گروسیف کے GIZ کی منعقدہ ورکشاپ میں تربیتی سیشنز
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) گروسیف نے پیشہ ورانہ صحت اور حفاظت کے حوالے سے حال ہی میں کراچی میں ٹیکسٹائل کے شعبے سے تعلق رکھنے والے ماہرین کے لیے کراچی میں دو روزہ جامع ورکشاپ میں تربیتی سیشنز کا انعقاد کیا۔ایونٹ کا اہتمام GIZ Pakistan کے منصوبے ‘سسٹین ٹیکس’ صنعت کی مضبوطی براستہ علم و اشتراک، کے عنوان سے میریٹ ہوٹل میں کیا گیا۔ مذکورہ منصوبے کے لیے وزارت صنعت و تجارت کے نیشنل کمپلائنس سینٹر سے اشتراک کیا گیا۔ایونٹ میں ملکی ٹیکسٹائل کے صف اول کے 30 سیزائد اداروں کے کلیدی شعبوں جیسا کہ صحت، حفاظت و ماحولیات، پروڈکشن، کمپلائنس، ہیومن ریسورسز، اور انجینئرنگ سے ماہرین کو شامل کیا گیا۔گروسیف نے GIZ پاکستان کی جانب سے آفیشل لوکل سروس پرووائڈر (LSP) ہونے کی حیثیت سے پیشہ ورانہ صحت اور حفاظت کے شعبے میں موجود چینلجز پر مرکوز سیشنز کی سربراہی کی۔ ادارہ GIZ کے جرمن طریقہ کار ڈائیلاگ فار سسٹینیبیلیٹی (DfS) اسٹینڈرڈ کا بھی سفیر ہے، جس کا مقصد پیشہ ورانہ کام اور سسٹین ایبل رجحانات کا فروغ ہے۔سیشنز میں پیشہ ورانہ حفاظت کے حوالے سے قانونی و سماجی توقعات، کیمیکل اور فائر سیفٹی، فائر لوڈ کے اندازے، دیکھ بھال کے عمل کے دوران حفاظت، کام کرنے کے محفوظ طریقوں، حادثوں کی تحقیق، اصل وجوہات کے تجزیے، برقی حفاظت کے پیمانوں، صحت کے لیے نقصان دہ چیزوں کے کنٹرول، اندرونی ایئر کوالٹی، ٹیکسٹائل میں صحت کے لیے ممکنہ خطرات اور پیشہ ورانہ جگہوں پر پیش آنے والے حادثات کی براہ راست اور غیر براہ راست معاشی لاگت کا احاطہ کیا گیا ۔ان میں حفاظت کے آلات اور مختلف نظام، جیسا کہ توانائی کی بچت سے متعلق آلات، الیکٹریکل سیفٹی سرویز، آگ لگنے کی موزوں جگہ کی جانچ، صنعتی صفائی و ستھرائی کے معمولات، پرمٹ ٹو ورکَ سسٹمز، اور لاک آؤٹ، ٹیگ آؤٹ پروسیجرز کے استعمال کے حوالے سے عملی مظاہرے بھی شامل تھے ۔ اس موقعے پر شرکا نے سیشنز کو %94 یعنی انتہائی مفید قرار دیا، جس سے گروسیف کی پیشہ ورانہ مہارت اور تیار کردہ تربیت کے مواد کے بے حد موافق ہونے کا اظہار ہوتا ہے۔ ورکشاپ GIZ کی وساطت سے جرمن وفاقی وزارت برائے معاشی اشتراک و ترقی کے وسیع تر مشن اور یورپی یونین کے ‘ٹیم یورپ’ کے ضابطہ کار کے تحت اقوامِ متحدہ کے سسٹین ایبل ڈویلپمنٹ گولز (SDGs) کی طرف ایک اہم قدم ہے۔ گروسیف کی طرف سے مستند تربیت فراہم کرنے والوں میں ادارے کے سی ای او سعد عبدالوہاب، جنرل منیجر ٹیکنیکل اینڈ انسپیکشنز عثمان داؤد باری، ہیڈ آف انٹرنیشنل ٹریننگ اینڈ کنسلٹنسی سید شایان احمد ہاشمی، منیجر کوآرڈینیشن اینڈ سسٹینیبیلیٹی مزمل صفدر، اور منیجر انرجی اینڈ انوائرمنٹ مشتاق احمد شامل تھے۔
ذریعہ: Jasarat News
کلیدی لفظ: پیشہ ورانہ حفاظت کے کیا گیا کے لیے
پڑھیں:
مری کے جنگلات میں تجاوزات کے خلاف گرینڈ آپریشن شروع
مری:وزیراعلیٰ پنجاب مریم نواز شریف کی ہدایت پر ملکہ کوہسار مری کے جنگل کی حدود میں تجاوزات کے خلاف گرینڈ آپریشن کا آغاز کر دیا گیا۔
پنجاب انفورسمنٹ اینڈ ریگولیٹری اتھارٹی (PERA) کی ٹیموں نے مری میونسپل فاریسٹ کے علاقے میں بڑی کارروائی کرتے ہوئے متعدد غیر قانونی تعمیرات مسمار کر دیں۔
ترجمان کے مطابق احاطہ نور خان میں تجاوزات گرا دی گئیں جبکہ 450 فٹ طویل سرحدی دیوار بھی مسمار کر دی گئی۔ حکام کا کہنا ہے کہ غیر قانونی طور پر تعمیر کی گئی دیواروں اور عمارتوں کے خلاف کارروائی کا سلسلہ جاری رہے گا۔
پنجاب انفورسمنٹ اینڈ ریگولیٹری اتھارٹی کی ٹیموں نے مری میونسپل فاریسٹ کے اندر کمرشل تعمیرات کے خلاف بھی آپریشن شروع کر دیا ہے۔ حکام کے مطابق مری کے قدرتی حسن کے تحفظ اور جنگلاتی زمین کو تجاوزات سے پاک کرنے کے لیے یہ مہم جاری رہے گی۔
سینئر صوبائی وزیر مریم اورنگزیب نے پنجاب انفورسمنٹ اینڈ ریگولیٹری اتھارٹی کی ٹیموں کو کامیاب کارروائی پر شاباش دی ہے۔
القسام بریگیڈز کا شیڈو یونٹ کیسے کام کرتا ہے