خدمت کے میدان میں جماعت اسلامی کا کوئی ثانی نہیں
اشاعت کی تاریخ: 13th, October 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) جماعت اسلامی صوبہ سندھ کے رہنما علامہ حزب اللہ جکھرو نے کہا ہے کہ خدمت کے میدان میں جماعت اسلامی کا کوئی ثانی نہیں ،سیلاب ہو زلزلہ ،قدرتی آفات ہوں یا بارش جماعت الخدمت کی صورت میں حاضرہوتی ہے۔وہ پنچائت ہال ڈہرکی میں الخدمت کی طرف سے اقلیتی برادری میں تحائف کی تقسیم کی تقریب میں مہمان خصوصی کی حیثیت میں خطاب کررہے تھے۔اس موقع پرہندو اقلیتی برادری کو تحائف تقسیم کیے گئے۔تقریب سے امیر ضلع گھوٹکی تشکیل احمد صدیقی، ضلع صدر الخدمت فاؤنڈیشن ساجد علی دایو، ڈاکٹر شنکر لال،روشن لال سمیت دیگر نے خطاب کیا جبکہ الخدمت رضا کاران فرحان خالد، عمار، شہاب سمیت درجنوں کارکنان بھی موجود تھے۔ مولانا حزب اللہ جکھرو نے کہا کہ ھم خدمت عبادت سمجھ کر کرتے ہیں ،آج بھی راشن اور دیگر اشیاآپ کی خوشی کے موقع پر دیکر محبت کا اظہار کررہے ہیں۔ملک اور بیرون ملک جماعت اسلامی مستحقین کو ہر موقع پر یاد کرتی ہے،غزہ کے مسلمانوں کی مدد کیلئے سیکڑون جہاز سامان سے بھر کر بھجوائے ہیں ،ہزاروں ٹن خوراک اور ادویات ودیگر اشیا سے بھرے جہاز بھجواکر امت کے پشتیبان کا حق ادا کیا ہے،جماعت اسلامی الخدمت کے ذریعے ملک بھر میں غریب عوام کی خدمت میں مصروف ہے، جماعت پر قوم کا اعتماد ہے اس لئے وسائل دیتے ہیں۔انہوں نے کہا کہ عوام کی بلا رنگ ونسل ومذہب خدمت ہماری پہچان ہے۔قوم جماعت کو ووٹ کی سپورٹ کرے تاکہ اقتدار میں آکر سارے وسائل دیانتداری سے عوام تک پہنچائیں،بغیر اقتدار کے اتنی خدمت کرسکتی تو اقتدار مین کیا نہ کرے گی۔پاکستان اللہ کی نعمت ہے اس کی حفاظت ہم سب کی ذمے داری ہے۔انہوں نے کھا کہ جماعت اسلامی پاکستان میں صاف شفاف پارٹی ہے ،دیانتدار قیادت اس کے پاس ہے، جماعت اسلامی عوامی حقوق کی ترجمان ہے۔مولانا حزب اللہ جکھرو نے کہا کہ الخدمت ہر تفریق سے بالا تر بوکر انسانیت کی خدمت میں پیش پیش ہے، قدرتی آفات ہوں یا دیگر مواقع الخدمت ملک بھر میں فلاحی رفاہی خدمات سرانجام دے رہی ہے۔ہندو اقلیتی برادری کے رہنماؤں نے تقریب کے انعقاد اور تحائف کی تقسیم پر الخدمت سے اظہار تشکر کیا۔قبل ازیں جماعت اسلامی کے صوبائی رہنما اور پروگرام کے مہمان خصوصی مولانا حزب اللہ جکھرو اور تشکیل احمد صدیقی کو سندھی اجرک اور ٹوپی کا تحفہ پیش کیا گیا جبکہ دیگر مہمانان کو اجرک کا تحفہ دیا گیا۔
ذریعہ: Jasarat News
کلیدی لفظ: حزب اللہ جکھرو جماعت اسلامی
پڑھیں:
سری نگر:جماعت اسلامی،حریت کارکنوں کے گھروں پر چھاپے
data-id="863a0a8" data-element_type="widget" data-widget_type="theme-post-content.default">
سرینگر: مقبوضہ کشمیر پولیس کا کہنا ہے کہ انہوں نے جماعت اسلامی اور کل جماعتی حریت کانفرنس (APHC) سے وابستہ چند افراد کے خلاف کارروائی کرتے ہوئے مختلف مقامات پر مربوط چھاپے مارے ہیں۔
پولیس ترجمان کے مطابق یہ چھاپے سرینگر کے مختلف علاقوں میں ان افراد کے گھروں پر مارے گئے جن کا تعلق مبینہ طور پر ان کالعدم تنظیموں سے ہیں۔
چھاپے جن مقامات پر مارے گئے ان میں مشتاق احمد بٹ عرف گوگا صاحب عرف مشتاق الاسلام، مرحوم اشرف صحرائی، معراج الدین کلوال عرف راج کلوال (جو فی الحال این آئی اے کی حراست میں ہے) اور ضمیر احمد شیخ کے مکانات شامل ہیں۔
پولیس ترجمان نے مزید کہا کہ کارروائیاں مکمل قانونی تقاضوں کے تحت انجام دی گئیں اور دوران تلاشی مختلف مواد، بشمول لٹریچر اور تصاویر، ضبط کی گئیں جو مبینہ طور پر کالعدم علیحدگی پسند تنظیموں سے متعلق ہیں۔
پولیس کے مطابق یہ کارروائیاں وادی کشمیر میں شدت پسندی اور علیحدگی پسندی کے ڈھانچے کو توڑنے کے لیے جاری ایک وسیع تر مہم کا حصہ ہے، جس کا مقصد ان نیٹ ورکس کی جڑوں تک پہنچنا ہے جو ایسے عناصر کو تقویت دیتے ہیں۔
ترجمان نے مزید کہا کہ ”سرینگر پولیس امن و قانون کی بحالی کے لیے پر عزم ہے اور ایسے تمام افراد یا گروپوں کے خلاف کارروائی جاری رہے گی جو غیر قانونی یا ملک دشمن سرگرمیوں میں ملوث پائے جائیں گے۔“
یاد رہے کہ اشرف صحرائی کا انتقال 5 مئی 2021 کو جموں کے ایک اسپتال میں ہوا تھا جہاں وہ علالت کے باعث زیر علاج تھے۔ وہ 80 برس کے تھے۔
ویب ڈیسک
Faiz alam babar
بھارتی میڈیا نے وسیم اکرم کو جاسوس بنا دیا، سابق پاکستانی کرکٹر برہم