سکھر،مرکزی مسلم لیگ کا کسانوں کے تحفظ کیلئے تحریک چلانے کا اعلان
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) مرکزی مسلم لیگ سندھ کا کسانوں کے تحفظ کے لیے بھرپور تحریک چلانے کا اعلان، سندھ کے صدر فیصل ندیم نے کہا ہے کہ سندھ بھر میں کسانوں کے استحصال اور زراعت کی تباہ حالی کے خلاف ایک بھرپور عوامی تحریک زراعت بچاؤ، سندھ بچاؤ کے عنوان سے شروع کررہے ہیں۔ بدھ 29 اکتوبر کو صوبے کے تمام ڈسٹرکٹ ہیڈکوارٹرز پر کسانوں پر ہونے والی زیادتیوں کے خلاف احتجاجی مظاہرے کیے جائیں گے اور 31 اکتوبر کو بعد نماز جمعہ ریلیوں کا انعقاد کیا جائے گا، جبکہ اگلے مرحلے میں سندھ کے مختلف شہروں میں کسان سیمینارز اور تحفظِ کسان کانفرنسز منعقد کی جائیں گی۔انہوں نے مزید کہا کہ اس وقت سندھ میں زراعت تباہی کے دہانے پر ہے، کسانوں کی فصلیں انتہائی سستے داموں خریدی جا رہی ہیں، جبکہ بیچ کے مافیاز وہی فصلیں ذخیرہ کرکے بعد میں مہنگے داموں فروخت کرتے ہیں اور حکومت سے سبسڈی بھی لیتے ہیں۔ انہوں نے کہا کہ یہ دو طرفہ استحصال کسی صورت قبول نہیں کیا جا سکتا۔سکھر ڈویژن کے صدر اشرف باجوا نے اس تحریک کے آغاز کے حوالے سے کہا ہم نے سکھر پنو عاقل گھوٹکی ڈھرکی اباڑو خیر پور میرس حیدرآباد بدین مٹیاری نیو سعید آباد ماتلی اور سندھ بھر کے مختلف علاقوں میں بھرپور تحریک کا آغاز کررہے اس وقت سندھ کے حکمران خود اس استحصال میں ملوث ہیں، اب خاموشی ممکن نہیں۔ مرکزی مسلم لیگ کسانوں کے ساتھ کھڑی ہے اور ان کے حقوق کے لیے عملی تحریک چلائے گی۔ انہوں نے کہا سندھ کے اندر زراعت کو مفلوج کیا جارہا ہے سندھ کے زمینداروں کاشتکاروں کو تباہ حالی کا سامنا ہے چاول کی فصل جو سندھ کا اہم کراپ ہے وہ اس وقت کوڑیوں کے۔ بھائو میں خریدا جا رہا ہے اور کسان اس وقت سندھ بھر میں سراپا احتجاج ہیں کوئی بھی حکومت سندھ کا ادارہ سننے کو تیار نہیں مرکزی مسلم لیگ سندھ اب کسان مزدور ہاریوں کی آواز بنی گی بھر پور مظاھرے احتجاج کیا جائے گا۔ سندھ کے کسان کو جب تک ریلیف نہیں ملتا مرکزی مسلم لیگ ان کے لئے آواز بلند کرتی رہے گی۔
ذریعہ
ذریعہ: Jasarat News
کلیدی لفظ: مرکزی مسلم لیگ کسانوں کے سندھ کے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار