اسٹاک ایکسچینج میں مثبت رجحان، انڈیکس میں 300 پوائنٹس کا اضافہ
اشاعت کی تاریخ: 4th, December 2025 GMT
جمعرات کے روز پاکستان اسٹاک ایکسچینج میں مثبت رجحان لوٹ آیا، جہاں کے ایس ای 100 انڈیکس نے ٹریڈنگ کے ابتدائی لمحات میں تقریباً 300 پوائنٹس کا اضافہ ریکارڈ کیا۔
صبح 9 بج کر 45 منٹ پر بینچ مارک انڈیکس 166,416.18 پوائنٹس پر ٹریڈ ہو رہا تھا، جو 270.84 پوائنٹس یا 0.16 فیصد کی بہتری ظاہر کرتا ہے۔
یہ بھی پڑھیں: سرمایہ کاروں کا اعتماد اسٹاک ایکسچینج میں بہتری کا باعث، کیا معیشت مستحکم ہورہی ہے؟
مارکیٹ میں مجموعی طور پر خریداری کا رجحان دیکھا گیا، خصوصاً بینکاری، سیمنٹ، فرٹیلائزر، آئل اینڈ گیس ایکسپلوریشن، آئل مارکیٹنگ کمپنیز اور پاور جنریشن کے شعبوں میں نمایاں پیش رفت ہوئی۔
PSX Opened Positive ????
☀️ KSE 100 opened positive by +236.
— Investify Pakistan (@investifypk) December 4, 2025
حبکو، ایچ بی ایل، میزان بینک، نیشنل بینک، ماری پٹرولیم، او جی ڈی سی اور پی او ایل سمیت بڑی کمپنیوں کے شیئرزمثبت زون میں ٹریڈ کرتے رہے۔
گزشتہ روز یعنی بدھ کو مارکیٹ پر شدید دباؤ رہا تھا، جب ادارہ جاتی فروخت میں اضافے، ویلیوایشن فٹیگ اور حالیہ تیزی کے بعد منافع بکنگ کے باعث انڈیکس میں تیز اور وسیع پیمانے پر مندی ریکارڈ کی گئی۔
بدھ کو کے ایس ای 100 انڈیکس 1,496.93 پوائنٹس کی بڑی گراوٹ کے بعد 166,145.35 پوائنٹس پر بند ہوا تھا۔
بین الاقوامی منڈیوں میں امریکی ڈالر 5 ہفتوں کی کم ترین سطح پر پہنچ گیا ہے، جبکہ ایشیائی مارکیٹوں میں جمعرات کو ٹریڈنگ کا آغاز قدرے کمزور رہا۔
مزید پڑھیں: دسمبر کے پہلے سیشن میں اسٹاک مارکیٹ کا مضبوط آغاز، اہم سیکٹرز میں خریداری
توقعات بڑھ گئی ہیں کہ امریکی فیڈرل ریزرو آئندہ ہفتے اپنی میٹنگ میں شرحِ سود میں کمی کرسکتا ہے، کیونکہ تازہ اقتصادی اعداد و شمار توقعات سے کمزور آئے ہیں۔
جاپانی نکی 225 انڈیکس میں 0.8 فیصد اضافہ دیکھا گیا، جبکہ جاپان کے علاوہ ایشیائی حصص کا ایم ایس سی آئی انڈیکس 0.1 فیصد نیچے رہا، جس پر کوریا اور نیوزی لینڈ کی منڈیوں میں کمی نے دباؤ ڈالا۔
مزید پڑھیں: اسٹاک ایکسچینج پھر مندی سے دوچار، انڈیکس میں مزید 781 پوائنٹس کی کمی
امریکی ایس اینڈ پی 500 کے فیوچر میں کوئی خاص تبدیلی نہیں آئی، اور رات بھر امریکی مارکیٹوں کی رفتار ایشیا میں برقرار نہ رہ سکی۔
وال اسٹریٹ کے اہم انڈیکس بدھ کو اضافہ کے ساتھ بند ہوئے، جہاں ڈاؤ جونز میں تقریباً 0.9 فیصد بہتری ریکارڈ کی گئی۔
یہ اضافہ اس وقت سامنے آیا جب امریکہ میں پرائیویٹ پے رولز نے 2 سال 6 ماہ کی سب سے بڑی کمی ظاہر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل اینڈ گیس اسٹاک ایکسچینج انڈیکس بینکاری پاکستان پاور جنریشن ٹریڈنگ حبکو ڈالر سیمنٹ فرٹیلائزر میزان بینک وال اسٹریٹ
ذریعہ
ذریعہ: WE News
کلیدی لفظ: آئل اینڈ گیس اسٹاک ایکسچینج انڈیکس بینکاری پاکستان پاور جنریشن ٹریڈنگ حبکو ڈالر فرٹیلائزر وال اسٹریٹ
پڑھیں:
سونے کی قیمت میں پھر ہوشربا اضافہ
کراچی(نیوزڈیسک) عالمی و ملکی صرافہ بازاروں میں سونے کی قیمتوں میں ایک بار پھر ہوشربا اضافہ ہو گیا۔
آل پاکستان جیمز اینڈجیولرز ایسوسی ایشن کے مطابق آج پاکستانی صرافہ بازاروں میں 24 قیراط کے حامل فی تولہ سونے کی قیمت میں 4 ہزار 600 روپے کا اضافہ ہوا ہے جس بعد ملکی صرافہ مارکیٹوں میں سونے کا بھاؤ 4 لاکھ 71 ہزار 762 روپے سے بڑھ کر 4 لاکھ 76 ہزار 362 روپے ہو گیا۔
اسی طرح ملکی صرافہ بازاروں میں 24 قیراط کے حامل 10 گرام سونے کے بھاؤ میں بھی اضافہ دیکھنے میں آیا، پاکستانی صرافہ مارکیٹوں میں سونے کی قیمت 3 ہزار 944 روپے کے اضافے کے بعد 4 لاکھ 4 ہزار 459 روپے سے بڑھ کر 4 لاکھ 8 ہزار 403 روپے پر پہنچ گئی۔
دوسری جانب بین الاقوامی منڈی میں بھی سونا مزید مہنگا ہو گیا، عالمی صرافہ مارکیٹوں میں آج سونے کے نرخوں میں 46 ڈالر فی اونس کا اضافہ ہوا جس کے بعد عالمی صرافہ بازاروں میں فی اونس سونا 4 ہزار 494 ڈالر سے بڑھ کر 4 ہزار 540 ڈالر کا ہو گیا۔
یاد رہے کہ گزشتہ روز سونے کی فی تولہ قیمت میں 4 ہزار 400 روپے کی بڑی کمی دیکھنے میں آئی تھی جس کے بعد ملکی صرافہ بازاروں میں سونے کا بھاؤ 4 لاکھ 71 ہزار 762 روپے کی سطح پر آگیا تھا۔
مزید پڑھیں۔اٹلی ، دو پاکستانی شہریوں کو چار تارکین وطن کارکنوں کے مبینہ قتل کے الزام میں گرفتار کر لیا گیا
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ