؤن، بارہ کہو اور ریڈ زون جیسے علاقوں میں بھی کی گئیں، جہاں شہریوں کی شکایات کے ازالے کو بروقت یقینی بنایا گیا۔
انتظامیہ کا کہنا ہے کہ موصول ہونے والی تمام شکایات کا فوری ازالہ کیا جا رہا ہے اور آوارہ کتوں کے مسئلے کو ہر حال میں کنٹرول کرنے کے لیے حکومتی ادارے سرگرم عمل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اسلام آباد میں آوارہ کتوں کی بہتات، شہریوں میں خوف و ہراس آوارہ کتے سی ڈی اے.
ذریعہ
ذریعہ: WE News
کلیدی لفظ: اسلام اباد ا وارہ کتے سی ڈی اے آوارہ کتوں اسلام آباد ایم سی آئی کے لیے
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ