وفاقی کابینہ نے پاک سعودیہ اسٹریٹجک معاہدے کی توثیق کردی
اشاعت کی تاریخ: 9th, October 2025 GMT
وفاقی کابینہ نے پاک سعودی اسٹریٹجک معاہدے کی توثیق کردی ہے۔
وفاقی کابینہ کے اجلاس میں گفتگو کرتے ہوئے وزیراعظم شہباز شریف نے کہا کہ دہشتگردی کے خلاف جاری جنگ میں شہدا کے خون نے ایک لکیر کھینچ دی ہے، اب یہ جنگ پاکستان کے لیے ہے اور کوئی پاکستان کو مٹا نہیں سکتا۔
یہ بھی پڑھیں: پاکستان اور سعودی عرب کے درمیان دفاعی معاہدہ باہمی بھائی چارے پر مبنی ہے، وزیراعظم
شہباز شریف نے کہا کہ وفاقی و صوبائی حکومتیں، پارلیمنٹ، سول سرونٹس اور پاک افواج دن رات ملک کے دفاع میں مصروف ہیں، لیکن اگر دہشتگردی کو جڑ سے ختم نہ کیا گیا تو یہ تمام کوششیں ضائع ہو جائیں گی۔
افواج پاکستان ، پاکستان کے ادارے پارلیمنٹ اور عوام جو محنت کر رہی ہے اگر ہم نے دہشتگردی کا مکمل طور پر خاتمہ نہ کیا تو یہ ساری محنت ضائع چلی جائے گی ، وزیراعظم شہباز شریف pic.
— WE News (@WENewsPk) October 9, 2025
انہوں نے کہا کہ وقت آ گیا ہے کہ دہشتگردی کے خلاف فیصلہ کن کارروائی کی جائے، کیونکہ اب بس بہت ہوچکا ہے۔
انہوں نے شہدا کو پاکستان کے وقار اور عزت کا تاج قرار دیتے ہوئے کہا کہ ان کی قربانیاں ہمیشہ یاد رکھی جائیں گی، انہیں بھول جانا علاقے، ملک اور ان کے اہلخانہ کے ساتھ سب سے بڑی ناانصافی ہوگی۔
یہ بھی پڑھیں: وفاقی کابینہ نے پاک فوج مخالف مہم چلانے والوں کے خلاف کارروائی کی ہدایت کردی
وزیراعظم نے کہا کہ جو لوگ دہشتگردوں کو سہولت، پناہ یا مدد فراہم کرتے ہیں وہ بھی برابر کے مجرم ہیں۔ ان کے مطابق یہ لوگ خوارج کا ساتھ دے رہے ہیں جبکہ ہمارے شہداء اپنی جانوں کے نذرانے دے کر وطن کی حفاظت کر رہے ہیں۔
اجلاس میں وفاقی کابینہ نے پاکستان اور سعودی عرب کے درمیان اسٹریٹیجک باہمی دفاعی معاہدے کی توثیق بھی کر دی۔
میری سپہ سالار سے میٹنگ ہوئی ان کا حوصلہ ان کی سوچ پختہ اور عزم انتہائی جوان ہے ، وزیراعظم شہبازشریف pic.twitter.com/MV1QEZDMgC
— WE News (@WENewsPk) October 9, 2025
کابینہ نے دونوں ممالک کی قیادتوں کو خراجِ تحسین پیش کرتے ہوئے کہا کہ یہ معاہدہ دفاعی تعاون کے ایک نئے دور کا آغاز کرے گا۔
پلانٹ پروٹیکشن ڈیپارٹمنٹ کے غیر فعال طیارے عطیہمزید برآں، کابینہ نے پلانٹ پروٹیکشن ڈیپارٹمنٹ کے 15 غیر فعال طیاروں کو مختلف تعلیمی، یادگاری اور نمائش کے مقاصد کے لیے عطیہ کرنے کی منظوری دی، جبکہ باقی 4 فعال طیارے بدستور ٹڈی دل کے خاتمے کے لیے استعمال کیے جائیں گے۔ یہ فیصلہ اس وقت کیا گیا جب طیاروں کی نیلامی کی سابقہ کوششیں ناکام رہیں۔
یہ بھی پڑھیں: وزیرِ اعظم کا خیبرپختونخوا کے سیلاب متاثرین کے لیے وفاقی کابینہ کی ایک ماہ کی تنخواہ عطیہ کرنے کا اعلان
اجلاس میں واپڈا کے بڑے ڈیموں اور پن بجلی منصوبوں کے تحفظ کے لیے ایک خصوصی سیکیورٹی فورس کے قیام کے لیے قانون سازی کی اصولی منظوری بھی دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹریٹجک معاہدہ پاکستان پلانٹ پروٹیکشن توثیق سعودی عرب عطیہ غیرفعال طیارے وفاقی کابینہ
ذریعہ
ذریعہ: WE News
کلیدی لفظ: اسٹریٹجک معاہدہ پاکستان پلانٹ پروٹیکشن توثیق عطیہ غیرفعال طیارے وفاقی کابینہ وفاقی کابینہ نے پاک نے کہا کہ کے لیے
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
پاکستان نے ورلڈ کپ 2028 کیلیے براہ راست کوالیفائی کر لیا