اسٹاک ایکسچینج پھر شدید مندی سے دوچار، انڈیکس میں 1,300 پوائنٹس کی کمی
اشاعت کی تاریخ: 3rd, December 2025 GMT
پاکستان اسٹاک ایکسچینج میں منفی رجحان دیکھنے میں آیا جہاں بدھ کو انٹرا ڈے ٹریڈنگ کے دوران بینچ مارک کے ایس ای 100 انڈیکس میں 1,300 سے زائد پوائنٹس کی کمی ریکارڈ کی گئی۔
دن 12 بج کر 30 منٹ پر کے ایس ای 100 انڈیکس 1,329.05 پوائنٹس یعنی 0.79 فیصد کمی کے ساتھ 166,313.22 پوائنٹس پر ٹریڈ ہو رہا تھا۔
یہ بھی پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
اہم شعبوں میں فروخت کے دباؤ نے مارکیٹ کو متاثر کیا، جن میں آٹو موبائل اسمبلرز، سیمنٹ، کمرشل بینکس، فرٹیلائزر، آئل اینڈ گیس ایکسپلوریشن کمپنیاں، او ایم سیز اور پاور جنریشن شامل ہیں۔
Market is down at midday ????
⏳ KSE 100 is negative by -1071.
— Investify Pakistan (@investifypk) December 3, 2025
انڈیکس میں زیادہ وزن رکھنے والے اسٹاکس جیسے حبکو، ماری، او جی ڈی سی، پی او ایل، پی پی ایل، پاکستان اسٹیٹ آئل، ایس این جی پی ایل، حبیب بینک لمیٹڈ، ایم ای بی ایل اور نیشنل بینک آف پاکستان منفی زون میں ٹریڈ ہوئے۔
منگل کو بھی پی ایس ایکس میں مجموعی طور پر منفی ٹریڈنگ سیشن دیکھا گیا تھا، جہاں بڑے انڈیکسز، شعبہ جاتی بینچ مارکس اور فیوچر کونٹریکٹس مسلسل منافع کے حصول کے رجحان کے باعث نیچے بند ہوئے۔ کے ایس ای-100 انڈیکس 419.92 پوائنٹس کمی کے بعد 167,642.28 پوائنٹس پر بند ہوا تھا، یعنی 0.25 فیصد کی کمی۔
مزید پڑھیں: ٹیکس آمدن میں اضافہ ایف بی آر اصلاحات کا نتیجہ، غیررسمی معیشت کا خاتمہ کریں گے، وزیراعظم شہباز شریف
عالمی سطح پر، ایشیائی مارکیٹس بدھ کو نسبتاً مستحکم رہیں، کیونکہ عالمی بونڈ مارکیٹس اور کرپٹو کرنسیوں میں گزشتہ روز آنے والی عارضی گراوٹ کے بعد وال اسٹریٹ کی واپسی نے سرمایہ کاروں کا اعتماد بحال کیا۔
بِٹ کوائن دوبارہ 90,000 ڈالر کی سطح پر پہنچ گیا جبکہ نیسڈیک اور ایس اینڈ پی 500 کے فیوچر میں 0.1 فیصد اضافہ ہوا۔
ایم ایس سی آئی کے ایشیا پیسفک انڈیکس میں 0.3 فیصد اضافہ جبکہ جاپان کا نکی 0.8 فیصد بڑھا۔
ہفتے کے آغاز میں جاپان میں شرح سود میں ممکنہ اضافے کی توقعات کے باعث گلوبل بونڈ مارکیٹس میں شدید فروخت اور کرپٹو میں گراوٹ نے مارکیٹس کو متاثر کیا تھا، تاہم بدھ کے روز صورتحال میں بہتری دیکھی گئی۔
تجزیہ کاروں کے مطابق کسی بڑے نئے محرک کی عدم موجودگی میں اب سرمایہ کاروں کی توجہ آنے والے ہفتے فیڈرل ریزرو کی متوقع شرح سود میں کمی کی جانب مبذول ہو گئی ہے، جس نے مجموعی مارکیٹ جذبات کو بہتر بنایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹاک ایکسچینج انڈیکس پاکستان پاکستان اسٹیٹ آئل حبیب بینک لمیٹڈ شرح سود فیڈرل ریزرو کرپٹو گلوبل بونڈ نیشنل بینک آف پاکستان
ذریعہ
ذریعہ: WE News
کلیدی لفظ: اسٹاک ایکسچینج انڈیکس پاکستان پاکستان اسٹیٹ ا ئل حبیب بینک لمیٹڈ فیڈرل ریزرو کرپٹو گلوبل بونڈ نیشنل بینک ا ف پاکستان
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی