مظاہرین کیخلاف فوجی طرز کا آپریشن انتہائی شرمناک ہے‘تنظیم اسلامی
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (نمائندہ جسارت)جب حماس نے اسرائیل سے مذاکرات کو ترجیح دی ہے، تو اسلام آباد میں امریکی سفارت خانے پر چڑھائی کا کیا جواز تھا؟ حکومت اور ریاستی ادارے ظلم و جبر سے مظاہرین کو روکنے کی کوشش کریں گے تو ملک میں انتشار مزید بڑھے گا۔ اِن خیالات کا اظہار تنظیم اسلامی کے امیرشجاع الدین شیخ نے ایک بیان میں کیا۔ انہوں نے کہا کہ میڈیا ذرائع کے مطابق گزشتہ دو برس سے زائد عرصے کے دوران ناجائز صہیونی ریاست اسرائیل نے غزہ میں مسلسل وحشیانہ بمباری کرکے 70,000 سے زائد مسلمانوں کو شہید اور ایک لاکھ سے زائد افراد کو شدید زخمی کر دیا ہے پھر یہ کہ غزہ جانے والی بین الاقوامی امداد کو روکے رکھا اور بھوک کو نسل کشی کے ہتھیار کے طور پر استعمال کیا۔ مسجد اقصی کی حرمت کو بھی پامال کیا، جس کی جتنی بھی مذمت کی جائے کم ہے۔ اِس حوالے سے اگرچہ کسی مسلم یا غیر مسلم ملک نے اسرائیل کے خلاف عسکری طور پر عملی قدم نہیں اٹھایا لیکن بڑے پیمانے پر مظاہرے دیکھنے میں آئے۔ اب جب کہ بعض عرب و دیگر ممالک کی کوششوں سے جنگ بندی کے معاہدے کا پہلا مرحلہ طے پاگیا ہے اور اِس معاہدہ پر حماس سمیت فلسطین کی تمام تحاریک مزاحمت اور اسرائیل نے اتفاق کر لیا ہے تو پاکستان میں مظاہروں کا جواز اس وقت تک نہیں بنتا جب تک ناجائز صہیونی ریاست اسرائیل اِس معاہدے کی خلاف ورزی نہ کرے یا پاکستان اسرائیل کو تسلیم کرنے کا واضح اعلان نہ کرے۔ پھر یہ کہ پاکستان میں خیبرپختونخوا اور بلوچستان کو بدترین دہشت گردی نے گھیر رکھا ہے۔ ایسے میں پرتشدد مظاہروں سے ملک میں افراتفری مزید پھیلے گی۔ انہوں نے کہا کہ حکومتی اور ریاستی مشینری کا مظاہرین سے مذاکرات کی راہ ترک کرکے فوجی طرز کا آپریشن کرنا، جس میں سینکڑوں افراد شہید کر دیئے گئے، انتہائی شرم ناک ہے۔ ریاست اگر تحمل اور بردباری کا مظاہرہ نہیں کرے گی اور اسلامی احکامات کے مطابق درگزر اور بات چیت کا طریقہ نہیں اپنائے گی تو ملک بھر میں آگ بھڑک اٹھے گی، جس سے فائدہ صرف اندرونی و بیرونی ملک دشمن عناصر اٹھائیں گے اور پاکستان کی سا لمیت بھی خطرہ میں پڑ جائے گی۔ ضرورت اس امر کی ہے کہ فریقین، جو سب مسلم بھائی ہیں، ملک و ملت میں انتشار کے راستے سے گریز کریں۔
ذریعہ
ذریعہ: Jasarat News
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ