واٹس ایپ نے صارفین کے لیے کئی نئے فیچرز پیش کر دیے
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
میٹا کی زیر ملکیت دنیا کی مقبول ترین میسجنگ ایپلیکیشن واٹس ایپ نے اپنے یوزرز کے لیے کئی نئے اور دلچسپ فیچرز متعارف کرانے کا اعلان کیا ہے، یہ فیچرز آئندہ چند ہفتوں کے دوران بتدریج سب صارفین کو دستیاب ہوں گے۔
کمپنی کے جاری کردہ بیان کے مطابق سب سے نمایاں اضافہ لائیو اینڈ موشن فوٹوز کا ہے، یہ فیچر بنیادی طور پر ایک ہی ہے مگر آئی فون صارفین کے لیے اس کا نام لائیو فوٹوز جبکہ اینڈرائیڈ یوزرز کے لیے موشن فوٹوز رکھا گیا ہے۔
اس آپشن کے ذریعے صارفین کسی تصویر کو کھینچتے ہوئے ساتھ ہی ایک مختصر آڈیو یا ویڈیو کلپ بھی ریکارڈ کرکے اپنے دوستوں کو بھیج سکیں گے، جس سے چیٹ کا تجربہ مزید دلچسپ اور جاندار ہوگا۔
ایک اور بڑی پیش رفت میٹا اے آئی کے دائرہ کار کی توسیع ہے۔ اب صارفین اس کے ذریعے نہ صرف اپنی چیٹ تھیمز کو پرسنلائز کرسکیں گے بلکہ ویڈیو کالز یا چیٹ میں شیئر ہونے والے میڈیا کے لیے منفرد بیک گراؤنڈز بھی تخلیق کرسکیں گے، یہ فیچر دو حصوں پر مشتمل ہے، چیٹ تھیمز ود میٹا اے آئی اور بیک گراؤنڈ ود میٹا اے آئی، جو گفتگو کو زیادہ انفرادی اور تخلیقی رنگ دینے میں مددگار ثابت ہوں گے۔
اس کے ساتھ ساتھ واٹس ایپ نے اسٹیکرز کے شوقین افراد کے لیے بھی متعدد نئے اسٹیکر پیکس متعارف کرائے ہیں جن میں فیئر لیس برڈ، اسکول ڈیز اور ویکیشن جیسے دلچسپ پیکس شامل ہیں۔ یہ اسٹیکرز چیٹ کے انداز کو مزید رنگین اور پرلطف بنائیں گے۔
ایک نہایت کارآمد اضافہ گروپ سرچ فیچر ہے۔ اس کے ذریعے صارفین طویل گروپ لسٹ میں اسکرول کرنے کے بجائے محض کسی دوست کا نام ٹائپ کریں گے اور فوراً وہ تمام گروپس سامنے آ جائیں گے جن میں وہ دونوں موجود ہیں۔ یہ سہولت بڑی تعداد میں گروپس رکھنے والے صارفین کے لیے خاصی مددگار ہوگی۔
آخر میں، کمپنی نے اینڈرائیڈ صارفین کے لیے بھی ایک اہم فیچر متعارف کرایا ہے جس کے تحت اب واٹس ایپ میں ہی دستاویزات اسکین کرنے کی سہولت موجود ہوگی۔ اس سے پہلے یہ آپشن صرف آئی او ایس یوزرز تک محدود تھا اور اینڈرائیڈ صارفین کو کسی تھرڈ پارٹی ایپ کا سہارا لینا پڑتا تھا۔
ٹیکنالوجی ماہرین کا کہنا ہے کہ یہ نئے فیچرز واٹس ایپ کو نہ صرف مزید سہل اور دلچسپ بنائیں گے بلکہ دیگر میسجنگ پلیٹ فارمز کے مقابلے میں اس کی مقبولیت کو مزید مستحکم کریں گے۔
ذریعہ: Jasarat News
کلیدی لفظ: صارفین کے لیے واٹس ایپ
پڑھیں:
سورا 2 کی لانچنگ: اوپن اے آئی کا یوٹیوب اور ٹک ٹاک کو پیچھے چھوڑنے کا عزم
مصنوعی ذہانت کی دنیا کی معروف کمپنی اوپن اے آئی نے اپنی نئی آڈیو اور ویڈیو تخلیق کرنے والی ٹیکنالوجی ’سورا 2 متعارف کرا دی جو حقیقت سے قریب تر مناظر تخلیق کرنے کی صلاحیت رکھتی ہے۔
یہ بھی پڑھیں: مصنوعی ذہانتوں کے بیچ شطرنج ٹورنامنٹ: اوپن اے آئی نے فائنل میں گروگ کو شکست دے کر مقابلہ جیت لیا
کمپنی کے مطابق، سورا (Sora 2) صرف ویڈیو کو فزکس کے اصولوں کے مطابق بناتا ہے بلکہ اس کے ساتھ جڑی ایک نئی سوشل میڈیا ایپ بھی متعارف کروائی گئی ہے جس میں صارفین ٹک ٹاک کی طرز پر اے آئی ویڈیوز دیکھ اور شیئر کر سکتے ہیں۔
اوپن اے آئی کا کہنا ہے کہ سورا 2 کا ماڈل ان ویڈیوز میں زیادہ حقیقت پسندی لاتا ہے جہاں اشیا اور حرکات کو فطری انداز میں دکھایا جاتا ہے۔ مثال کے طور پر باسکٹ بال کی گیند دیوار سے ٹکرا کر واپس آتی ہے بجائے اس کے کہ اچانک ہُوپ (جس جالی لگے رِنگ میں گیند پھینکی جاتی ہے) میں ظاہر ہو جائے۔ ڈیمو ویڈیوز میں بیچ والی بال، اسکیٹ بورڈنگ اور غوطہ خوری جیسے مناظر دکھائے گئے ہیں۔
ایپ میں ایک نیا فیچر ’کیمیو‘ متعارف کرایا گیا ہے جس کے ذریعے صارفین اپنی ویڈیوز میں خود کو شامل کر سکتے ہیں۔ اس کے لیے صرف ایک بار ویڈیو اور آڈیو ریکارڈنگ سے شناختی تصدیق کی ضرورت ہوتی ہے۔ صارفین یہ اجازت بھی دے سکتے ہیں کہ ان کے دوست ان کی شکل و آواز کو ملٹی پرسن ویڈیوز میں استعمال کریں۔
فی الحال یہ ایپ امریکا اور کینیڈا میں صرف آئی او ایس صارفین کے لیے دستیاب ہے اور صرف دعوت نامے پر چل رہی ہے تاہم جلد دیگر علاقوں میں توسیع کی منصوبہ بندی کی جا رہی ہے۔چیٹ جی پی ٹی پرو صارفین سورا 2 ماڈل کی ابتدائی خصوصیات سے فائدہ اٹھا سکتے ہیں۔
مزید پڑھیے: اوپن اے آئی نے چیٹ جی پی ٹی میں ’اسٹڈی موڈ‘ متعارف کرا دیا
سورا ایپ میں ایک الگورتھم پر مبنی فیڈ بھی دی گئی ہے جہاں ویڈیوز انسٹاگرام ریلز یا ٹک ٹاک کی طرح دکھائی جاتی ہیں۔ ویڈیوز کی ذاتی نوعیت کی تجاویز کے لیے صارف کی سرگرمی، مقام، چیٹ جی پی ٹی کی ہسٹری اور دیگر عوامل کا استعمال کیا جاتا ہے جسے صارف کسی بھی وقت بند کر سکتا ہے۔
ایپ میں پیرنٹل کنٹرولز بھی دیے گئے ہیں جن کی مدد سے والدین ویڈیوز کی ذاتی نوعیت، میسجنگ اور اسکرولنگ پر پابندیاں لگا سکتے ہیں۔
کیا یہ سہولت مفت ہے؟ایپ کی ابتدائی ریلیز مفت ہے تاہم مستقبل میں ویڈیو جنریشن کی کچھ سہولیات پر ادائیگی کا نظام بھی متعارف کرایا جائے گا۔
مزید پڑھیں: ایپل کی چیٹ جی پی ٹی طرز کی ایپ متعارف، نیکسٹ جنریشن ’سری‘ لانچ کرنے کی تیاری
ماہرین نے البتہ خبردار کیا ہے کہ کیمیو جیسا فیچر غلط استعمال کے خدشات بھی بڑھا سکتا ہے خاص طور پر بغیر اجازت کے افراد کی شکل و آواز پر مبنی جعلی یا گمراہ کن اے آئی ویڈیوز بنانے کے امکانات پر تحفظات کا اظہار کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی ٹک ٹاک سورا 2 ویڈیوز یو ٹیوب
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ