37 فتنہ خوارج ہلاک، میجر شہید: سبطین کی نماز جنازہ میں وزیراعظم، فیلڈ مارشل کی شرکت
اشاعت کی تاریخ: 10th, October 2025 GMT
راولپنڈی+ اسلام آباد (اپنے سٹاف رپورٹر سے+ نمائندہ خصوصی) ترجمان آئی ایس پی آر کے مطابق 8 اکتوبر 2025ء کو، سکیورٹی فورسز نے جنرل ایریا دارابان ضلع ڈیرہ اسماعیل خان میں انڈین پراکسی فتنہ الخوارج سے تعلق رکھنے والے خوارج کی موجودگی کی اطلاع پر انٹلیجنس بیسڈ آپریشن کیا۔ آپریشن کے دوران ٹروپس نے موثر طور پر کارروائی کرتے ہوئے سات انڈین سپانسرڈ خوارج کو واصل جہنم کردیا۔ تاہم شدید فائرنگ کے تبادلے میں دلیر آفیسر میجر سبطین حیدر (عمر: 30 سال، ساکن ضلع کوئٹہ) نے ٹروپس کو فرنٹ سے لیڈ کرتے اور شجاعت سے لڑتے ہوئے جام شہادت نوش کیا۔ ترجمان آئی ایس پی آر کے مطابق واصل جہنم خوارج کا اسلحہ و ایمونیشن برآمد کرلیا گیا جو سکیورٹی فورسز ، قانون نافذ کرنے والے اداروں اور معصوم شہریوں کے خلاف دہشتگردی کی کئی سرگرمیوں میں ملوث تھے۔ ترجمان آئی ایس پی آر کے مطابق علاقے میں موجود مزید کسی انڈین سپانسرڈ خوارج کا صفایا کرنے کیلئے سینیٹائزیشن آپریشن جاری ہے۔ پاکستان کی سکیورٹی فورسز ملک سے انڈین سپانسرڈ دہشتگردی کا صفایا کرنے کیلئے پرعزم ہیں اور ہمارے بہادر بیٹوں کی یہ قربانیاں ہمارے عزم کو مزید تقویت عطا کرتی ہیں۔ علاوہ ازیں صدر پاکستان آصف علی زرداری نے ڈیرہ اسماعیل خان کے علاقے درابن میں دہشت گردوں کے خلاف سکیورٹی فورسز کی کامیاب کارروائی پر اظہار تحسین پیش کیا۔ صدرِ مملکت نے میجر سبطین حیدر کی بہادری، قیادت اور قربانی کو خراج عقیدت پیش کیا۔ صدر آصف علی زرداری نے کہا کہ میجر سبطین حیدر نے وطن کے دفاع میں اپنی جان نچھاور کر کے عظیم مثال قائم کی۔ وزیراعظم محمد شہباز شریف نے ڈیرہ اسماعیل خان کے علاقے درابن میں فتنہ الخوارج کے خلاف کامیاب آپریشن اور 7 خارجیوں کو جہنم رسید کرنے پر سکیورٹی فورسز کے افسران و اہلکاروں کو سراہتے ہوئے آپریشن میں جام شہادت نوش کرنے والے میجر سبطین حیدر کو خراج عقیدت پیش کیا ہے۔ وزیر اعظم نے شہید کے درجات کی بلندی اور ان کے اہل خانہ کیلئے صبر کی دعا کی۔ انہوں نے کہا کہ افواج پاکستان کے بہادر افسر اور جوان دن رات ملک کی حفاظت میں مصروف عمل ہیں، مجھ سمیت پوری قوم کو اپنی بہادر افواج کے افسران و جوانوں پر فخر ہے ۔علاوہ ازیں میجر سبطین حیدر شہید کی نماز جنازہ چکلالہ گیریژن راولپنڈی میںادا کی گئی۔ نماز جنازہ میں وزیراعظم ، فیلڈ مارشل، عسکری و سول حکام نے شرکت کی۔ نوائے وقت رپورٹ کے مطابق اورکزئی حملے میں ملوث تمام 30 خارجی دہشت گرد اپنے انجام کو پہنچ گئے۔ سکیورٹی ذرائع کے مطابق لیفٹیننٹ کرنل خیبر طارق‘ میجر طیب راحت اور 9 جوانوں کی شہادت میں ملوث دہشتگردوں کو جہنم واصل کر دیا گیا ہے۔
.ذریعہ: Nawaiwaqt
کلیدی لفظ: سکیورٹی فورسز کے مطابق
پڑھیں:
پشاور: خودکش حملے میں شہید ایف سی اہلکاروں کی نمازِ جنازہ ادا
data-id="863a0a8" data-element_type="widget" data-widget_type="theme-post-content.default">
پشاور: ایف سی ہیڈکوارٹر پر ہونے والے خودکش حملے میں شہید اہلکاروں کی نمازِ جنازہ فیڈرل کانسٹیبلری ہیڈکوارٹر میں ادا کردی گئی۔
نمازِ جنازہ میں خیبر پختونخوا کے وزیراعلیٰ، کورکمانڈر پشاور، اعلیٰ عسکری قیادت، پولیس افسران اور سول حکام سمیت بڑی تعداد میں افراد نے شرکت کی۔ شرکا نے شہدا کی عظیم قربانی کو زبردست خراجِ تحسین پیش کرتے ہوئے اس عزم کا اظہار کیا کہ دہشت گردی کے خلاف جدوجہد میں ان بہادر جوانوں کا کردار ہمیشہ یاد رکھا جائے گا۔
نمازِ جنازہ کے اختتام پر شہدا کے جسدِ خاکی مکمل احترام کے ساتھ ان کے آبائی علاقوں کی جانب روانہ کیے گئے، جہاں انہیں پوری ریاستی عزت و احترام کے ساتھ فوجی اعزاز کے تحت سپردِ خاک کیا جائے گا۔
اس موقع پر موجود شرکا نے گفتگو کرتے ہوئے کہا کہ قوم اپنے ہیروز کی قربانیوں کو کبھی فراموش نہیں کرے گی۔ ملک کی سرحدوں اور شہریوں کی حفاظت کے لیے جان دینا ایک ایسی عظیم قربانی ہے جو ہمیشہ تاریخ کا حصہ رہتی ہے۔ شرکا نے اس عزم کو دہرایا کہ دہشت گردی کے خلاف جنگ میں پاکستان متحد ہے اور کسی بھی قیمت پر دشمن کو سر اٹھانے نہیں دیا جائے گا۔
تقریب کے اختتام پر ملکی سلامتی، امن، ترقی اور شہدا کے بلندی درجات کے لیے خصوصی دعائیں کی گئیں۔ شرکا نے دعا کی کہ اللہ تعالیٰ وطن عزیز کو ہر فتنے اور دہشت گردی سے محفوظ رکھے اور شہدا کے لواحقین کو صبرِ جمیل عطا فرمائے۔
کوئٹہ میں پابندی کے باوجود ایرانی پیٹرول کی غیر قانونی فروخت جاری