پاک بحریہ سمندری سرحدوں کے دفاع کیلئے ہر لمحہ تیار ہے، ایڈمرل نوید اشرف
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: سربراہ پاک بحریہ ایڈمرل نوید اشرف نے کہا ہے کہ پاک بحریہ سمندری حدود کے ایک ایک انچ کے دفاع کے لیے مکمل طور پر تیار ہے، سرکریک سے جیوانی تک اپنی خودمختاری اور سمندری سرحدوں کا دفاع کرنا جانتے ہیں۔
آئی ایس پی آر کے مطابق سربراہ پاک بحریہ نے کریکس ایریا میں اگلے مورچوں کا دورہ کیا، جہاں انہوں نے آپریشنل تیاریوں اور جنگی استعداد کا تفصیلی جائزہ لیا۔
اس موقع پر پاک میرینز میں جدید ترین 2400 ٹی ڈی ہوورکرافٹس کے تین یونٹس کو باضابطہ طور پر شامل کیا گیا۔
آئی ایس پی آر کے مطابق ہوورکرافٹس کی شمولیت پاک بحریہ کی آپریشنل صلاحیتوں میں ایک اہم پیش رفت ہے۔ یہ جدید پلیٹ فارمز ایک ساتھ خشکی اور سمندر دونوں پر کارروائی کی صلاحیت رکھتے ہیں، جو پاک میرینز کو ہر طرح کے آپریشن میں فیصلہ کن برتری فراہم کریں گے۔
ایڈمرل نوید اشرف نے افسران اور جوانوں سے خطاب کرتے ہوئے کہا کہ ان نئے پلیٹ فارمز کی شمولیت پاک بحریہ کو جدید تقاضوں سے ہم آہنگ کرنے کے وژن کی تجدید ہے اور یہ ملک کے سمندری و ساحلی دفاع کے مضبوط عزم کی علامت ہے، پاک بحریہ کی دفاعی صلاحیتیں ساحل سے سمندر کی گہرائیوں تک مضبوط اور مستحکم ہیں۔
ایڈمرل نوید اشرف نے مزید کہا کہ پاک بحریہ بحر ہند میں امن و استحکام کی ضامن اور علاقائی سمندری سلامتی کی اہم شراکت دار ہے، ہم جانتے ہیں کہ اپنی خودمختاری اور سمندری سرحدوں کے ایک ایک انچ کا دفاع کیسے کرنا ہے اور دشمن کی کسی بھی جارحیت کا بھرپور جواب دینے کی صلاحیت رکھتے ہیں۔
ذریعہ: Jasarat News
کلیدی لفظ: ایڈمرل نوید اشرف پاک بحریہ
پڑھیں:
نظام انصاف کا کرپشن میں تیسرے نمبر پر آنا لمحہ فکر ہے،جاوید قصوری
data-id="863a0a8" data-element_type="widget" data-widget_type="theme-post-content.default">
251210-11-14
لاہور (وقائع نگارخصوصی)امیر جماعت اسلامی پنجاب، محمد جاوید قصوری نے ٹرانسپرنسی انٹرنیشنل کی تازہ رپورٹ جس میں کہا گیا ہے کہ ’’پاکستان میں بڑھتی ہوئی کرپشن اور سرکاری اداروں میں بد عنوانی میں اضافہ ہوا ہے‘‘ پر تشویش کا اظہار کرتے ہوئے کہا ہے کہ اس رپورٹ کے مطابق محکموں میں خریداری میں کرپشن سب سے زیادہ پائی جاتی ہے، جبکہ رشوت خوری کا بازار مسلسل گرم ہے۔ عوام کو مہنگائی کے بدترین دباؤ کا سامنا ہے اور ان کی قوتِ خرید گزشتہ بارہ ماہ کی کم ترین سطح تک جا پہنچی ہے، المیہ یہ ہے کہ ملک کا نظامِ انصاف کرپشن کے حوالے سے تیسرے نمبر پر ہے، جو معاشرتی بے چینی اور عوامی اعتماد کے بحران کو مزید گہرا کر رہا ہے۔ انہوں نے کہا کہ سرکاری محکموں کی خریداری میں ریکارڈ توڑ کرپشن اور غیر شفاف طریقہ کار نے قومی خزانے کو اربوں روپے کا نقصان پہنچایا ہے۔ انہوں نے کہا کہ اشیائے خورونوش، بجلی اور ایندھن کی قیمتوں میں اضافے نے متوسط اور غریب طبقے کو شدید متاثر کیا ہے۔انہوں نے کہا کہ نظام انصاف کا کرپشن میں تیسرے نمبر پر آنا لمحہ فکر ہے۔ اگر عدالتیں اور انصاف فراہم کرنے والے ادارے ہی شفاف نہ ہوں تو عوام کہاں جائیں؟ یہ صورتحال ریاست کی کمزوری، اداروں کی نااہلی اور حکومتی بے حسی کی واضح علامت ہے۔محمد جاوید قصوری نے مزید کہا کہ جماعت اسلامی پاکستان میں شفاف، بااختیار اور جوابدہ نظام لانے کے لیے اپنی جدوجہد جاری رکھے گی۔ انہوں نے مطالبہ کیا کہ حکومت فوری طور پر ان حقائق کا نوٹس لے، کرپشن کے ذمہ داروں کا تعین کیا جائے اور اصلاحات کا فوری آغاز کیا جائے تاکہ عوام کا ریاست پر اعتماد بحال ہو سکے۔
امریکی وزیر دفاع پر میسجنگ ایپ میں گفتگو سے فوجیوں کی جان خطرے میں ڈالنے کا الزام