دفتر خارجہ نے مشتاق احمد کی رہائی کی کوششوں میں اہم پیش رفت کا اعلان کیا
اشاعت کی تاریخ: 6th, October 2025 GMT
سابق سینیٹر مشتاق احمد کی اسرائیلی حراست سے رہائی کے معاملے پر دفتر خارجہ نے اہم پیشرفت سے آگاہ کر دیا۔ ترجمان دفتر خارجہ کے مطابق پاکستان کی وزارت خارجہ، اردن کے دارالحکومت عمّان میں موجود اپنے سفارت خانے کے ذریعے سابق سینیٹر مشتاق احمد خان کی بحفاظت واپسی کے لیے انتھک کوششیں کر رہی ہے۔ ترجمان نے بتایا کہ برادر ملک اردن کی حکومت کے قیمتی تعاون سے ہمیں امید ہے کہ یہ عمل آئندہ چند روز میں کامیابی سے مکمل ہو جائے گا۔ دفتر خارجہ کے ترجمان نے کہا کہ ہم اردن کی برادر حکومت کے مثالی تعاون اور فراخدلانہ حمایت پر تہہ دل سے شکر گزار ہیں۔ واضح رہے کہ جماعت اسلامی سے تعلق رکھنے والے سابق سینیٹر مشتاق احمد خان غزہ کی طرف جانے والے گلوبل صمود فلوٹیلا کے قافلے میں سوار تھے، اسرائیلی فورسز نے حملہ کرکے مشتاق احمد سمیت بیشتر افراد کو حراست میں لے لیا تھا۔ قافلے میں شامل درجنوں افراد کو رہا کر دیا گیا ہے تاہم مشتاق احمد سمیت دیگر افراد اب بھی اسرائیلی حراست میں ہیں۔
.ذریعہ: Nawaiwaqt
کلیدی لفظ: دفتر خارجہ مشتاق احمد
پڑھیں:
دفترخارجہ نے سابق سینیٹر مشتاق احمد کی گرفتاری کی تصدیق کردی
ترجمان دفتر خارجہ نے تصدیق کی ہے کہ سابق سینیٹر مشتاق احمد اس وقت اسرائیلی افواج کی حراست میں ہیں اور ان کی وطن واپسی کی کوششیں جاری ہیں۔ ترجمان دفتر خارجہ کے بیان کے مطابق پاکستان عالمی صمود فلوٹیلا میں سوار پاکستانی شہریوں کی حفاظت اور فوری وطن واپسی کو یقینی بنانے کے لیے کوشاں ہے۔اپنے بین الاقوامی شراکت داروں کے ساتھ اس معاملے پر سرگرم عمل ہے۔ ترجمان نے بتایا کہ سابق سینیٹر مشتاق احمد اسرائیلی قابض افواج کی تحویل میں ہیں۔ تاہم وہ محفوظ اور خیریت سے ہیں۔ یورپی ملک کے سفارتی چینلز کے ذریعے ہم نے یہ تصدیق کی ہے۔ مقامی قانونی طریقہ کار کے مطابق سینیٹر مشتاق کو عدالت میں پیش کیا جائے گا۔ مشتاق احمد کی وطن واپسی کو تیز رفتار بنیادوں پر سہولت فراہم کی جائے گی۔ ہم ان برادر ممالک کا شکریہ ادا کرتے ہیں جنہوں نے ہمارے شہریوں کی وطن واپسی میں مدد کی۔ حکومت بیرون ملک اپنے تمام شہریوں کے تحفظ کے لیے پرعزم ہے۔ آنے والے دنوں میں وطن واپسی کے اس عمل کے مکمل ہونے کی توقع رکھتی ہے۔
مئیر کراچی نے وفاق سے 200 ارب روپے مانگ لیے