یتیم بچوں کے لیے رنگا رنگ الخدمت فن گالا کا انعقاد
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) الخدمت فاؤنڈیشن سندھ کے شعبہ آرفن کیئر پروگرام میں رجسٹرڈ یتیم اور مستحق بچوں کے لیے رنگا رنگ فن گالا کا انعقاد کراچی کے مقامی واٹر پارک میں کیا گیا۔ اس ایونٹ میں حیدرآباد، ٹنڈوالہٰیار، سکھر، تھرپارکر اور آغوش ہومز سمیت سندھ بھر کے 18 اضلاع سے ایک ہزار سے زائد بچوں نے شرکت کی۔ تقریب میں نائب قیم جماعت اسلامی سندھ سہیل احمد شارق، ریجنل ڈائریکٹرالخدمت آرفن کیئر پروگرام ابوریحان،الخدمت کے دیگر ذمہ داران، سماجی شخصیات اور رضاکاروں نے بڑی تعداد میں شرکت کی۔مہمانوں نے بچوں کے ساتھ وقت گزارا، اْن کی سرگرمیوں میں شریک ہوئے اور الخدمت کی کاوشوں کو سراہا۔ فن گالا میں بچوں کے لیے مختلف تفریحی سرگرمیوں کا اہتمام کیا گیا جن میں سوئمنگ پول، ہارس رائیڈنگ، کرکٹ، فوڈ اسٹالز اور دیگر دلچسپ گیمز شامل تھے۔ تقریب کے شرکاء سے خطاب کرتے ہوئے سہیل احمد شارق نے کہا کہ الخدمت کی جانب سے آرفن بچوں کے لیے اس طرح کے پروگرام معاشرے میں محبت، یکجہتی اور انسان دوستی کو فروغ دیتے ہیں۔ یہ دن ان بچوں کے لیے ہمیشہ یادگار رہے گا۔ ڈائریکٹر الخدمت آرفن کیئر پروگرام ابوریحان کا کہناتھا کہ الخدمت فاؤنڈیشن سندھ کی جانب سے ہر سال فن گالا کا انعقاد اس عزم کے ساتھ کیا جاتا ہے کہ یتیم اور مستحق بچوں کو ایک ایسا دن فراہم کیا جائے جو خوشی، محبت اور اْمید سے بھرپور ہو۔ الخدمت کا مقصد آرفن بچوں کے چہروں پر خوشیاں واپس لانا ہے۔ ہم چاہتے ہیں کہ یہ بچے احساسِ محرومی کے بجائے اعتماد اور خوشی کے ساتھ زندگی گزاریں۔ فن گالا اسی جذبے کا عملی مظہر ہے۔ یہ فن گالا صرف تفریح نہیں بلکہ تربیت کا ذریعہ بھی ہے۔ مختلف اضلاع کے بچے ایک دوسرے سے مل کر نہ صرف کھیلتے ہیں بلکہ باہمی دوستی اور اعتماد کا سبق بھی سیکھتے ہیں۔ پروگرام کے اختتام پر نمایاں کارکردگی دکھانے والے بچے اور بچیوں کو انعامات اور تحائف بھی دیئے گئے۔ بچوں نے بھی اپنے جذبات کا اظہار کرتے ہوئے کہا کہ انہیں فن گالا میں شرکت کر کے بہت خوشی ملی، کھیل، انعامات اور دوستوں کے ساتھ گزرا ہوا یہ دن اْن کی زندگی کی خوبصورت یاد بن گیا۔
ذریعہ
ذریعہ: Jasarat News
کلیدی لفظ: بچوں کے لیے فن گالا کے ساتھ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی