اسٹاک ایکسچینج مندی سے دوچار، انڈیکس میں 1600 پوائنٹس کی کمی
اشاعت کی تاریخ: 7th, October 2025 GMT
منگل کے روز پاکستان اسٹاک ایکسچینج میں مختصر مثبت آغاز کے بعد ایک بار پھر منافع سمیٹنے کا رجحان غالب ہوگیا، جس کے نتیجے میں کے ایس ای 100 انڈیکس میں تقریباً 1,600 پوائنٹس کی نمایاں کمی ریکارڈ کی گئی۔
کاروباری دن کے دوران مارکیٹ میں شدید اُتار چڑھاؤ دیکھا گیا، ابتدائی لمحات میں انڈیکس 168,518.97 پوائنٹس کی انٹر ڈے بلند ترین سطح تک پہنچ گیا۔
یہ بھی پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
تاہم بعد ازاں سرمایہ کاروں کے منافع سمیٹنے کے رجحان نے مارکیٹ کو دباؤ ست دوچار کیا اور انڈیکس 165,997.
Market Close Update: Negative Today! ????
???????? KSE 100 ended negative by -1,578.7 points (-0.94%) and closed at 166,173.7 with trade volume of 629.7 million shares and value at Rs. 41.72 billion. Today's index low was 165,997 and high was 168,519. pic.twitter.com/pLcNoQ3LEs
— Investify Pakistan (@investifypk) October 7, 2025
کاروبار کے اختتام پر کے ایس ای-100 انڈیکس 1,578.66 پوائنٹس یعنی 0.94 فیصد کمی کے ساتھ 166,173.74 پوائنٹس پر بند ہوا۔
ایک اہم پیش رفت میں، بین الاقوامی مالیاتی فنڈ اور پاکستانی حکام نے پیر کے روز رواں مالی سال کے لیے شرح نمو کے تخمینے کو 4.2 فیصد کے حکومتی ہدف سے کم کر کے 3.5 فیصد کرنے پر غور کیا۔
مزید پڑھیں: اسٹاک ایکسچینج مندی کا شکار، انڈیکس 1200 پوائنٹس گر گیا
یہ فیصلہ حالیہ سیلاب سے بنیادی ڈھانچے، زراعت اور لائیو اسٹاک کو ہونے والے نقصانات کے باعث زیرِ غور آیا ہے۔
ذرائع کے مطابق، حالیہ سیلابی تباہ کاریوں اور بیرونی معاشی دباؤ کے پیش نظر ملک میں مہنگائی میں اضافے کا خدشہ ظاہر کیا جا رہا ہے۔
پیر کے روز بھی پاکستان اسٹاک ایکسچینج منفی رجحان کے ساتھ بند ہوئی تھی، جب بھارت کے ساتھ بڑھتی ہوئی جغرافیائی کشیدگی اور منافع سمیٹنے کے باعث سرمایہ کاروں کا اعتماد متاثر ہوا۔
اُس روز کے ایس ای 100 انڈیکس 1,237.66 پوائنٹس یعنی 0.73 فیصد کمی کے ساتھ 167,752.41 پوائنٹس پر بند ہوا تھا۔
مزید پڑھیں: اسٹاک ایکسچینج میں انڈیکس پہلی بار ایک لاکھ 69 ہزار پوائنٹس سے تجاوز کرگیا
عالمی سطح پر بھی منگل کو سیاسی بے چینی کے اثرات نمایاں رہے، جاپان اور فرانس میں سیاسی اتھل پتھل کے باعث کرنسی اور بانڈ مارکیٹس دباؤ میں رہیں۔
اے ایم ڈی اور اوپن اے آئی کے درمیان اربوں ڈالر کے چِپ سپلائی معاہدے کے باوجود عالمی حصص مارکیٹس میں اعتماد بحال نہ ہو سکا۔
Pakistan Stock Exchange – Key Statistics pic.twitter.com/LjyduAvkDy
— Topline Securities Ltd (@toplinesec) October 7, 2025
جاپان میں حکمران جماعت کی نئی سربراہ سَنائے تاکائچی کے انتخاب نے نکی انڈیکس کو ایک نئی بلند ترین سطح تک پہنچا دیا، کیونکہ اُن کے ممکنہ وزیرِاعظم بننے کے امکانات نے بڑے مالیاتی اخراجات اور نرم مالیاتی پالیسی کی توقعات کو تقویت دی۔
مزید پڑھیں:گردشی قرضوں میں کمی کی امید، اسٹاک انڈیکس میں 800 پوائنٹس سے زائد اضافہ
فرانس میں وزیرِاعظم سباستیان لکورنو کے اچانک استعفے نے ملک کو مزید سیاسی بحران میں دھکیل دیا اور مارکیٹس کو غیر یقینی صورتحال سے دوچار کر دیا۔
فرانسیسی بانڈز میں کمی اور یورو کی قدر میں معمولی 0.06 فیصد گراوٹ ریکارڈ کی گئی، جو 1.1706 امریکی ڈالر پر آگیا۔
عالمی معیشتوں میں سیاسی جھٹکوں، امریکی حکومت کے ممکنہ شٹ ڈاؤن، اور عمومی غیر یقینی حالات نے سرمایہ کاروں کا اعتماد متزلزل کر دیا۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
مصنوعی ذہانت سے متعلق مثبت توقعات بھی مارکیٹ کے مجموعی مایوس کن رجحان کو نہ بدل سکیں۔
ہانگ کانگ اور چین کی مارکیٹیں تعطیل کے باعث بند رہیں، جبکہ ایشیا پیسیفک حصص کا ایم ایس سی آئی انڈیکس جاپان کے علاوہ باقی خطے میں منڈلاتا رہا اور آخر میں تقریباً بغیر کسی تبدیلی کے بند ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی اے ایم ڈی بین الاقوامی مالیاتی فنڈ پاکستان اسٹاک ایکسچینج جغرافیائی کشیدگی رجحان زراعت سرمایہ کار شرح نمو فرانس لائیو اسٹاک معاشی دباؤ منافع مہنگائی
ذریعہ
ذریعہ: WE News
کلیدی لفظ: اوپن اے آئی اے ایم ڈی بین الاقوامی مالیاتی فنڈ پاکستان اسٹاک ایکسچینج جغرافیائی کشیدگی سرمایہ کار لائیو اسٹاک منافع مہنگائی
پڑھیں:
بجٹ میں سولر پینلز پر عائد ٹیکس میں کتنے فیصد اضافہ کیا جا سکتا ہے؟
وفاقی بجٹ 2026-27 کی تیاریوں کے ساتھ ہی قابل تجدید توانائی کے شعبے، بالخصوص سولر انڈسٹری کی نظریں حکومت کے ممکنہ ٹیکس اقدامات پر مرکوز ہیں۔
ملک میں بڑھتی ہوئی بجلی کی قیمتوں اور توانائی کے بحران کے باعث سولر توانائی کی جانب رجحان تیزی سے بڑھا ہے، تاہم ماہرین کا کہنا ہے کہ اگر حکومت سولر پینلز یا متعلقہ آلات پر نئے ٹیکس عائد کرتی ہے تو اس سے نہ صرف سولر سسٹمز کی قیمتوں میں اضافہ ہو سکتا ہے بلکہ صنعت کی ترقی اور صارفین کی دلچسپی بھی متاثر ہونے کا خدشہ ہے۔
مزید پڑھیں: حکومت شمسی توانائی کے فروغ کے لیے پرعزم، عوام کو سولر سسٹمز پر ریلیف برقرار
بجٹ میں سولر پنیلز پر ٹیکسز میں اضافے کے حوالے سے مختلف خبریں گردش کر رہی ہیں۔
وی نیوز نے سولر انڈسٹری کے ماہرین سے یہ جاننے کی کوشش کی ہے کہ سولر پینلز پر ٹیکس کتنے فیصد تک بڑھایا جا سکتا ہے، اور اس سے سولر پینلز کی قیمتوں پر کیا اثر پڑے گا؟
ٹیکس کی شرح بڑھی تو قیمتوں میں اضافہ ہو جائےگا، شرجیل احمداس حوالے سے گفتگو کرتے ہوئے سولر مارکیٹ کے ماہر شرجیل احمد سلہری کا کہنا تھا کہ مارکیٹ میں مختلف خبریں گردش کررہی ہیں کہ آئندہ بجٹ میں سولر پینلز پر عائد ٹیکس کی شرح 10 فیصد سے بڑھا کر 18 فیصد کی جا سکتی ہے۔ یعنی 8 فیصد فیصد اضافہ متوقع ہے۔
ان کا کہنا ہے کہ اگر ایسا ہوا تو سولر پینلز اور سولر سسٹمز کی قیمتوں میں کم از کم 10 سے 12 فیصد تک اضافہ متوقع ہے، جس سے صارفین پر اضافی مالی بوجھ پڑےگا اور قابل تجدید توانائی کے فروغ کی رفتار بھی متاثر ہو سکتی ہے۔
شرجیل احمد سلہری نے کہاکہ پاکستان کے برعکس دنیا کے بیشتر وہ ممالک جو موسمیاتی تبدیلیوں سے شدید متاثر ہیں، وہاں گرین انرجی کی مصنوعات اور منصوبوں پر ٹیکس عائد نہیں کیا جاتا۔
ان کے مطابق ایسے ممالک سولر اور دیگر متبادل توانائی کے ذرائع کی حوصلہ افزائی کے لیے ٹیکس چھوٹ اور مختلف مراعات فراہم کرتے ہیں تاکہ صاف اور سستی توانائی کے استعمال کو فروغ دیا جا سکے۔
’سولر پلیٹس کی قیمتوں میں نمایاں اضافہ ہو سکتا ہے‘انجینیئر محمد حمزہ رفیع کے مطابق آئندہ بجٹ میں سولر پینلز پر 18 فیصد ٹیکس عائد کیے جانے کا امکان ظاہر کیا جا رہا ہے۔
ان کا کہنا ہے کہ اگر یہ تجویز منظور ہو جاتی ہے تو سولر پلیٹس کی قیمتوں میں نمایاں اضافہ متوقع ہے۔
محمد حمزہ رفیع کے مطابق اگر ایسا ہو جاتا ہے تو سولر پینلز کی قیمت فی واٹ 8 سے 15 روپے تک بڑھ سکتی ہے، جس کے نتیجے میں گھریلو اور کمرشل صارفین کے لیے سولر سسٹمز کی مجموعی لاگت میں بھی خاطر خواہ اضافہ ہوگا۔
انہوں نے مزید کہاکہ قیمتوں میں اضافے سے سولر توانائی کی جانب منتقل ہونے والے نئے صارفین کی حوصلہ شکنی ہوگی، کیونکہ ملک میں پہلے ہی سولر پینلز سے منسلک حکومتی پالیسیوں نے عوام کے لیے سولر پینلز کی تنصیب کو ایک مشکل فیصلہ بنا دیا ہے۔
’ٹیکس بڑھنے کی خبروں میں سولر انڈسٹری میں تشویش‘پاکستان سولر ایسوسی ایشن کے سینیئر وائس چیئرمین حسنات خان کے مطابق حکومت کی جانب سے سولر پینلز پر ٹیکس میں ممکنہ اضافے کی تجویز پر انڈسٹری میں تشویش پائی جا رہی ہے۔
ان کا کہنا ہے کہ آئی ایم ایف کی جانب سے سولر پینلز پر موجودہ 10 فیصد ٹیکس کو بڑھا کر 18 فیصد کرنے کے دباؤ کی اطلاعات گردش کر رہی ہیں، تاہم اس حوالے سے انڈسٹری کی کوشش ہے کہ قابلِ تجدید توانائی کے اس شعبے پر مزید بوجھ نہ ڈالا جائے۔
حسنات خان کے مطابق اگر ٹیکس میں اضافہ کیا جاتا ہے تو اس کا براہِ راست اثر سولر سسٹمز کی قیمتوں پر پڑے گا اور صارفین کے لیے صاف توانائی حاصل کرنا مزید مہنگا ہو جائے گا۔
مزید پڑھیں: سولر، ونڈ اور ہائیڈرو پاور کے ذریعے توانائی کے حصول پر خصوصی توجہ دی جا رہی ہے، وزیر خزانہ محمد اورنگزیب
ان کا کہنا تھا کہ پاکستان جیسے ملک میں، جہاں توانائی کا بحران اور بجلی کی بلند قیمتیں پہلے ہی بڑا مسئلہ ہیں، وہاں سولر انرجی کو مزید مہنگا کرنا توانائی کے فروغ میں رکاوٹ بن سکتا ہے۔
ان کا مزید کہنا تھا کہ انڈسٹری حکومت سے مسلسل رابطے میں ہے اور کوشش کی جا رہی ہے کہ سولر انرجی کو ریلیف دیا جائے ورنہ کم از کم ٹیکس کو نہ بڑھایا جائے تاکہ عوام سستی اور ماحول دوست توانائی سے فائدہ اٹھا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹیکس میں اضافہ سولر انڈسٹری وفاقی بجٹ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ