اسرائیلی عقوبت خانوں میں مزید 110 فلسطینی شہری شہید
اشاعت کی تاریخ: 8th, December 2025 GMT
عبری زبان کے معروف صیہونی مجلے نے انکشاف کیا ہے کہ اسرائیلی وزیر برائے اندرونی سلامتی کی پالیسیوں نے اسرائیلی جیلوں کو "مہلک ماحول" میں بدل دیا ہے جبکہ گذشتہ 3 سالوں کے دوران اسرائیلی جیلوں میں کم از کم 110 فلسطینی قیدی ہلاک ہوئے ہیں اسلام ٹائمز۔ عبری زبان کے اسرائیلی ای مجلے والا نے اپنی تازہ رپورٹ میں انکشاف کیا ہے کہ انتہاء پسند صیہونی وزیر برائے اندرونی سلامتی اتمار بن گویر (Itamar Ben-Guer) کی جانب سے دسمبر 2022 کے روز یہ عہدہ سنبھالے جانے کے بعد سے اسرائیلی جیلوں میں کم از کم 110 فلسطینی قیدی ہلاک ہو چکے ہیں۔
والا نے "مہلک پالیسی؟ بن گویر کی جانب سے عہدہ سنبھالنے کے بعد سے اسرائیلی جیلوں میں 110 فلسطینی سکیورٹی قیدی ہلاک" کے عنوان شائع ہونے والی اپنی رپورٹ میں جیلوں میں نافذ بن گویر کی انتہاء پسندانہ پالیسیوں کو "مہلک" قرار دیتے ہوئے لکھا ہے کہ ان میں وہ قیدی بھی شامل ہیں کہ جنہیں اسرائیلی حکام "سکیورٹی قیدی" قرار دیتے تھے، یعنی وہ فلسطینی مزاحمتکار کہ جو "اسرائیلی قبضے" کے خلاف لڑ رہے تھے۔ عبری زبان کے صیہونی مجلے نے اسرائیلی جیلوں میں فلسطینی قیدیوں کی اموات کی وجوہات کے بارے مزید تفصیلات فراہم نہیں کیں تاہم اس بات پر زور دیا ہے کہ بن گویر کی جانب سے اندرونی سلامتی کی وزارت کا قلمدان سنبھالے جانے کے بعد سے ان اموات کی تعداد میں "نمایاں اضافہ" ہوا ہے۔
واضح رہے کہ انتہائی دائیں بازو کی جیوش پاور نامی یہودی پارٹی کے رہنما اتمار بن گویر نے گذشتہ 2 برسوں سے نہ صرف فلسطینی قیدیوں کے خلاف ظالمانہ پالیسیاں لاگو کر رکھی ہیں بلکہ فلسطینی قیدیوں کو سزائے موت دیئے جانے کے ساتھ ساتھ "اسرائیلی جیلوں میں موجود سہولیات" میں مزید کمی لانے پر بھی بارہا زور دیا ہے۔
ذریعہ
ذریعہ: Islam Times
کلیدی لفظ: اسرائیلی جیلوں میں فلسطینی قیدی بن گویر
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی