پاکستان نے افغان ٹرانزٹ ٹریڈ مرحلہ وار بحال کر دی، چمن سے گاڑیوں کی کلیئرنس شروع
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان نے افغان حکومت کے ساتھ قطر کے دارالحکومت دوحا میں طے پانے والےفوری جنگ بندی معاہدے کے بعد افغان ٹرانزٹ ٹریڈ کو مرحلہ وار بنیادوں پر بحال کر دیا ہے۔
10 روز قبل سرحدی کشیدگی کے باعث ٹرانزٹ ٹریڈ معطل کر دی گئی تھی جس کے نتیجے میں تقریباً 300 سے زائد تجارتی گاڑیاں مختلف مقامات پر پھنس گئی تھیں۔ اب ابتدائی طور پر چمن کے راستے کارگو آپریشن دوبارہ شروع کر دیا گیا ہے، جس سے دونوں ممالک کے تاجروں اور ٹرانسپورٹرز نے اطمینان کا اظہار کیا ہے۔
ڈائریکٹوریٹ آف ٹرانزٹ ٹریڈ (کسٹمز) کی جانب سے جاری کردہ حکم نامے کے مطابق ٹریڈ آپریشن کو تین مراحل میں مکمل کیا جائے گا۔ پہلے مرحلے میں ان 9 گاڑیوں کو کلیئر کیا جائے گا جو سرحد بند ہونے کے بعد واپس بھیجی گئی تھیں۔
ان گاڑیوں کا دوبارہ وزن اور اسکیننگ کی جائے گی اور کسی قسم کے فرق کی صورت میں مکمل جانچ پڑتال کی ہدایت دی گئی ہے۔
دوسرے مرحلے میں 74 گاڑیوں کو پراسیس کیا جائے گا جو این ایل سی بارڈر ٹرمینل یارڈ سے واپس کی گئی تھیں۔ ان کی بھی دوبارہ اسکیننگ اور وزن کا عمل مکمل کیا جائے گا اور اگر کسی قسم کا تضاد پایا گیا تو 100 فیصد معائنہ کیا جائے گا۔
تیسرے مرحلے میں ہالٹنگ یارڈ میں کھڑی 217 گاڑیوں کو کلیئر کر کے افغانستان روانہ کرنے کی اجازت دی جائے گی۔
حکم نامے میں مزید کہا گیا ہے کہ تمام گاڑیوں کی نقل و حرکت کی تصاویر فرینڈ شپ گیٹ پر ریکارڈ میں شامل کی جائیں تاکہ شفافیت برقرار رہے اور کسی بدعنوانی یا اسمگلنگ کے شبہے کو روکا جا سکے۔ حکام نے واضح کیا ہے کہ بحال شدہ ٹرانزٹ ٹریڈ کے دوران سیکورٹی اور معائنے کے عمل کو مزید سخت کر دیا گیا ہے تاکہ غیر قانونی تجارت کا راستہ بند کیا جا سکے۔
تاجروں اور کارگو آپریٹرز نے حکومت کے اس فیصلے کو سراہتے ہوئے کہا ہے کہ سرحد بندش کے دوران انہیں شدید مالی نقصان اٹھانا پڑا، اس لیے ٹریڈ کی بحالی سے خطے میں معاشی سرگرمیوں میں دوبارہ جان پڑنے کی توقع ہے۔
واضح رہے کہ چمن بارڈر کو پاک افغان تجارت کا سب سے اہم زمینی تجارتی راستہ سمجھا جاتا ہے، جہاں سے روزانہ درجنوں ٹرک اور کنسائمنٹس دونوں ممالک کے درمیان نقل و حرکت کرتے ہیں۔
اقتصادی تجزیہ کاروں کے مطابق دوحہ معاہدے کے بعد ٹرانزٹ ٹریڈ کی بحالی نہ صرف معاشی تعاون کو فروغ دے گی بلکہ پاکستان اور افغانستان کے درمیان اعتماد سازی کے عمل میں بھی ایک مثبت پیش رفت ثابت ہو سکتی ہے۔
.ذریعہ: Jasarat News
کلیدی لفظ: ٹرانزٹ ٹریڈ کیا جائے گا
پڑھیں:
بھارت اور افغان طالبان کے درمیان سفارتی تعلقات بحال ہوگئے
بھارت اور افغان طالبان کے درمیان سفارتی تعلقات بحال ہوگئے WhatsAppFacebookTwitter 0 22 October, 2025 سب نیوز
کابل (آئی پی ایس )بھارت اور افغان طالبان کے درمیان سفارتی تعلقات بحال ہوگئے،طالبان وزیر خارجہ کے دورے کے فوری بعد بھارت نے افغانستان کے دارالحکومت کابل میں اپنا سفارت خانہ بحال کردیا۔
بھارتی میڈیا کے مطابق وزرات خارجہ کے بیان میں کہا گیا ہے کہ کابل میں موجود بھارت کے تکنیکی مشن کا درجہ بڑھا کر اب باضابطہ طور پر سفارت خانہ کیا جا رہا ہے۔بیان میں کہا گیا ہے کہ کابل میں سفارت خانے کی بحالی کا فیصلہ فوری طور پر نافذ العمل ہوگا۔ جس سے دو طرفہ تعلقات کو مزید مضبوط بنانے اور باہمی دلچسپی کے تمام شعبوں میں تعاون بڑھانے میں مدد ملے گی۔
وزارتِ خارجہ کے مطابق، بحال شدہ بھارتی سفارتخانہ افغانستان کی جامع ترقی، انسانی امداد اور استعداد کار میں اضافے کے منصوبوں میں بھرپور حصہ لے گا اور یہ سب کچھ افغان عوام کی ضروریات اور خواہشات کے مطابق کیا جائے گا۔ وزارتِ خارجہ کی جانب سے جاری بیان میں کہا گیا ہے کہ یہ فیصلہ حالیہ دنوں افغان وزیرِ خارجہ کے دور بھارت کے دوران کیاگیا تھا۔یاد رہے کہ اگست 2021 میں طالبان کے افغانستان کا اقتدار سنبھالنے کے بعد سے بھارت نے اپنا سفارت خانہ بند کردیا تھا تاہم ایک سال بعد تکنیکی مشن قائم کیا تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحسن مرتضیٰ کے بیان پر آصف زردری اور بلاول بھٹو کو معافی معانگنی چاہیے، عظمی بخاری حسن مرتضیٰ کے بیان پر آصف زردری اور بلاول بھٹو کو معافی معانگنی چاہیے، عظمی بخاری وزارت امور کشمیر کا 27 اکتوبر کو یومِ سیاہ بھرپور جوش و جذبے سے منانے کا فیصلہ ایندھن کی قلت کا معاملہ، آئل کمپنیز ایڈوائزری کونسل نے خطرے کی گھنٹی بجادی ریاست کیخلاف بندوق اٹھانے والوں، غیر قانونی رہائشیوں کیلئے پنجاب کی زمین تنگ افغانستان کے ساتھ معاہدے میں واضح ہے کہ کوئی دراندازی نہیں ہوگی، وزیرِ دفاع سیاسی اختلافات کی آڑ میں پنجاب حکومت عوام کے بنیادی حقوق سلب کر رہی ہے، وزیراعلیٰ کے پی کے سہیل آفریدیCopyright © 2025, All Rights Reserved
رابطہ کریں ہماری ٹیم
عمران خان سے ملاقات کیلئے وزیراعلیٰ سہیل آفریدی کا چیف جسٹس پاکستان کو خط