زرعی و صنعتی صارفین کے لیے بجلی سستی کرنے کا امکان؛ حکومت نے ریلیف پیکیج تیار کرلیا
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی حکومت نے زرعی اور صنعتی شعبوں کے لیے بجلی کی قیمتوں میں نمایاں کمی کا طویل مدتی منصوبہ تیار کرلیا ہے۔
نجی ٹی وی کی رپورٹ کے مطابق یہ اقدام معیشت کے دو بڑے ستون صنعت اور زراعت کو سہارا دینے کے لیے کیا جا رہا ہے تاکہ پیداوار میں اضافہ، برآمدات میں بہتری اور روزگار کے مواقع پیدا کیے جا سکیں۔
ذرائع کے حوالے سے رپورٹ میں بتایا گیا ہے کہ پاور ڈویژن نے 3 سالہ ریلیف پیکیج کی ابتدائی منظوری حاصل کرلی ہے، جس کے تحت زرعی اور صنعتی صارفین کے لیے بجلی کی قیمتوں میں 14 روپے فی یونٹ تک کمی متوقع ہے۔
اس پیکیج کے نفاذ کے بعد بجلی کی فی یونٹ قیمت 23 روپے 50 پیسے تک مقرر کیے جانے کا امکان ہے، جو اس وقت کے نرخوں سے واضح طور پر کم ہے۔ فی الحال زرعی صارفین 38 روپے فی یونٹ جب کہ صنعتی صارفین 34 روپے فی یونٹ تک ادائیگی کر رہے ہیں، جس سے پیداواری لاگت میں اضافہ اور برآمدی مسابقت میں کمی واقع ہو رہی تھی۔
مجوزہ منصوبے کے مطابق اضافی بجلی استعمال کرنے والوں کو بھی رعایت دی جائے گی اور ان کے لیے نرخ 22 سے 23 روپے 50 پیسے فی یونٹ کے درمیان رہیں گے۔
پاور ڈویژن ریلیف پیکیج کو حتمی شکل دے کر وزیراعظم شہباز شریف کو منظوری کے لیے ارسال کرے گی۔ ذرائع کا کہنا ہے کہ وزیراعظم آئندہ چند روز میں اس منصوبے کا باضابطہ اعلان کریں گے، جس کے بعد اس پر فوری عمل درآمد شروع ہونے کا امکان ہے۔
اقتصادی ماہرین کے مطابق اگر حکومت واقعی یہ کمی نافذ کرنے میں کامیاب ہوگئی تو یہ نہ صرف کسانوں کے لیے ایک بڑی سہولت ہوگی بلکہ صنعتی پیداوار میں بھی نمایاں بہتری آئے گی۔ اس اقدام سے پاکستان کی برآمدی لاگت کم ہو سکتی ہے جب کہ توانائی کے شعبے میں اعتماد بحال ہوگا۔
.
ذریعہ
ذریعہ: Jasarat News
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان