کوئٹہ؛ ایف سی ہیڈکوارٹرز پر خودکش حملے کا مقدمہ نامعلوم دہشت گردوں کیخلاف درج
اشاعت کی تاریخ: 1st, October 2025 GMT
کوئٹہ(نیوز ڈیسک)کوئٹہ کے ماڈل ٹاؤن علاقے میں گزشتہ روز ہونے والے ناکام خودکش حملے کے خلاف کاؤنٹر ٹیررازم ڈیپارٹمنٹ (سی ٹی ڈی) نے نامعلوم دہشت گردوں کے خلاف انسدادِ دہشت گردی ایکٹ 1997 کی دیگر متعلقہ دفعات کے تحت مقدمہ درج کر لیا ہے۔
پولیس ذرائع کے مطابق یہ حملہ ’’فتنۃ الخوارج‘‘ سے منسلک دہشت گردوں کی کارروائی قرار دیا جا رہا ہے جو بھارتی خفیہ ایجنسیوں کی پراکسی کے طور پر کام کر رہے تھے۔
سیکورٹی ذرائع کے مطابق 30 ستمبر 2025 کی صبح حالی روڈ پر ماڈل ٹاؤن پشین اسٹاپ کے قریب ایک سوزوکی وین میں بارودی مواد بھر کر خودکش حملہ آور نے فرنٹیئر کانسٹیبلری (ایف سی) ہیڈکوارٹرز کو نشانہ بنانے کی کوشش کی۔ حملہ آور کی گاڑی جیسے ہی سیکیورٹی حصار کے قریب پہنچی تو فورسز نے فوری طور پر ردِعمل دیتے ہوئے فائرنگ شروع کر دی۔
شدید جھڑپ کے دوران خودکش حملہ آور سمیت پانچ دہشت گرد مارے گئے جن میں ایک حملہ آور دھماکے سے قبل ہی ہلاک ہوگیا۔ اس جھڑپ میں 12 معصوم شہری شہید اور 35 زخمی ہوئے جنہیں فوری طور پر سول اسپتال، بولان میڈیکل کمپلیکس اور سی ایم ایچ منتقل کر دیا گیا۔ زخمیوں کی اکثریت کی حالت خطرے سے باہر بتائی جا رہی ہے تاہم دو ایف سی اہلکاروں کو شدید چوٹیں آئیں۔
دھماکے کی شدت اتنی زیادہ تھی کہ قریبی عمارتوں کے شیشے ٹوٹ گئے جس سے خواتین سمیت متعدد افراد زخمی ہوئے اور علاقے میں خوف و ہراس پھیل گیا۔ ریسکیو ٹیمیں اور بم ڈسپوزل اسکواڈ فوری طور پر جائے وقوعہ پر پہنچے اور علاقے کو محفوظ بنایا۔ ہلاک دہشت گردوں کے قبضے سے بھاری مقدار میں دستی بم، جدید اسلحہ، گرنیڈ لانچرز اور دیگر دھماکا خیز مواد برآمد ہوا جو ان کی منظم کارروائی کی نشاندہی کرتا ہے۔
پولیس کے مطابق ابتدائی تحقیقات سے ظاہر ہوتا ہے کہ یہ حملہ ایف سی ہیڈکوارٹرز کو نشانہ بنانے کے لیے کیا گیا تھا تاہم سیکیورٹی فورسز کی بروقت کارروائی نے اسے ناکام بنا دیا جبکہ شہر بھر کے سیف سٹی کیمروں کے فوٹیجز بھی حاصل کر لیے گئے۔
وزیراعلیٰ بلوچستان میر سرفراز بگٹی نے واقعے کی شدید مذمت کرتے ہوئے کہا کہ دہشت گردوں کے خلاف کارروائی کا سلسلہ جاری رہے گا اور ایسے عناصر کو کسی صورت معاف نہیں کیا جائے گا۔ انہوں نے شہداء کے خاندانوں کے لیے فوری امداد اور زخمیوں کے بہترین علاج کی ہدایات جاری کیں۔
وفاقی وزیر داخلہ محسن نقوی نے بھی ایف سی جوانوں کی جرات مندانہ کارروائی کو سراہتے ہوئے کہا کہ ایف سی کے بہادر سپوتوں نے ’’فتنۃ الہندوستان‘‘ کے دہشت گردوں کو عبرتناک انجام دیا جو قومی سلامتی کے لیے باعثِ فخر ہے۔
مقامی شہریوں نے بھی اس حملے پر شدید غم و غصے کا اظہار کرتے ہوئے صوبائی حکومت سے مطالبہ کیا ہے کہ حساس علاقوں میں سیکیورٹی کے انتظامات مزید سخت کیے جائیں۔
دوسری جانب، سی ٹی ڈی ذرائع کے مطابق خودکش حملے میں ہلاک دہشت گردوں کی شناخت کے لیے نادرا سے رجوع کر لیا گیا، ہلاک دہشتگردوں کے ڈی این اے سیمپل بھی حاصل کر لیے گیے۔
اسپتال ذرائع کے مطابق ماڈل ٹاوٴن خود کش دھماکے کے 25 زخمی اسپتال سے ڈسچارج کر دیے گئے جبکہ ٹراما سینٹر سے ایک شدید زخمی کو سی ایم ایچ منتقل کر دیا گیا اور 2 زیر علاج ہیں، 11جاں بحق افراد میں سے 8افراد کی لاشیں ورثا کے حوالے کر دیں۔
سی ٹی ڈی ذرائع کے مطابق گزشتہ روز خود کش حملے میں 12 افراد جاں بحق اور 36 زخمی ہوئے تھے۔
Post Views: 1.ذریعہ: Daily Mumtaz
کلیدی لفظ: ذرائع کے مطابق گردوں کے حملہ آور ایف سی کے لیے
پڑھیں:
بنوں، شہریوں پر حملے کی کوشش ناکام، فتن الخوارج کا دہشتگرد بارودی مواد نصب کرتے ہوئے ہلاک
بنوں، شہریوں پر حملے کی کوشش ناکام، فتن الخوارج کا دہشتگرد بارودی مواد نصب کرتے ہوئے ہلاک WhatsAppFacebookTwitter 0 18 November, 2025 سب نیوز
راولپنڈی(سب نیوز)خیبرپختونخوا کے ضلع بنوں میں فتن الخوارج سے تعلق رکھنے والا ایک دہشتگرد بے گناہ شہریوں کو نشانہ بنانے کیلئے بارودی مواد نصب کرتے ہوئے ہلاک ہوگیا۔
آئی ایس پی آر کے مطابق یہ واقعہ خوارج کی بڑھتی ہوئی مایوسی کی عکاسی کرتا ہے، جو سیکیورٹی فورسز اور قانون نافذ کرنے والے اداروں کے مسلسل اور موثر دبا کے باعث اب آسان اہداف کے خلاف بزدلانہ کارروائیوں کی طرف مائل ہو رہے ہیں۔ان کی ناکام کوششیں جاری انسدادِ دہشت گردی کی کارروائیوں کے مقابلے میں ان کی کم ہوتی صلاحیت اور بڑھتی ہوئی جھنجھلاہٹ کی نشاندہی کرتی ہیں۔آئی ایس پی آر کے مطابق علاقے میں موجود کسی بھی دیگر بھارتی سرپرستی یافتہ خوارجی کو ختم کرنے کے لیے کلیئرنس آپریشن جاری ہے۔
پاک فوج کے ترجمان ادارے کا کہنا ہے کہ سیکیورٹی فورسز اور قانون نافذ کرنے والے ادارے عزمِ استحکام کے وژن (جسے نیشنل ایکشن پلان کی فیڈرل ایپکس کمیٹی نے منظوری دی)کے تحت غیر ملکی امداد یافتہ اور سرپرستی شدہ دہشت گردی کے ناسور کو ملک سے ختم کرنے کے لیے اپنی انسداد دہشت گردی کی مہم پوری قوت سے جاری رکھیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی صدر ڈونلڈ ٹرمپ نے نئے ویزا سسٹم کا اعلان کردیا ، ٹکٹ ہولڈرز جلد اپائنٹمنٹ حاصل کر سکیں گے امریکی صدر ڈونلڈ ٹرمپ نے نئے ویزا سسٹم کا اعلان کردیا ، ٹکٹ ہولڈرز جلد اپائنٹمنٹ حاصل کر سکیں گے چیئرمین سی ڈی اے سے پنجاب مینجمنٹ سروسز کے پوسٹ انڈکشن ٹریننگ کورس کے افسران کی ملاقات اسلام آباد میں ایم ٹیگ کی سہولت کا آغاز، کن کن مقامات سے حاصل کئے جا سکتے ہیں ، تفصیلات سب نیوز پر عمران خان کی بہنوں کا آڈیالہ جیل کے قریب دھرنا، پولیس نے کارکنان کی گرفتاریاں شروع کردیں سی ڈی اے ملازمین کے ہاوس رینٹ سیلنگ میں 85فی صد اضافے کی منظوری اسموگ سے سانس کی بیماریاں پھیلنے کا خدشہ ،قومی ادارہ صحت نے ایڈوائزری جاری کر دیCopyright © 2025, All Rights Reserved
رابطہ کریں ہماری ٹیم
مسلم لیگ ن کے صدر میاں نوازشریف کی قومی اسمبلی آمد