کوئٹہ، ملی یکجہتی کونسل کا 7 اکتوبر کو فلسطین کی حمایت میں احتجاج کا اعلان
اشاعت کی تاریخ: 29th, September 2025 GMT
فلسطین و غزہ کی صورتحال اور بلوچستان کے سلگتے مسائل کے حوالے سے منعقدہ اجلاس میں ملی یکجہتی کونسل کے رہنماؤں نے سات اکتوبر کو فلسطین کی حمایت میں کوئٹہ میں احتجاج کا اعلان کیا ہے۔ اسلام ٹائمز۔ ملی یکجہتی کونسل بلوچستان نے فلسطینی عوام کی حمایت میں سات اکتوبر کو کوئٹہ میں احتجاج کا اعلان کیا ہے۔ یہ فیصلہ کوئٹہ میں فلسطین و غزہ کی صورتحال اور بلوچستان کے سلگتے مسائل کے حوالے سے منعقدہ ملی یکجہتی کونسل بلوچستان کے اجلاس میں کیا گیا۔ اجلاس میں جماعت اسلامی کے مولانا عبدالحق ہاشمی اور عبدالولی خان شاکر، مجلس وحدت مسلمین حاجی غلام حسین اخلاقی، محمد یونس اور محمد رضا اخلاقی، شیعہ علماء کونسل کے اکبر حسین زاہدی اور علامہ محمد جمعہ اسدی، جبکہ ان کے علاوہ جمعیت علمائے پاکستان، پاکستان مرکزی مسلم لیگ، عالمی مجلس تحفظ ختم نبوت، اسلامی تحریک، تنظیم اسلامی، جماعت اہلحدیث اور جمعیت اتحاد العلماء کے نمائندوں نے شرکت کی۔ اس موقع پر غزہ و فلسطین میں امریکی سرپرستی میں اسرائیلی یہودی درندگی، ظلم و دہشت گردی، فلسطینیوں کی نسل کشی اور دو ریاستی حل کی شدید مذمت کی گئی اور مطالبہ کیا گیا کہ عالمی برادری صرف فلسطین کو تسلیم کرنے اور مذمت کے بجائے اسرائیلی یہودی مظالم کا راستہ روک لیں۔
انہوں نے اعلان کیا کہ بلوچستان بھر میں 7 اکتوبر کو یہودی مظالم، مسلم حکمرانوں، سپہ سالاروں کی غفلت و کوتاہی کے خلاف احتجاج کیا جائے گا۔ اس موقع پر رہنماؤں نے کہا کہ مسلم حکمرانوں و سپہ سالاروں کو مذمت کے بجائے دفاع کا کام کرنا چاہئے۔ اسرائیل امریکہ کا ناجائز قابض دہشت گرد ہے۔ فلسطین ہر صورت آزاد ہوگا۔ انہوں نے کہا کہ انسانیت بچانے کیلئے غزہ کے مظلوم عوام کی امداد کیلئے جانے والا گلوبل صمود فلوٹیلا کی حفاظت یقینی بنائی جائے۔ سعودیہ پاکستان معاہدے کے بعد قبلہ اول پر حملہ سعودیہ و پاکستان پر حملہ تصور کیا جائے۔ انہوں نے کہا کہ اسرائیلی دہشت گردی کی وجہ سے پوری دنیا جنگ کی طرف جا رہی ہے۔ امریکہ بدمست ہوکر پوری دنیا کو للکار رہی ہے۔ دو ریاستی حل کا مطلب فلسطین کا ہاتھ پیر بند کرکے اسرائیل و یہودیوں کے حوالے کرنا ہے۔ غزہ فلسطین پر امریکی قیادت میں بارود برسانے اور بموں کی بارش بند کی جائے۔
ذریعہ
ذریعہ: Islam Times
کلیدی لفظ: ملی یکجہتی کونسل اکتوبر کو
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ