پاکستان میں رواں برس پولیو کیسز کی تعداد 30 تک پہنچ گئی
اشاعت کی تاریخ: 21st, October 2025 GMT
خیبر پختونخوا کے ضلع تورغر میں پولیو وائرس کا ایک نیا کیس سامنے آیا ہے، جو رواں برس اسی ضلع سے رپورٹ ہونے والا دوسرا کیس ہے۔
قومی پولیو پروگرام کے مطابق وائرس یونین کونسل گھڑی کے ایک 12 ماہ کے بچے میں پایا گیا۔
اسلام آباد میں واقع نیشنل انسٹی ٹیوٹ آف ہیلتھ نے منگل کے روز اس کیس کی تصدیق کی، اس نئے کیس کے بعد رواں برس اب تک میں ملک بھر میں پولیو کیسز کی تعداد 30 ہو گئی ہے۔
یہ بھی پڑھیں: پاکستان انسداد پولیو پروگرام اور یوفون 4G کااسٹریٹجک شراکت داری کا اعلان
ان میں 19 خیبر پختونخوا، 9 سندھ اور ایک ایک کیس پنجاب و گلگت بلتستان سے رپورٹ ہوا ہے۔
ماحولیاتی نگرانی کے تحت ستمبر میں ملک کے 87 اضلاع سے گندے پانی کے 127 نمونے حاصل کیے گئے۔ ان میں سے 81 نمونے منفی جبکہ 44 مثبت نکلے۔
نیشنل انسٹی ٹیوٹ آف ہیلتھ کے مطابق 2 نمونوں پر تجزیہ ابھی جاری ہے۔
مزید پڑھیں: پاکستانی عمرہ زائرین کے لیے پولیو ویکسینیشن لازمی قرار
رپورٹ کے مطابق مثبت نمونوں کی شرح میں مجموعی طور پر کمی دیکھی گئی ہے۔
یہ کامیاب ویکسینیشن مہمات کا نتیجہ ہے۔ تاہم کچھ حساس علاقوں میں وائرس کی گردش اب بھی جاری ہے۔
پولیو کے خاتمے کے اقدام کے مطابق، کمزور علاقوں میں مہمات مزید مؤثر بنائی جا رہی ہیں۔
مزید پڑھیں: خیبر پختونخوا میں انسدادِ پولیو مہم کا آغاز، 57 لاکھ سے زائد بچوں کو قطرے پلانے کا ہدف
قومی ٹاسک فورس نے 2025–26 کے لیے نیا روڈ میپ منظور کیا ہے، جس کے تحت معمول کی ویکسینیشن کو بھی مزید مضبوط بنایا جائے گا۔
گزشتہ ہفتے چوتھی قومی پولیو مہم کے دوران 4 کروڑ 40 لاکھ سے زائد بچوں کو ویکسین پلائی گئی۔
جنوبی خیبر پختونخوا میں مہم 20 سے 23 اکتوبر تک جاری رہے گی، پولیو کا خاتمہ قومی ذمہ داری قرار دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیو وائرس خیبر پختونخوا روڈ میپ قومی پولیو مہم قومی ٹاسک فورس ویکسینیشن.ذریعہ: WE News
کلیدی لفظ: پولیو وائرس خیبر پختونخوا روڈ میپ قومی پولیو مہم قومی ٹاسک فورس ویکسینیشن خیبر پختونخوا کے مطابق
پڑھیں:
خیبر پختونخوا حکومت کا 9 اور 10 مئی کے مقدمات ختم کرنے کا فیصلہ
وزیراعلیٰ خیبر پختونخوا سہیل آفریدی کی زیر صدارت صوبائی کابینہ کا اجلاس ہوا، جس میں کابینہ نے 9 اور 10 مئی کو درج ہونے والے مقدمات کو سیاسی انتقام اور بغیر ثبوت درج قرار دیتے ہوئے انہیں ختم کرنے کی منظوری دی۔ اسلام ٹائمز۔ خیبر پختونخوا کی کابینہ نے 9 اور 10 مئی کے حوالے سے درج ہونے والے مقدمات ختم کرنے کی منظوری دے دی۔ ذرائع کے مطابق وزیراعلیٰ خیبر پختونخوا سہیل آفریدی کی زیر صدارت صوبائی کابینہ کا اجلاس ہوا، جس میں کابینہ نے 9 اور 10 مئی کو درج ہونے والے مقدمات کو سیاسی انتقام اور بغیر ثبوت درج قرار دیتے ہوئے انہیں ختم کرنے کی منظوری دی۔ وزیراعلیٰ کے معاون خصوصی برائے اطلاعات شفیع جان نے بتایا کہ کابینہ اجلاس میں 9 اور 10 مئی کے مقدمات ختم کرنے کے ساتھ ریڈیو پاکستان پشاور واقعے کی تحقیقات صوبائی اسمبلی کی خصوصی کمیٹی کے سپرد کرنے کی منظوری دی گئی۔ معاون خصوصی کے مطابق کابینہ نے انسداد دہشت گردی فورس کیلیے 15 کروڑ روپے کی خصوصی گرانٹ کی بھی منظور یدی۔
یورپی یونین کے رہنماؤں نے یوکرین میں امن معاہدہ مسترد کر دیا