کراچی بورڈ نے جماعت نہم کے نتائج کا اعلان کردیا، کامیابی کا تناسب 78 فیصد
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: ثانوی تعلیمی بورڈ کراچی نے پہلے سالانہ امتحانات 2025ء جماعت نہم سائنس اور جنرل گروپ (ریگولر و پرائیویٹ) کے نتائج کا اعلان کردیا ہے۔
چیئرمین بورڈ غلام حسین سوہونے نتائج کا اعلان کرتے ہوئے کہا کہ تمام نتائج بورڈ کی آفیشل ویب سائٹ www.
چیئرمین بورڈ نے کہا کہ امتحانی عمل میں شفافیت بورڈ کی اولین ترجیحات میں شامل ہے، انہوں نے تمام کامیاب طلباء و طالبات کو مبارکباد دیتے ہوئے ان کے بہتر مستقبل کے لیے نیک خواہشات کا اظہار کیا۔ اس موقع پر ناظم امتحانات ڈاکٹر حمزو خان تگڑ اور رزلٹ کمیٹی کے ارکان بھی موجود تھے۔
تفصیلات کے مطابق سائنس گروپ میں ایک لاکھ 77 ہزار 660 طلباء و طالبات رجسٹرڈ ہوئے، جن میں سے ایک لاکھ 75 ہزار 511 نے امتحانات میں حصہ لیا، جب کہ 2 ہزار 149 غیر حاضر رہے۔ تمام پرچوں میں کامیاب ہونے والے طلباء و طالبات کی تعداد ایک لاکھ 37 ہزار 350 رہی، یوں سائنس گروپ میں کامیابی کا مجموعی تناسب 78.26 فیصد رہا۔
دوسری جانب جنرل گروپ (ریگولر و پرائیویٹ) میں 15 ہزار 954 طلباء و طالبات نے رجسٹریشن کرائی، جن میں سے 14 ہزار 984 نے امتحانات میں شرکت کی جبکہ 970 امیدوار غیر حاضر رہے۔ جنرل گروپ ریگولر میں کامیابی کا تناسب 57.17 فیصد رہا جبکہ پرائیویٹ جنرل گروپ میں یہ شرح 48.26 فیصد ریکارڈ کی گئی۔
مجموعی طور پر جنرل گروپ (ریگولر و پرائیویٹ) میں کامیابی کا تناسب 54.38 فیصد رہا۔ بورڈ حکام کے مطابق نتائج کی تیاری کے عمل میں شفافیت، درستگی اور میرٹ کو یقینی بنانے کے لیے جدید ڈیجیٹل سسٹم استعمال کیا گیا۔
ذریعہ
ذریعہ: Jasarat News
کلیدی لفظ: طلباء و طالبات کامیابی کا جنرل گروپ
پڑھیں:
لیفٹیننٹ جنرل عامر رضا کی فور اسٹار جنرل کے عہدے پر ترقی، کمانڈر نیشنل اسٹریٹجک کمانڈ مقرر کردیا گیا
وزیراعظم شہباز شریف نے پاکستان آرمی کے چیف آف جنرل اسٹاف لیفٹیننٹ جنرل عامر رضا، ہلالِ امتیاز (ملٹری)، ستارۂ بسالت کو فور اسٹار جنرل کے عہدے پر ترقی دینے اور انہیں کمانڈر نیشنل اسٹریٹجک کمانڈ مقرر کرنے کا اعلان کر دیا ہے۔
وزیراعظم آفس کے مطابق وزیراعظم نے جنرل عامر رضا کو ترقی اور نئی ذمہ داری سنبھالنے پر مبارکباد پیش کی اور ان کے لیے نیک خواہشات کا اظہار کیا۔
وزیراعظم نے کہا کہ انہیں امید ہے کہ جنرل عامر رضا قومی سلامتی سے متعلق اس اہم ذمہ داری کو پیشہ ورانہ مہارت اور قومی عزم کے ساتھ انجام دیں گے۔
کمانڈر نیشنل اسٹریٹجک کمانڈ کا منصب ملک کی اسٹریٹجک صلاحیتوں اور قومی دفاعی حکمتِ عملی کے حوالے سے انتہائی اہم تصور کیا جاتا ہے جب کہ جنرل عامر رضا کی فور اسٹار جنرل کے عہدے پر ترقی کو پاکستان کی عسکری قیادت میں ایک اہم پیش رفت قرار دیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع