غزہ میں جنگ بندی برقرار، ملبہ ہٹانے کا عمل شروع
اشاعت کی تاریخ: 13th, October 2025 GMT
امدادی سامان سے لدے درجنوں ٹرک رفح اور کریم ابوسالم کے راستے پہنچنا شروع ہوگئے
ہزاروں بے گھر فلسطینی اپنی اشیاء کے ساتھ واپس غزہ کی طرف لوٹ رہے ہیں، الجزیرہ میڈیا
حماس اور اسرائیل کے درمیان جنگ بندی کے بعد غزہ شہر میں ملبہ ہٹانے کا عمل شروع کر دیا گیا ہے جبکہ امدادی سامان سے لدے درجنوں ٹرک رفح اور کریم ابوسالم کے راستے غزہ میں داخل ہو گئے ہیں۔قطری نشریاتی ادارے الجزیرہ کے مطابق ہزاروں بے گھر فلسطینی اپنی اشیاء کے ساتھ واپس غزہ کی طرف لوٹ رہے ہیں۔ شہر میں ہر طرف تباہی کے مناظر ہیں، جبکہ بلڈوزر ملبہ صاف کرنے میں مصروف ہیں تاکہ شہری اپنے گھروں کے باقی ماندہ حصوں تک رسائی حاصل کر سکیں۔غزہ حکام کے مطابق اقوام متحدہ کی تازہ فضائی تصاویر سے ظاہر ہوتا ہے کہ صرف غزہ شہر میں 41 ہزار سے زائد رہائشی یونٹس مکمل طور پر تباہ ہو چکے ہیں، جبکہ شہر میں 80 لاکھ مکعب میٹر ملبہ موجود ہے۔
.ذریعہ: Juraat
پڑھیں:
مذہبی جماعت کا اسلام آباد کی جانب مارچ، پولیس کے ساتھ تصادم کا مقدمہ درج
مذہبی جماعت کے اسلام آباد کی جانب مارچ کے دوران لاہور کے یتیم خانہ چوک پر کارکنان کے پولیس کے ساتھ تصادم کا مقدمہ درج کر لیا گیا ہے۔
پولیس کے مطابق مقدمہ تھانہ نواں کوٹ میں سرکار کی مدعیت میں درج کیا گیا، جس میں 11 نامزد افراد سمیت 400 نامعلوم ملزمان کو شامل کیا گیا ہے، ایف آئی آر کے مطابق مقدمے میں دہشتگردی، کارِ سرکار میں مداخلت اور اقدامِ قتل کی دفعات شامل کی گئی ہیں۔
یہ بھی پڑھیں: ٹی ایل پی احتجاج کے نام پر فساد پھیلا رہی ہے، طلال چوہدری
ایف آئی آر میں الزام عائد کیا گیا ہے کہ ملزم سعد رضوی اور انس رضوی کی فائرنگ سے ایک شرپسند ہلاک ہوا، جبکہ ملزمان کے پتھراؤ سے ایک اور شخص سیف اللہ بھی جاں بحق ہوا۔
پولیس کا کہنا ہے کہ ملزمان کے حملے سے ایس ایچ او سمیت 7 پولیس اہلکار زخمی ہوئے، جبکہ تصادم کے دوران 2 راہگیر بھی متاثر ہوئے۔
ایف آئی آر کے متن میں مزید کہا گیا ہے کہ ملزمان نے ملتان روڈ بلاک کر کے ریاست اور ریاستی اداروں کے خلاف نعرے بازی کی اور ریاستی املاک کو نقصان پہنچایا۔
یہ بھی پڑھیں: اقصیٰ مارچ: ٹی ایل پی کے کارکنان کے خلاف پولیس نے کریک ڈاؤن کیوں کیا؟
پولیس کے مطابق واقعے کی تحقیقات شروع کردی گئی ہیں جبکہ علاقے میں صورتحال پر قابو پانے کے لیے سیکیورٹی مزید سخت کردی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس تصادم ٹی ایل پی لاہور مارچ مذہبی جماعت مقدمہ درج
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی