پاکستان اور ملائشیا تجارت بڑھانے کے مفید نتائج سامنے آئیں گے،امان پراچہ
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)فیڈریشن چیمبر آف کامرس اینڈ انڈسٹری(ایف پی سی سی آئی)کے نائب صدرمحمدامان پراچہ نے پاکستان اور ملائشیا کے مابین دوطرفہ تجارت بڑھانے کیلئے دونوں ممالک کے سربراہان مملکت کے درمیان مثبت ملاقات کے مفید نتائج سامنے آئیں گے، پاکستان کے ملائشیا کے ساتھ مستقبل میں حلال فوڈ انڈسٹری، آئی ٹی، توانائی، انفراسٹرکچر،سرمایہ کاری، ڈیجیٹل معیشت، اور عوامی روابط کے شعبوں میں تعاون بڑھانے سے دونوں ممالک کی صنعتوں کو فائدہ پہنچے گا۔محمدامان پراچہ نے وزیراعظم میاں شہباز شریف، نائب وزیراعظم ،وزیرخارجہ اسحاق ڈار اور پاکستانی وفد کے دورہ ملائشیا پر تبصرہ کرتے ہوئے اس دورے کو دونوں ممالک کے مابین مضبوط تعلقات کی ضمانت قرار دیتے ہوئے کہا کہ پاکستان اور ملائیشیا کے درمیان تعلقات باہمی اعتماد پر مبنی ہیں، ملائیشیا ایک ترقی یافتہ ملک میں تبدیل ہوگیا ہے اورملائشیا کے وزیراعظم انور ابراہیم کی سربراہی میں پاکستان کے ساتھ تجارت اور سرمایہ کاری بڑھانے کے مشترکہ منصوبوں پر کام ہوگا، دونوں ممالک مشترکہ منصوبوں سے بھرپورفائدہ اٹھا سکتے ہیں۔ امان پراچہ نے مزید کہا کہ ملائیشیا کی جانب سے پاکستان سے 20 کروڑ ڈالر مالیت کا حلال گوشت درآمد کرنے کا فیصلہ خوش آئند ہے، اس شعبے میں تجارت میں مزید اضافہ ممکن ہے اورخاص طور سے دونوں ممالک حلال انڈسٹری کے فروغ میں نمایاں کردار ادا کرسکتے ہیں جس کیلئے مشترکہ سرمایہ کاری کے بھی وسیع مواقع ہیں۔ انہوں نے اس امر پر مسرت کا اظہار کیا کہ ملائیشیا گوشت کی پاکستان سے درآمد کو مزید وسعت د ینا چاہتا ہے اور پاکستان سے چاول کی درآمدات میں اضافہ کررہا ہے،دونوں ممالک کے مابین تجارت بڑھانے کیلئے صرف حکومت کو ہی نہیں نجی شعبے کو بھی جدوجہد کرنا ہوگی،اس طرح معاشی تعاون و ترقی کے نئے مواقع پیدا ہوسکیں گے۔
ذریعہ
ذریعہ: Jasarat News
کلیدی لفظ: دونوں ممالک
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی