سالانہ امتحانی نتائج 2025ء کے حوالے سے حسین آباد پبلک اسکول سکردو میں رنگا رنگ تقریب
اشاعت کی تاریخ: 9th, December 2025 GMT
اسلام ٹائمز: اسکول مالکان کی ذمہ داری ہے کہ وہ ادارے کو محض کاروبار نہیں بلکہ ایک مقدس امانت سمجھیں۔ بہترین، محفوظ اور باوقار تعلیمی ماحول فراہم کرنا ان کی اولین ترجیح ہونی چاہیئے۔ اساتذہ کا کردار صرف پڑھانا نہیں بلکہ کردار سازی اور شخصیت سازی بھی ہے۔ بچے کو سوچنے، سمجھنے، سوال کرنے اور اپنی رائے کے اظہار کا موقع دینا ہی اصل تعلیم ہے۔ والدین، اساتذہ اور انتظامیہ کے مضبوط روابط ہی کسی کامیاب تعلیمی نظام کی بنیاد ہوتے ہیں۔ تحریر: آغا زمانی
حسین آباد پبلک اسکول سکردو میں سالانہ امتحانات 2025ء کے نتائج کے باوقار اعلان اور اسپورٹس ویک 2025ء میں بہترین کارکردگی دکھانے والے طلبہ و طالبات میں انعامات کی تقسیم کی پروقار تقریب نہایت شان و شوکت کے ساتھ منعقد ہوئی، جس میں طلبہ و طالبات کی علمی و ہم نصابی کارکردگی کو بھرپور انداز میں سراہا گیا۔ اسکول انتظامیہ نے نہایت سلیقے اور خوبصورتی کے ساتھ رنگارنگ پروگرام ترتیب دیا، جس میں بچوں نے اپنی خداداد صلاحیتوں کا دلکش اظہار کیا۔ تقریب کا آغاز طلبہ کی لبوں سے سجی حمد، نعت اور منقبت کی روح پرور پیشکش سے ہوا۔ بعد ازاں طالبات نے اردو اور انگریزی میں مدلل، بامقصد اور پراعتماد تقاریر پیش کیں، جنہیں سامعین نے بے حد پسند کیا۔ پروگرام کے دوران بچوں کی تربیت، تخلیقی صلاحیتوں اور تعلیمی استعداد کار کو نمایاں کرنے والے مختلف سلسلے بھی شامل تھے، جو ادارے کے اعلیٰ تدریسی معیار کا منہ بولتا ثبوت تھے۔
مہمانانِ خصوصی ڈپٹی کنٹرولر ایگزامینیشن یونیورسٹی آف بلتستان جناب وزیر آفتاب، صدرِ محفل محکمہ تعلیم کے سابق ایماندار آفیسر و استاد نذیر تاج صاحب اور پرنسپل حسین آباد پبلک اسکول برادر وزیر اظہر مہدی نے اپنے خطابات میں کہا کہ انسان اشرف المخلوقات ہے، اس لیے بچوں کو محض پوزیشنز کی دوڑ تک محدود کرنا دانش مندی نہیں۔ ہر بچہ اپنی الگ فطری خصوصیات کے ساتھ پیدا ہوتا ہے۔ تعلیم کا مقصد صرف نمبرات کا حصول نہیں بلکہ شعور، کردار، اخلاق، خود اعتمادی اور عملی زندگی کے لیے تیاری پیدا کرنا ہے۔ اسکول کا دور بچے کی زندگی کا بنیادی اور فیصلہ کن مرحلہ ہوتا ہے، اس لیے والدین اور اساتذہ دونوں پر یہ ذمہ داری عائد ہوتی ہے کہ وہ بچوں کی صلاحیتوں کی پہچان کرکے انہیں درست سمت عطا کریں۔
تقریب کے اختتام پر سال بھر نمایاں کارکردگی دکھانے والے طلبہ و طالبات میں انعامات، اعزازی میڈلز اور شیلڈز تقسیم کی گئیں۔ کھیلوں میں کامیاب ٹیموں کی بھی دل کھول کر حوصلہ افزائی کی گئی، جس سے ان میں ٹیم ورک، اعتماد اور مثبت مسابقت کا جذبہ مزید پروان چڑھا۔ حسین آباد پبلک اسکول کی سب سے نمایاں خوبی اس کا دوستانہ، پراعتماد اور خوف سے پاک ماحول ہے، جہاں بچے بلا جھجھک سوال کرتے ہیں اور اساتذہ محبت و توجہ سے رہنمائی کرتے ہیں۔ برادر وزیر اظہر مہدی اپنی شفقت، فوری تعاون اور والدین کے ساتھ مسلسل رابطے کے باعث ایک بہترین معلم اور شفیق رہنماء کی حیثیت رکھتے ہیں۔
اسکول مالکان کی ذمہ داری ہے کہ وہ ادارے کو محض کاروبار نہیں بلکہ ایک مقدس امانت سمجھیں۔ بہترین، محفوظ اور باوقار تعلیمی ماحول فراہم کرنا ان کی اولین ترجیح ہونی چاہیئے۔ اساتذہ کا کردار صرف پڑھانا نہیں بلکہ کردار سازی اور شخصیت سازی بھی ہے۔ بچے کو سوچنے، سمجھنے، سوال کرنے اور اپنی رائے کے اظہار کا موقع دینا ہی اصل تعلیم ہے۔ والدین، اساتذہ اور انتظامیہ کے مضبوط روابط ہی کسی کامیاب تعلیمی نظام کی بنیاد ہوتے ہیں۔ آخر میں میری دلی دعا ہے کہ اللہ تعالیٰ برادر وزیر اظہر مہدی اور ان کی پوری ٹیم کے اخلاص، محنت اور خدمت میں مزید برکت عطا فرمائے اور تمام اساتذہ کو اپنے فرائض بہترین انداز میں ادا کرنے کی توفیق نصیب فرمائے۔ آمین
ذریعہ: Islam Times
کلیدی لفظ: حسین آباد پبلک اسکول نہیں بلکہ کے ساتھ اور ان
پڑھیں:
چیئرمین سی ڈی اے محمد علی رندھاوا کی زیر صدارت ای سٹیمپ پیپر کے اجرا اور لینڈ ریکارڈ کی ڈیجیٹائزیشن کے حوالے سے اجلاس
چیئرمین سی ڈی اے محمد علی رندھاوا کی زیر صدارت ای سٹیمپ پیپر کے اجرا اور لینڈ ریکارڈ کی ڈیجیٹائزیشن کے حوالے سے اجلاس WhatsAppFacebookTwitter 0 8 December, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت وفاقی دارالحکومت اسلام آباد میں ای سٹیمپ پیپر کے اجرا اور لینڈ ریکارڈ کی ڈیجیٹائزیشن کے حوالے سے سی ڈی اے ہیڈکوارٹرز میں اجلاس منعقد ہوا۔ جسمیں ڈپٹی کمشنر اسلام آباد عرفان نواز میمن، ڈائریکٹر آئی سی ٹی رابعہ اورنگزیب، آئی سی ٹی اور سی ڈی اے کے متعلقہ افسران جبکہ ڈی جی پی ایل آر اے اور انکی ٹیم نے بزریعہ زوم لنک شرکت کی۔
اجلاس کو بریفنگ دیتے ہوئے بتایا گیا کہ آئی سی ٹی اور پی ایل آر اے کے درمیان معاہدے کے تحت ای-اسٹامپ پیپر کے اجرا کے حوالے سے بیشتر مراحل مکمل کرلئے گئے ہیں۔ اجلاس کو بتایا گیا کہ ای سٹامپ کے سافٹ ویئر اور ٹیسٹنگ کے مرحلے کا باقاعدہ آغاز کر دیا گیا ہے۔اجلاس کو بتایا گیا کہ ابتدائی مرحلے میں ای-اسٹامپ پیپر کے نظام کو ون لنک کے ساتھ منسلک کرلیا گیا ہے۔ اس سلسلے میں ای سٹامپ کے نان جوڈیشل پیپر کی اسلام آباد میں لانچنگ جلد کر دی جائے گی۔ اسی طرح اگلے مرحلہ میں جوڈیشل پیپرز کے اجرا پر کام کا آغاز کیا جائیگا۔اجلاس میں آئی سی ٹی اور سی ڈی اے میں ڈیجیٹائزیشن کی پیشرفت کا جائزہ بھی لیا گیا۔ اجلاس کو بتایا گیا کہ ابتک 24 موضع جات کی ڈیجیٹائزیشن مکمل کی جاچکی ہے جبکہ باقی ماندہ 11 موضع جات میں ڈیجیٹائزیشن کا عمل بھی جلد پایہ تکمیل تک پہنچ جائیگا۔اجلاس کو بتایا گیا کہ سی ڈی اے کے اسٹیٹ ونگ کے تمام ریکارڈ کی سکینگ کا عمل مکمل کر لیا گیا ہے، جبکہ بلڈنگ کنٹرول کے ریکارڈ کی سکینگ جاری ہے اور ریکارڈ کی سکینگ کے بعد ریکارڈ کی باقاعدہ ڈیجیٹائزیشن کے عمل مکمل کرلیا جائے گا۔ اسی طرح شہریوں کی آسانی اور اپنے لینڈ ریکارڈ کی رسائی کیلئے موبائل ایپ بھی تیار کی جاچکی ہے۔
بریفنگ دیتے ہوئے مزید بتایا گیا کہ اس اقدام سے شہریوں کو اراضی سے متعلق معاملات میں شفافیت اور بہتر سہولیات میسر آئیں گی۔چیئرمین سی ڈی اے محمد علی رندھاوا نے کہا کہ وزیراعظم پاکستان شہباز شریف اور وفاقی وزیر داخلہ محسن نقوی کے ڈیجیٹل اسلام آباد وژن کے مطابق ان اقدامات سے اسلام آباد شہر میں کیش لیس اکانومی کو فروغ حاصل ہوگا۔ اسی طرح شہریوں کو لین دین، پراپرٹیز کے ٹرانسفر، انتقال، خرید و فروخت وغیرہ کے سلسلہ میں آسانی ہوگی۔چیئرمین سی ڈی اے و چیف کمشنر اسلام آباد نے کہا کہ شہریوں کی سرمایہ کاری اور انکی جائیداد کے ریکارڈ کو محفوظ بنانے کیلئے یہ اقدام انتہائی اہمیت کا حامل ہے۔ انہوں نے کہا کہ ان اقدامات کا مقصد ای-گورننس ماڈل کو اپنانا اور سروس ڈیلیوری میں مزید بہتری لانا ہے۔ انہوں نے مزید کہا کہ شہریوں کو بہتر سے بہترین سہولیات کی فراہمی کو یقینی بنانے کیلئے تمام وسائل بروئے کار لائے جارہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعلی پور، ریپ کا شکار طالبہ حاملہ ہوگئی، پرنسپل سمیت 4 افراد کیخلاف مقدمہ درج علی پور، ریپ کا شکار طالبہ حاملہ ہوگئی، پرنسپل سمیت 4 افراد کیخلاف مقدمہ درج وزیرِ اعظم محمد شہباز شریف سے امریکہ میں مقیم پاکستانی نژاد ڈاکٹرز کے وفد کی ملاقات گڈز ٹرانسپورٹرز کا آج سے غیر معینہ مدت کیلئے ملک گیر پہیہ جام ہڑتال کا اعلان پی ٹی آئی دور میں مالی بے ضابطگیاں، پبلک اکاونٹس کمیٹی نے 300ملین کی ریکوری کرلی مرحوم عرفان صدیقی کی خالی نشست پر عابد شیر علی بلامقابلہ سینیٹر منتخب ہو گئے فوج اور اس کے سربراہ پر تنقید بلیک میلنگ ہے ،یہ لوگ پھر کسی کاندھے کے ذریعے اقتدار چاہتے ہیں، طلال چوہدریCopyright © 2025, All Rights Reserved
رابطہ کریں ہماری ٹیم
سکیورٹی فورسز کی خیبرپختونخوا میں 2 کارروائیاں، 7 خوارج جہنم واصل