وزیر خزانہ کی ملاقاتیں‘ آئی ایف سی سے ریکوڈک منصوبے کی جلد تکمیل پر اتفاق
اشاعت کی تاریخ: 14th, October 2025 GMT
اسلام آباد (نمائندہ خصوصی) وفاقی وزیرِ خزانہ و محصولات سینیٹر محمد اورنگزیب اپنی ٹیم کے ہمراہ مسٹر ریکارڈو پْلِتی، ریجنل وائس پریذیڈنٹ، انٹرنیشنل فنانس کارپوریشن برائے مشرقِ وسطیٰ، وسطی ایشیا، ترکی، افغانستان اور پاکستان سے ملاقات کے دوران وزیرِ خزانہ نے پاکستان کے مضبوط معاشی اشاریوں کو اجاگر کیا۔ سینیٹر اورنگزیب نے آئی ایف سی کے شراکتی کردار‘ سرمایہ کاری کے فروغ کے لیے آئی ایف سی کے اہم کردار پر اطمینان کا اظہار کیا، جس میں 10 سالہ کنٹری پارٹنرشپ فریم ورک کے تحت کئی ارب ڈالر کی سرمایہ کاری شامل ہے۔ دونوں فریقوں نے آئی ایف سی کے اہم ریکو ڈک منصوبے کی جلد مالی تکمیل کے لیے اقدامات پر اتفاق کیا۔ وزیرِ خزانہ نے اسلام آباد میں آئی ایف سی کے نئے ریجنل دفتر کے قیام کا خیرمقدم بھی کیا۔ وزیرِ خزانہ محمد اورنگزیب نے اسلامی ترقیاتی بنک کے صدر ڈاکٹر محمد سلیمان الجاسر سے بھی ایک نتیجہ خیز ملاقات کی۔ انہوں نے پاکستان میں پولیو کے خاتمے کی کوششوں اور تیل کی فراہمی کے منصوبوں میں آئندہ تعاون کی امید ظاہر کی۔ دونوں فریقین نے پاکستان کے لیے نئے کنٹری انگیجمنٹ فریم ورک کی تیاری پر اتفاق کیا۔
.ذریعہ: Nawaiwaqt
پڑھیں:
صدر، وزیر اعظم سے سیکریٹری ایرانی سپریم نیشنل سیکیورٹی کونسل علی لاریجانی کی ملاقاتیں
ویب ڈیسک : صدرِ مملکت آصف علی زرداری اور وزیرِ اعظم شہباز شریف سے ایران کی سپریم نیشنل سیکیورٹی کونسل کے سیکریٹری علی لاریجانی نے علیحدہ علیحدہ ملاقات کی ہے۔
ذرائع کے مطابق صدر مملکت آصف علی زرداری سےایرانی سیکریٹری سپریم قومی سلامتی کونسل ڈاکٹرعلی لاریجانی کی ملاقات کے دوران باہمی دلچسپی کے امور اور دو طرفہ تعلقات پر بات چیت کی گئی۔
ملاقات میں خطے کی سیکیورٹی صورتِ حال پر بھی بات چیت کی گئی۔
راکھ کا بادل پاکستان آ گیا، پروازوں کو خطرہ لاحق، سرکاری الرٹ آگیا
صدر ِمملکت آصف علی زرداری نے ڈاکٹر لاریجانی کو سپریم نیشنل سیکیورٹی کونسل کا عہدہ سنبھالنے پر مبارک باد دی اور حالیہ سیلاب میں اظہارِ یکجہتی اور ایرانی ریڈ کریسنٹ کی انسانی امداد پر شکریہ ادا کیا۔صدرِ مملکت نے بھارت کے ساتھ جنگ کے دوران ایران کی مستقل حمایت پر شکریہ ادا کیا اور اسرائیلی جارحیت کے بعد ایران کے لیے پاکستان کی سیاسی و سفارتی حمایت کا اعادہ بھی کیا۔صدر زرداری نے حالیہ جنگ میں ایرانی عوام کی ثابت قدمی کو سراہا، سپریم لیڈر کی قیادت کی تعریف کی اور مقبوضہ جموں و کشمیر اور فلسطین کے عوام کے لیے ایران کی اصولی حمایت کو سراہا۔
گلگت بلتستان اسمبلی تحلیل
صدر ِمملکت نے ملاقات میں کہا کہ پاکستان ایران کے ساتھ دو طرفہ تجارت بڑھانے کا خواہاں ہے، پاک ایران ریلوے رابطہ تجارت کے فروغ، سیاحت کی بہتری کے لیے ترجیحی بنیادوں پرمضبوط ہونا چاہیے، بہتر کنیکٹیویٹی سے کاروباری افراد اور زائرین کے لیے سفر آسان ہو گا۔
اعلامیے کے مطابق ایران پاکستان گیس پائپ لائن کے بارے میں صدر نے باہمی طور پر قابلِ عمل حل کی ضرورت پر زور دیا۔صدر مملکت آصف علی زرداری نے اس حوالے سے اسلام آباد میں حالیہ تکنیکی بات چیت کا خیر مقدم کیا اور کہا کہ پاکستان تہران میں مذاکرات کے تسلسل کا منتظر ہے۔ڈاکٹر لاریجانی نے سپریم لیڈر آیت اللّٰہ خامنہ ای اور صدر مسعود پزشکیان کی نیک خواہشات اور سلام صدرِ مملکت کو پہنچایا، رواں سال کی 12 روزہ جنگ میں پاکستان کی سفارتی اور اخلاقی حمایت پر شکریہ ادا کیا۔ڈاکٹر لاریجانی نے حالیہ واقعات میں پاکستان کی مسلح افواج کی بہادری اور کامیابی کو سراہتے ہوئے کہا کہ پاکستان کی فتح ہماری فتح ہے، ایرانی منڈی میں پاکستانی مصنوعات کو ترجیحی رسائی دینے کے لیے متعدد ہدایات جاری کی گئی ہیں، اس سے 10 ارب ڈالرز کے تجارتی ہدف کے حصول کی راہ ہموار ہوئی ہے۔
پاکستانی ٹینس سٹار اعصام الحق نے بین الاقوامی ٹینس کو الوداع کہہ دیا
صدرِ مملکت آصف علی زرداری نے ڈاکٹر علی لاریجانی سے کہا کہ وہ سپریم لیڈر تک ان کا سلام پہنچائیں۔ ملاقات میں علاقائی و بین الاقوامی صورتِ حال، سیکیورٹی اور انسدادِ دہشت گردی سمیت مختلف امور پر بھی گفتگو ہوئی۔
وزیرِ اعظم شہباز شریف سے ملاقات
اعلامیے کے مطابق ایران کی سپریم نیشنل سیکیورٹی کونسل کے سیکریٹری علی لاریجانی کی وزیرِ اعظم شہباز شریف سے ملاقات میں اہم علاقائی اور بین الاقوامی پیش رفت پر تبادلۂ خیال کیا گیا۔
ملائیشیا کا 16 سال سےکم عمر بچوں کیلئے سوشل میڈیا کے استعمال پرپابندی کا فیصلہ
ملاقات میں خطے میں امن و استحکام کو فروغ دینے کے لیے مربوط کوششوں کی اہمیت پر زور دیا گیا۔
وزیر اعظم شہباز شریف نے ملاقات کے دوران علاقائی مسائل پر ایران کے اصولی مؤقف کو سراہا اور دونوں ممالک کے پُرامن اور خوش حال مستقبل کے لیے ایران سے مل کر کام کرنے کے عزم کا اعادہ کیا۔
راشد لطیف کے خلاف ایف آئی اے تحقیقات پر نجوم سیٹھی بول پڑے، محسن نقوی کا ترکی بہ ترکی جواب