ابوظہبی: پاکستانی شہری نے 15 سال کی ناکام کوششوں کے بعد 50 ہزار درہم کی قرعہ اندازی جیت لی
اشاعت کی تاریخ: 7th, October 2025 GMT
متحدہ عرب امارات میں مقیم پاکستانی شہری سعید حفیظ عبدالمجید کی برسوں کی محنت اور صبر کا پھل آخرکار مل گیا۔ 33 سالہ سعید، جو ایک تعمیراتی کمپنی میں ملازم ہیں، نے ہزاروں درہم کا ٹکٹ ڈرا حاصل کرلیا۔
سعید 2009 سے یو اے ای میں مقیم ہیں جبکہ ان کا خاندان پاکستان میں رہتا ہے۔ گزشتہ 15 برسوں سے ہر ماہ متحدہ عرب امارات کی مشہورقرعہ اندازی ‘بگ ٹکٹ ڈرا’ میں حصہ لے رہے تھے اور اس دوران انہوں نے کبھی کوئی مہینہ نہیں چھوڑا۔ اس بار ان کی مستقل مزاجی رنگ لائی، اور انہوں نے بگ ٹکٹ کے ہفتہ وار ای-ڈرا میں 50 ہزار درہم جیت لیے۔
یہ بھی پڑھیے: فیفا ورلڈ کپ 2026 کی قرعہ اندازی رواں برس دسمبر میں ہوگی
سعید نے ‘بگ ٹکٹ’ کے میزبان کی کال آنے پر انہیں اپنی خوشی کا اظہار کرتے ہوئے بتایا کہ میں پچھلے 15 سال سے بگ ٹکٹ خرید رہا تھا۔ آپ کا بہت شکریہ، آپ نے میرا دن خوشگوار بنا دیا۔
انہوں نے مزید بتایا کہ اس بار جب انہوں نے ٹکٹ خریدا تو انہیں خاص طور پر خوش قسمتی کا احساس ہوا۔میں ہمیشہ یہ خواہش رکھتا تھا کہ شو کے میزبان رچرڈ کی کال سنوں، اور آج وہ خواب سچ ہوگیا۔
یہ بھی پڑھیے: سرکاری حج اسکیم: 63 ہزار 805 خوش نصیب عازمین کے نام قرعہ نکل آیا
سعید نے کہا کہ یہ جیت ان کے لیے نہایت اہم وقت پر آئی ہے۔ ‘آپ کی کال مجھے اُس وقت آئی جب مجھے واقعی پیسوں کی ضرورت تھی۔ میں اپنا کاروبار بڑھانے کا ارادہ رکھتا ہوں۔ آپ میرے لیے ایک فرشتے کی طرح ہیں۔’
آخر میں انہوں نے دیگر شرکا کو پیغام دیا کہ کوشش جاری رکھیں۔ اگر آپ کوشش نہیں کریں گے تو جیت نہیں سکتے۔ قسمت کبھی بھی آپ کا دروازہ کھٹکھٹا سکتی ہے، خاص طور پر جب آپ کو اس کی سب سے زیادہ ضرورت ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لکی ڈرا متحدہ عرب امارات یو اے ای.
ذریعہ
ذریعہ: WE News
کلیدی لفظ: لکی ڈرا متحدہ عرب امارات یو اے ای انہوں نے بگ ٹکٹ
پڑھیں:
پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
میانمار میں پاکستان کے سفیر طارق کریم(Tariq kareem) نے اپنی رہائش گاہ پر پاکستان اور میانمار کی ممتاز کاروباری شخصیات کے اعزاز میں عشائیہ کا اہتمام کیا۔
عشائیے میں یونین آف میانمار فیڈریشن آف چیمبرز آف کامرس اینڈ انڈسٹری (UMFCCI) کے صدر، نائب صدر، میانمار چیمبر آف کامرس فار فارماسیوٹیکل اینڈ میڈیکل ڈیوائسز (MCCPMD) کے چیئرمین، دیگر معروف کاروباری شخصیات اور فارمیٹیک پاکستان (پرائیویٹ) لمیٹڈ کے وفد نے شرکت کی۔
اس موقع پر سفیر طارق کریم اور معزز مہمانوں کے درمیان خوشگوار اور بامقصد تبادلہ خیال ہوا، جس میں پاکستان اور میانمار کے درمیان تجارت و اقتصادی تعاون کو مزید فروغ دینے، بالخصوص ادویہ سازی، ٹیکسٹائل اور دیگر اہم شعبوں میں تعاون بڑھانے، جبکہ دونوں ممالک کے نجی شعبوں کے درمیان براہ راست روابط (B2B Linkages) کو مضبوط بنانے کے امکانات پر گفتگو کی گئی
بھارت سے جنگ اور افغانستان میں کارروائی خارج ازامکان نہیں، وزیردفاع