سندھ: کچے کے 72 ڈاکوؤں نے ہتھیار ڈال دیے
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت) کچے کے 72 ٍڈاکوؤں نے وزیر داخلہ سندھ ضیاء لنجار کے آگے ہتھیار ڈال دیے خود کو پولیس کے حوالے کر دیا۔ جو ڈاکو جرم کی دنیا کو نہیں چھوڑیں گے گھر میں گھس کر ماریں گے۔ تفصیلات کے مطابق گزشتہ روز پولیس ہیڈکوارٹر گراؤنڈ میں تقریب منعقد ہوئی جس میں آئی جی سندھ غلام نبی میمن ، ڈی آئی جی لاڑکانہ ناصرآفتاب، رینجرز کے کرنل ندیم نے خطاب کیا۔ تقریب میں صوبائی مشیر میر بابل خان بھیو، سابق وفاقی وزیر میر عابد خان بھیو، ایم پی اے محمد عارف خان مہر، ایم این اے، شہر یار خان مہر، سابق ایم این اے، ڈاکٹر محمد ابراہیم جتوئی، ایم پی اے امتیاز احمد شیخ، سردار ذوالفقار علی خان کماریو، میونسپل کمیٹی چیئرمین فیاض محمود شیخ اور دیگر موجود تھے ۔اس موقع پر وزیر داخلہ سندھ ضیاالحسن لنجار نے خطاب کرتے ہوئے کہا کہ صدر مملکت آصف علی زرداری کی پالیسی کا ذکر کیا جس کے تحت سکھر اور لاڑکانہ ڈویژن پر پولیس کام کر رہی ہے اس موقع پر صوبائی وزیر داخلہ سندھ ضیا لنجار نے خطاب کرتے ہوئے کہا کہ 282 ڈاکوؤں نے فہرست دی تھی ہتھیار ڈالنے اور خود کو قانون کے حوالے کرنے کے لیے 72ڈاکو پیشہ ہوئے دیگر بھی مرحلے وار پیش ہوں گے، یہ پولیس کی شہادتوں کا نتیجہ ہے ان کا خون رنگ لایا ہے، کسی کی جوڈیشل کلنگ نہیں ہو گی قانون کے مطابق اپنی سزائیں پوری کرنا ہوں گی، خود کو قانون کے حوالے کرنے والوں کی پراپرٹی، خاندان کی حفاظت حکومت کرے گی ، مہر صاحبان اور جتوئی صاحبان کو مشورہ دیا کہ آپ تعاون کریں تاکہ شکارپور، گھوٹکی سکھر اضلاع میں امن قائم کرانے میں حکومت کے ساتھ تعاون کریں اور یہ روایت اب ختم ہونی چاہیے کہ باپ کے بعد بیٹا ڈاکو بنے حکومت نے پالیسی بنائی ہے ہمیں کسی سے زیادتی نہیں کرنی تاکہ امن جیت جائے۔جو ڈاکو کہتے ہیں کہ حکومت کیا کرے گی اگر پیش ہوں گے اور خود کو قانون کے حوالے کریں گے تو اپنی سزائیں پوری کر کے پھر شرافت کی زندگی گزاریں گے اپنے بچوں کو تعلم دلائیں، جن کی گرفتاری پر انعام مقرر ہے، ہم ان کو کہتے ہیں کہ آپ کی ملکیت، خاندان کی حفاظت کی جائے گی آپ موشی پالیں اور خوشحال زندگی گزاریں ،وہاں راستے بنے گے خوشحالی آئے گی آپ کو آنے جانے میں آسانی ہو گی آپکے بچوں کو تعلیم دلائیں حکومت نے جائزہ لینے کے لئے مانیٹرنگ کمیٹی بنائی ہے ،جس کو میں خود چیئر کر رہا ہوں، کمیٹی میں منتخب نمائندوں کو بھی شامل کیا گیا ہے، ڈٍاکوؤں کی کوئی زندگی نہیں جگہ جگہ چھپتے پھرتے ہیں موقع ہے پیش ہوں ان کو مقابلے میں پولیس نہیں مارے گی ،تقریب میں ڈاکوؤں کاجمع کرایاگیا جدید اسلحہ بھی رکھا گیا جس میں کلاشنکوف، راکٹ لانچر، اینٹی ائیرکرافٹ گن سمیت دیگر جدید ہتھیارشامل تھے۔ہتھیار ڈالنے والے ڈاکوؤں کی سروں کی مجموعی قیمت 6 کروڑ روپے سے زائد تھی۔بدنام زمانہ ڈاکو نثار سبزوئی کے خلاف مختلف تھانوں میں 82 مقدمات درج ہیں اس کے سر کی قیمت 3 ملین روپے مقرر تھی۔ لادو تیغانی پر 93 ایف آئی آرز جب کہ سر کی قیمت 2 ملین روپے رکھی گئی تھی۔ سوکھیو تیغانی کے خلاف 49 مقدمات اور حکومت کی جانب سے 6 ملین روپے انعام مقرر تھا۔ سونارو تیغانی کے خلاف 26 مقدمات جب کہ سر کی قیمت 6 ملین روپے مقرر تھی۔ جمعو تیغانی کے خلاف 24 مقدمات جب کہ اس کے سر کی قیمت 20 لاکھ روپے مقرر تھی۔ ملن عرف واحد علی عرف واجو تیغانی کے خلاف 29 مقدمات جب کہ اس کے سر کی قیمت 30 لاکھ روپے مقرر تھی۔گلزار بھورو تیغانی کے خلاف 14 مقدمات جب کہ اس کے سر کی قیمت 30 لاکھ روپے مقرر تھی۔ غلام حسین عرف نمو تیغانی کے سر کی قیمت 3 لاکھ روپے مقرر تھی۔ نور دین تیغانی کے خلاف مختلف تھانوں میں 6 مقدمات جب کہ اس کے سر کی قیمت 15 لاکھ روپے مقرر تھی۔
ذریعہ
ذریعہ: Jasarat News
کلیدی لفظ: مقدمات جب کہ اس کے سر کی قیمت لاکھ روپے مقرر تھی تیغانی کے خلاف کے حوالے کر ملین روپے قانون کے ڈاکوو ں خود کو
پڑھیں:
پیٹرول اور ڈیزل کے بعد مٹی کے تیل کی قیمت میں بھی بڑا اضافہ
اسلام آباد: مٹی کے تیل کی قیمت میں ایک بار پھر نمایاں اضافہ کر دیا گیا ہے، جبکہ پیٹرول اور ہائی اسپیڈ ڈیزل بھی مزید مہنگے ہو گئے ہیں۔ آئل اینڈ گیس ریگولیٹری اتھارٹی (اوگرا) اور پیٹرولیم ڈویژن نے نئی قیمتوں کے نوٹیفکیشن جاری کر دیے ہیں، جن کا اطلاق فوری طور پر کر دیا گیا ہے۔
اوگرا کی جانب سے جاری نوٹیفکیشن کے مطابق مٹی کے تیل کی قیمت میں 7 روپے 80 پیسے فی لیٹر اضافہ کیا گیا ہے، جس کے بعد اس کی نئی قیمت 297 روپے 17 پیسے فی لیٹر مقرر کر دی گئی ہے۔ اس سے قبل مٹی کا تیل 289 روپے 37 پیسے فی لیٹر میں دستیاب تھا۔
حکام کے مطابق صرف تین روز کے دوران مٹی کے تیل کی قیمت میں مجموعی طور پر 14 روپے 58 پیسے فی لیٹر اضافہ ریکارڈ کیا گیا ہے، جس کے باعث خصوصاً سرد علاقوں اور گھریلو صارفین پر مالی بوجھ مزید بڑھنے کا امکان ہے۔
دوسری جانب پیٹرولیم ڈویژن نے بھی پیٹرول اور ہائی اسپیڈ ڈیزل کی نئی قیمتوں کا اعلان کر دیا ہے۔ نوٹیفکیشن کے مطابق پیٹرول کی قیمت میں 6 روپے 39 پیسے فی لیٹر اضافہ کیا گیا ہے، جس کے بعد نئی قیمت 327 روپے 12 پیسے فی لیٹر ہو گئی ہے۔
اسی طرح ہائی اسپیڈ ڈیزل 7 روپے 83 پیسے فی لیٹر مہنگا ہونے کے بعد 375 روپے 04 پیسے فی لیٹر میں فروخت ہوگا۔
اعلامیے کے مطابق نئی قیمتوں کا اطلاق 23 جولائی 2026 سے کر دیا گیا ہے۔ اس سے قبل بھی پیٹرول اور ڈیزل کی قیمتوں میں اضافہ کیا گیا تھا، جس کے بعد مسلسل بڑھتی ہوئی ایندھن کی قیمتوں نے عوام، ٹرانسپورٹ سیکٹر، زرعی شعبے اور کاروباری سرگرمیوں پر اضافی مالی دباؤ بڑھا دیا ہے۔
معاشی ماہرین کا کہنا ہے کہ اگر عالمی منڈی میں خام تیل کی قیمتوں میں استحکام نہ آیا تو آئندہ بھی پیٹرولیم مصنوعات کی قیمتوں میں مزید ردوبدل کا امکان موجود ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار