بانی پی ٹی آئی کی انا اور پاگل پن کا سلسلہ نیا نہیں، مریم اورنگزیب
اشاعت کی تاریخ: 8th, December 2025 GMT
مریم اورنگزیب/ اسکرین گریب
پنجاب کی سینئر وزیر مریم اورنگزیب کا کہنا ہے کہ بانی پی ٹی آئی کی انا اور پاگل پن کا سلسلہ نیا نہیں، انہوں نے پہلے بھی حکومت کے خلاف غلیظ اور بدتمیزی پر مبنی گفتگو کی۔
لاہور میں پریس کانفرنس کرتے ہوئے مریم اورنگزیب نے کہا کہ بانی پی ٹی آئی نے کبھی اپنے نامناسب بیان سے لاتعلقی کا اظہار نہیں کیا، 9 مئی کو300 سے زائد عسکری تنصیبات کو نشانہ بنایا گیا، ملکی سلامتی اور استحکام کی مخالفت کرنے کی سزا آئین میں موجود ہے۔
مریم اورنگزیب نے کہا کہ ملک دشمن کے ساتھ نیکسز بنا کر ملک کے خلاف دشمنی کریں گے تو وہ آزادی رائے نہیں، ذہنی مریض کے ساتھ ذہنی ڈاکٹر مذاکرات کر سکتا ہے، ان کو سمجھاؤ تو آگے سے گالی دیتے ہیں۔
سینئر صوبائی وزیر نے کہا کہ یہ فارن فنڈنگ بول رہی ہے، جو اسرائیل اور بھارت سے آئی، آئی ایم ایف کو خط لکھتے ہیں کہ ان کی مدد نہ کرو، آپ کو قومی سلامتی پر حملہ آور ہونے کی اجازت نہیں دی جا سکتی، آپ سے کون پوچھ رہا ہے کہ 27 ویں ترمیم منظور ہے یا نہیں۔
مریم اورنگزیب نے کہا کہ اداروں پر حملے، آرمی چیف کو متنازع بنانا کیوں، آج پاکستان کے دفاع اور سلامتی و استحکام کا معاملہ ہے، شہیدوں کے مجسمے نیچے گرا کر انہیں ٹھڈے مارے گئے، وفاق میں نفاق پھیلانے والے کو غدار کہا جاتا ہے، ایسے عناصر سے ملک دشمن کی طرح نمٹا جائے گا، بس بھی ہوتی ہے، انف از انف۔
انہوں نے کہا کہ بہنیں بھارتی میڈیا پر بیٹھ کر ملک کو متنازع کرتی ہیں، اس کی کسی کو اجازت نہیں، آپ جیل میں اپنے اعمالوں کی وجہ سے ہیں، آپ نے بطور وزیراعظم جو کرپشن کی ہے اس کی سزا کاٹ رہے ہیں، ملک کی تاریخ میں ایک ہی 9 مئی ہوسکتا ہے، بار بار نہیں ہوسکتا، ہر طرف ترقی کے سورج طلوع ہو رہے ہیں، تمہیں یہ تکلیف ہے، ملک اور افواج کا اعتماد بحال ہو رہا ہے، تمہیں یہ تکلیف ہو رہی ہے، تمہارا جھوٹا نقاب اتر چکا ہے، عوام کو تمہاری اصلیت پتہ چل چکی ہے۔
مریم اورنگزیب نے کہا کہ ہم ملک دشمنوں کے خلاف کارروائی کریں گے، آئین میں ملک دشمن کی سزا بہت واضح لکھی ہوئی ہے، بانی پی ٹی آئی بھارتی سازش کو کامیاب کر ر ہے ہیں، بانی کے بیان سے ملک کو نقصان پہنچ رہا ہے، آپ کو گرفتار اس لیے کیا گیا کیونکہ آپ نے ملک کو نقصان پہنچایا، آزادی رائے کے نام پر ملک کے ساتھ دشمنی نہیں کرنے دیں گے، جواس لائن کو کراس کرے گا اس کے لیے وہی سزا ہوگی جو آئین کہتا ہے۔
.
ذریعہ
ذریعہ: Jang News
کلیدی لفظ: مریم اورنگزیب نے کہا کہ بانی پی ٹی آئی
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
تحریکِ تحفظِ آئینِ پاکستان کا پارلیمنٹ ہائوس سے دھرنا ختم