اترپردیش کی جھوٹے الزامات اور اپوزیشن کے پروپیگنڈے سے ہوشیار رہیں، مایاوتی
اشاعت کی تاریخ: 17th, October 2025 GMT
بی ایس پی کی سربراہ نے کہا کہ ذات پات کی نفرت سے چلنے والی سماج وادی پارٹی کی حکومت نے عظیم سنتوں، گرووں اور عظیم آدمیوں کے نام سے منسوب اداروں، اضلاع اور یونیورسٹیوں کے نام بدل کر بہوجن سماج کی توہین کی ہے۔ اسلام ٹائمز۔ ہوجن سماج پارٹی (بی ایس پی) کی قومی صدر مایاوتی نے لکھنؤ میں ریاستی سطح کا جائزہ اجلاس منعقد کیا اور افسران سے کہا کہ سبھی کو 2027ء کے اسمبلی انتخابات کی تیاری ابھی سے شروع کر دینی چاہیئے۔ انہوں نے کہا کہ پارٹی کے خلاف پھیلائے جارہے جھوٹے الزامات اور پروپیگنڈے کے خلاف ہر وقت چوکنا رہنا چاہیئے۔ اترپردیش کی سابق وزیراعلٰی مایاوتی نے کہا کہ 9 اکتوبر کو بی ایس پی کے بانی کانشی رام کی برسی کے موقع پر منعقدہ تاریخی تقریب نے ثابت کر دیا کہ بہوجن سماج آج بھی پارٹی کے مشن، نظریے اور قیادت کے ساتھ مضبوطی سے کھڑا ہے۔ انہوں نے تقریب کو کامیاب بنانے والے تمام افسران، کارکنوں اور معاونین کو دلی مبارکباد پیش کی۔
بی ایس پی کی سربراہ مایاوتی نے کہا کہ دیگر پارٹیوں کے برعکس بی ایس پی سرمایہ داروں اور صنعت کاروں کے سہارے نہیں چلتی ہے، یہ ایک تنظیم ہے جو سماجی تبدیلی اور معاشی آزادی کے مشن پر ہے، جو دلتوں، پسماندہ طبقات، قبائلیوں، مسلمانوں اور دیگر کمزور گروہوں کی بہتری کے لئے لڑ رہی ہے۔ مایاوتی نے کہا کہ ذات پات کی نفرت سے چلنے والی سماج وادی پارٹی کی حکومت نے عظیم سنتوں، گرووں اور عظیم آدمیوں کے نام سے منسوب اداروں، اضلاع اور یونیورسٹیوں کے نام بدل کر بہوجن سماج کی توہین کی ہے۔ مزید برآں ان کمیونٹیز کے لئے بنائی گئی اسکیموں کو غیر فعال کر دیا گیا ہے، جو کہ سیاسی بدنیتی اور فریب کی علامت ہے۔
مایاوتی نے واضح طور پر کہا کہ بی ایس پی کبھی جبر، رشوت اور امتیاز کی سیاست میں شامل نہیں ہے۔ انہوں نے کہا کہ ہماری سیاست ایک کھلی کتاب کی طرح صاف ہے۔ میٹنگ میں یہ بھی فیصلہ کیا گیا کہ بہوجن مشن 2027ء کے تحت پارٹی گاؤں گاؤں جا کر عوام سے رابطہ کرے گی۔ سینیئر لیڈران اپنے اپنے علاقوں میں جلسہ عام کریں گے، لوگوں کو یہ بتاتے ہوئے کہ بی ایس پی ہی ریاست میں امن و امان اور عوامی بہبود کی حقیقی ضامن ہے۔ مایاوتی نے پارٹی کارکنوں سے اپیل کی کہ وہ اپوزیشن جماعتوں کے گمراہ کن پروپیگنڈے سے ہوشیار رہیں اور متحد ہوکر بہوجن سماج کی آواز کو بلند کریں۔
ذریعہ: Islam Times
کلیدی لفظ: بہوجن سماج مایاوتی نے بی ایس پی نے کہا کہ کے نام
پڑھیں:
ہری پور ضمنی انتخابات کے حوالے سے بے بنیاد الزامات غیر ضروری اور حقائق کے منافی ہیں، الیکشن کمیشن
الیکشن کمیشن آف پاکستان نے کہا ہے کہ بعض عناصر ہری پور این اے-18 ضمنی انتخابات کو متنازع بنانے کے لیے بے بنیاد الزامات لگا رہے ہیں، جن میں ڈی آر او اور آر او کی تعیناتی کو سازش قرار دینا شامل ہے۔ کمیشن نے واضح کیا کہ یہ دعوے حقائق کے سراسر منافی ہیں۔
الیکشن کمیشن کے مطابق، جنرل انتخابات میں آر اوز اور ڈی آر اوز کی تعیناتی عملے کی کمی کی وجہ سے ممکن نہیں ہوتی، مگر ضمنی انتخابات میں ضرورت کے تحت ایسا کیا جاتا ہے۔
مزید پڑھیں: این اے-18 ہری پور کے ضمنی انتخاب میں شہرناز عمر ایوب کو شکست، پی ٹی آئی کا دھاندلی کا الزام
ہری پور این اے-18 میں بھی اسی ایریا کے افسروں کو ڈی آر او اور آر او مقرر کیا گیا، جو الیکشن ایکٹ 2017 کے تحت کمیشن کا قانونی اختیار ہے۔
#ECP pic.twitter.com/pdaYiLWRk3
— Election Commission of Pakistan (OFFICIAL)???????? (@ECP_Pakistan) November 30, 2025
آر اوز اور ڈی آر اوز کی تعیناتی پول ڈے سے پہلے کر دی جاتی ہے اور کسی جانب سے اعتراض الیکشن کے دن تک نہیں اٹھایا گیا، بلکہ الزامات ہارنے کے بعد لگائے جا رہے ہیں۔
فارم 45 کے پہلے سے تیار ہونے کا الزام بھی غلط ہے کیونکہ تمام پریزائیڈنگ آفیسرز اور معاون عملہ صوبائی انتظامیہ سے فراہم کیے گئے تھے۔ الیکشن کمیشن نے واضح کیا کہ انتخاب کے عمل میں سیکیورٹی اور عملہ بھی صوبائی حکومت کی جانب سے فراہم کیا گیا۔
مزید پڑھیں: الیکشن کمیشن نے رانا ثنااللہ، طلال چوہدری، سہیل آفریدی سمیت کس کس کو طلب کیا ہے؟
کمیشن کا کہنا ہے کہ ہر انتخاب کے بعد ایک جیسے بے بنیاد الزامات کا مقصد صرف الیکشن کے عمل کو مشکوک بنانا ہے، جبکہ نتائج پر اعتراض کی صورت میں قانونی فورم الیکشن ٹربیونل ہے، نہ کہ میڈیا پر الزامات لگانا۔
الیکشن کمیشن نے کہا کہ ہری پور ضمنی انتخابات میں تمام اقدامات آئین اور قانون کے مطابق کیے گئے اور آئندہ بھی کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن ہری پور این اے-18
مرحوم ماں کا روپ دھار کر اسی کی پنشن وصول کرنے والا بہروپیا پکڑا گیا