بی آئی ایس پی کو عالمی سطح پر تسلیم کیا گیا، آپس کی تقسیم کے بجائے دنیا سے مقابلہ کرنا ہوگا، بلاول بھٹو
اشاعت کی تاریخ: 14th, October 2025 GMT
پاکستان پیپلز پارٹی (پی پی پی) نے کہا ہے کہ بینظیر انکم اسپورٹ پروگرام (بی آئی ایس پی) کو عالمی سطح پر تسلیم کیا گیا، آپس کی تقسیم کے بجائے دنیا سے مقابلہ کرنا ہوگا۔
کراچی میں تقریب سے خطاب کرتے ہوئے چیئرمین پی پی پی نے کہاکہ شاید کسی کو معلوم نہ ہو کہ خیرپور میں بھی ایک اسپیشل اکنامک زون ہے جو دنیا کے بہترین اکنامک زونز میں شامل ہے۔
انہوں نے کہاکہ یہ تو سندھ حکومت کا ایک کارنامہ ہے جسے دنیا نے تسلیم کیا، آپ کا مقابلہ کسی اور صوبے یا شہر سے ہے ہی نہیں، ہم تو دنیا سے مقابلے کرنے والے ہیں۔ اس لیے آ پَس کی تقسیم نہیں ہونی چاہیے، دنیا سے مقابلہ کرنا چاہیے۔
بلاول بھٹو نے کہاکہ سندھ حکومت نے قائم علی شاہ کے دور میں یہ اکنامک زون شروع کیا تھا اور ہم سمجھتے ہیں کہ یہ ملک کی کامیابی ہے۔
ان کا کہنا تھا کہ پاکستان میں سب سے پہلے پبلک پرائیویٹ پارٹنر شپ کے ادارے سندھ میں شروع کیے گئے۔
انہوں نے کہاکہ بی آئی ایس پی کو عالمی سطح پر تسلیم کیا جاتا ہے اور دنیا کے بڑے ملکوں کے پاس ایسا پروگرام نہیں جیسا آپ کے پاس ہے۔
بلاول بھٹو نے کہاکہ بحیثیت وزیر خارجہ مختلف ممالک کے دورے کیے، وہ ممالک مجھ سے کہتے تھے کہ وہ بی آئی ایس پی کی کاپی کرتے ہیں۔
چیئرمین پی پی پی نے کہاکہ پی ٹی آئی کی حکومت نے بھی مستحقین تک پیسے پہنچانے کے لیے بی آئی ایس پی کا سہارا لیا تاہم نام بدل دیا تھا، جبکہ وزیراعظم شہباز شریف خود بھی اس پلیٹ فارم کو استعمال کر چکے ہیں۔
انہوں نے بی آئی ایس پی کے حوالے سے اس پروگرام کی کارکردگی کی تعریف کی اور کہا کہ یہ پروگرام غریب ترین لوگوں تک امداد پہنچانے کا بہترین ذریعہ ہے۔
بلاول بھٹو نے مزید کہاکہ پیپلز پارٹی نے جس طرح آئین کی کتاب میں حصہ ڈالا وہ قابل ذکر ہے۔
انہوں نے کہاکہ ہم مستحق افراد کے لیے سندھ میں 20 لاکھ گھر تعمیر کررہے ہیں، اس سے قبل قائد عوام ذوالفقار علی بھٹو نے لوگوں کو زمینوں کا مالک بنایا تھا۔
ماحولیاتی تبدیلیوں کے حوالے سے بات کرتے ہوئے انہوں نے کہاکہ دنیا کے 10 موسمیاتی تبدیلی سے متاثرہ علاقوں میں ہم بھی شامل ہیں، اس لیے اس مسئلے پر توجہ ضروری ہے۔
انہوں نے کہاکہ پارٹی رہنماؤں سے درخواست کی کہ کسی بھی معاملے پر بات چیت کے لیے میڈیا کے بجائے سی ای سی کا پلیٹ فارم استعمال کیا جائے تاکہ امور بہتر طریقے سے حل ہوں۔
بلاول بھٹو نے غزہ امن معاہدے کو خوش آئند قرار دیتے ہوئے کہاکہ ڈر ہے کہیں پھر اسرائیل کی طرف سے سیز فائر کی خلاف ورزی نہ کی جائے۔ ہر پاکستانی غزہ کے مسلمانوں کے شانہ بشانہ کھڑا ہے۔
انہوں نے کہاکہ ہمیں یقین ہے کہ پوری امت مسلمہ اس امن معاہدے پر غور کررہی ہوگی، امید ہے کہ غزہ میں سیز فائر جاری رہے گا۔
ان کا مزید کہنا تھا کہ گزشتہ روز سیز فائر معاہدے پر دستخطوں کی تقریب میں صدر ٹرمپ نے وزیراعظم شہباز شریف کو خود خطاب کی دعوت دی، یقینا یہ سب کو اچھا لگا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو بی آئی ایس پی پی پی ن لیگ سیاسی کشیدگی چیئرمین پی پی پی سیز فائر معاہدہ غزہ امن منصوبہ وی نیوز.
ذریعہ
ذریعہ: WE News
کلیدی لفظ: بلاول بھٹو بی ا ئی ایس پی پی پی ن لیگ سیاسی کشیدگی چیئرمین پی پی پی سیز فائر معاہدہ وی نیوز انہوں نے کہاکہ بلاول بھٹو نے بی ا ئی ایس پی تسلیم کیا سیز فائر پی پی پی دنیا سے کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار