ایران میں موساد کے ایک اور جاسوس کو پھانسی دیدی گئی
اشاعت کی تاریخ: 20th, October 2025 GMT
قم کی صوبائی عدالت کے چیف جسٹس سید کاظم موسوی نے موساد کے جاسوس کے پھانسی کے حکم کی تعمیل کی اطلاع دی اور کہا کہ اعلیٰ عدالت کی توثیق اور معافی کی درخواست مسترد ہونے کے بعد موساد کے جاسوس کو پھانسی دیدی گئی۔ اسلام ٹائمز۔ ایران نے اسرائیلی خفیہ ایجنسی موساد کے لیے جاسوسی کرنے والے ایک اور شخص کو پھانسی دے دی۔ تسنیم نیوز ایجنسی کے مطابق قم کی صوبائی عدالت کے چیف جسٹس سید کاظم موسوی نے موساد کے جاسوس کے پھانسی کے حکم کی تعمیل کی اطلاع دی اور کہا کہ اعلیٰ عدالت کی توثیق اور معافی کی درخواست مسترد ہونے کے بعد موساد کے جاسوس کو پھانسی دیدی گئی۔ سید کاظم موسوی نے کہا کہ اس جاسوس نے اسرائیلی انٹیلی جنس سروسز کے ساتھ اپنی سرگرمیاں اور روابط اکتوبر 2023ء میں شروع کیے۔ قم کے صوبائی عدالت کے چیف جسٹس نے جاسوسی کے طریقہ کار کے بارے میں بتایا کہ اس فرد نے ذاتی اور پیشہ ورانہ وجوہات کی بنا پر اسرائیلی حکومت کی خفیہ سروسز سے رابطہ قائم کیا، موساد افسر کے ساتھ میٹنگیں کیں، انٹیلی جنس تعاون کیا اور اسرائیلی حکومت کو ورچوئل اسپیس میں خفیہ معلومات بھیجنا شروع کر دیا، جسے ملک کی انٹیلی جنس اور عدالتی اداروں کی فوری اور ذہین کارروائیوں کے ذریعے شناخت کر لیا گیا اور حساس معلومات کے اخراج کو روک لیا گیا۔
.
ذریعہ
ذریعہ: Islam Times
کلیدی لفظ: موساد کے جاسوس کو پھانسی
پڑھیں:
ٹرمپ کو ریلیف مل گیا؛ امریکی سینیٹ نے ایران جنگ ختم کرنے کی قرارداد مسترد کر دی
امریکی سینیٹ نے ایران کے ساتھ جاری فوجی تنازع میں امریکا کی شمولیت ختم کرنے کے لیے پیش کی گئی جنگی اختیارات کی قرارداد مسترد کر دی۔
عالمی خبر رساں ادارے کے مطابق امریکی سینیٹ نے جمعرات کو صدر ڈونلڈ ٹرمپ کو ایران کے خلاف جاری فوجی کارروائیوں سے امریکی افواج واپس بلانے کی ہدایت دینے والی قرارداد منظور کرنے سے انکار کر دیا۔
میری لینڈ سے تعلق رکھنے والے ڈیموکریٹ سینیٹر کرس وین ہولن کی پیش کردہ وار پاورز ریزولوشن پر ووٹنگ ہوئی تاہم قرارداد 47 کے مقابلے میں 49 ووٹوں سے مسترد ہوگئی اور مطلوبہ حمایت حاصل نہ کرسکی۔
ریپبلکن سینیٹر سوسن کولنز نے اپنی جماعت کی پالیسی کے برعکس قرارداد کے حق میں ووٹ دیا جبکہ ڈیموکریٹ سینیٹر جان فیٹرمین نے اپنی پارٹی سے اختلاف کرتے ہوئے قرارداد کی مخالفت کی۔
تین سینیٹرز نے رائے شماری میں حصہ نہیں لیا جن میں سینیٹر کیٹی برٹ، مچ میک کونل، لیزا مرکووسکی اور رینڈ پال شامل ہیں۔
اس قرارداد میں مطالبہ کیا گیا تھا کہ اگر کانگریس باقاعدہ جنگ کا اعلان نہ کرے یا صدر کو خصوصی اجازت نہ دے، تو صدر ٹرمپ ایران کے اندر یا ایران کے خلاف جاری فوجی کارروائیوں سے امریکی افواج کو واپس بلائیں۔
ڈیموکریٹ ارکان اور بعض ریپبلکن قانون سازوں کا مؤقف ہے کہ ایران کے خلاف موجودہ فوجی کارروائیوں میں صدر ٹرمپ نے کانگریس کے اس آئینی اختیار کو نظر انداز کیا ہے جس کے تحت صرف کانگریس کو جنگ کا اعلان کرنے کا اختیار حاصل ہے۔
اس سے چند گھنٹے قبل امریکی ایوانِ نمائندگان نے ایران جنگ محدود کرنے کی اپنی وار پاورز قرارداد منظور کی تھی تاہم اسے گزشتہ ماہ کے مقابلے میں ایک ووٹ کم ملا جس سے کانگریس میں بھی اس معاملے پر اختلافات نمایاں ہیں۔
گزشتہ ماہ بھی سینیٹ نے اسی نوعیت کی ایک قرارداد 50 کے مقابلے میں 48 ووٹوں سے منظور کی تھی۔ اس وقت چند ریپبلکن ارکان نے بھی ڈیموکریٹس کا ساتھ دیا تھا لیکن اس وقت ایران اور امریکا کے درمیان جنگ بندی نافذ تھی اور مزید امریکی جانی نقصان نہیں ہوا تھا۔
آئینی ماہرین کے مطابق 1973 کے وار پاورز ایکٹ کا مقصد صدر کے فوجی اختیارات پر کانگریس کی نگرانی کو یقینی بنانا تھا لیکن اب تک کسی بھی امریکی صدر نے اسے مکمل طور پر پابند قانون کے طور پر تسلیم نہیں کیا۔
مزید یہ کہ اس قانون کی آئینی حیثیت پر کبھی امریکی عدالتوں نے حتمی فیصلہ نہیں دیا اسی لیے اگر قرارداد منظور بھی ہو جاتی تو اس کے نتیجے میں صدر کو فوری طور پر فوج واپس بلانے کا قانونی پابند بنانا مشکل ہوتا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار