پاکستان جنوبی افریقا کرکٹ سیریز،ون ڈے میچزکیلئے سکیورٹی انتظامات مکمل
اشاعت کی تاریخ: 28th, October 2025 GMT
اضافی نفری طلب، 7500 افسران اور پولیس اہلکار سکیورٹی ڈیوٹی سر انجام دیں گے
اقبال سٹیڈیم میں4،6 اور8 نومبر کو تین حصار میں سکیورٹی فراہم کی جائیگی،سٹی پولیس
فیصل آباد (اسپورٹس ڈیسک) پاکستان جنوبی افریقہ کرکٹ سیریز کے دوران سکیورٹی انتظامات کیلئے اضافی نفری طلب کرلی گئی۔ فیصل آباد پولیس نے سکیورٹی پلان جاری کر دیا، جس کے مطابق پولیس کے 7500 افسران اور پولیس اہلکار سکیورٹی ڈیوٹی سر انجام دیں گے۔سٹی پولیس آفیسر صاحبزادہ بلال عمر نے پولیس لائن کمپلیکس میں میڈیا بریفنگ دیتے ہوئے بتایا کہ پاکستان اور جنوبی افریقہ کے مابین تین ایک روزہ انٹرنیشنل میچز کی سیریز کے لیے سکیورٹی انتظامات کو حتمی شکل دے دی گئی ہے۔پاکستان اور جنوبی افریقہ کے مابین چار ،چھ اور آٹھ نومبر کو کھیلے جانے والے ایک روزہ انٹرنیشنل میچوں کے لیے سکیورٹی انتظامات مکمل کرکے فیصل آباد پولیس کی جانب سے سکیورٹی پلان مرتب کرلیا گیا ہے۔سکیورٹی پلان کے مطابق اقبال سٹیڈیم فیصل آباد میں تین حصار میں سکیورٹی فراہم کی جائے گی۔ حصاروں کے ساتھ مختلف سکیورٹی پوائنٹس پر 7500 سے زائد پولیس افسران اور جوان سکیورٹی کی ڈیوٹی سر انجام دیں گے۔انہوں نے بتایا کہ پاک افریقہ سیریز کے لیے ایس پیز ڈی ایس پیز انسپکٹرز ایس ایچ اوز اور پولیس کے جوان تعینات کیے جائیں گے ۔انہوں نے مزید بتایا کہ اہم ڈیوٹی پوائنٹس میں ایٔرپورٹ، سرینا ہوٹل ،اقبال سٹیڈیم اور پارن کنگ کے ساتھ ساتھ روٹ ڈیوٹی شامل ہے جہاں پر پولیس اہلکار ڈیوٹی سر انجام دیں گے ۔انہوں نے کہا کہ خواتین کی سکیورٹی اور چیکنگ کے لیے لیڈی اہلکار معمور ہوں گی ،پولیس جوانوں اور افسران کے علاوہ ایلیٹ فورس ،ڈالفن سکواڈ ،پولیس رسپانس یونٹ کی ٹیمیں مسلسل پٹرولنگ کریں گی۔سی پی او نے کہا کہ اس اہم یونٹ کی سکیورٹی انتظامات کے لیے پنجاب کانسٹیبلری اور دیگر اضلا ع سے بھی مزید نفری کی ڈیمانڈ کی گئی ہے ۔سی پی او نے بتایا کہ پنجاب سیف سٹی اتھارٹی کیمروں کے ذریعے اقبال سٹیڈیم سمیت دیگر تمام اہم پوائنٹس کی مسلسل مانیٹرنگ کا عمل جاری رہے گا، سکیورٹی ایس او پیز پر مکمل عمل درامد کو یقینی بنایا جائے گا۔ اس کے علاوہ انٹرنیشنل کرکٹ سیریز کے موقع پر ٹریفک کنٹرول کرنے کے لیے 1000 سے زائد ٹریفک وارڈن اور اہلکار ڈیوٹی سر انجام دیں گے۔
ذریعہ
ذریعہ: Juraat
کلیدی لفظ: ڈیوٹی سر انجام دیں گے سکیورٹی انتظامات اقبال سٹیڈیم فیصل ا باد بتایا کہ سیریز کے پولیس ا کے لیے
پڑھیں:
پاکستان ویسٹ انڈیز ٹیسٹ سیریز کی ٹرافی کی رونمائی، پہلا میچ کل سے شروع ہوگا
پاکستان اور ویسٹ انڈیز کے درمیان 2 ٹیسٹ میچوں پر مشتمل سیریز کی ٹرافی کی باضابطہ رونمائی کر دی گئی۔
پاکستانی ٹیم کے کپتان بابر اعظم اور ویسٹ انڈیز کے کپتان روومن پاول نے مشترکہ طور پر سیریز کی ٹرافی کی نقاب کشائی کی۔ تقریب ٹرینیڈاڈ میں واقع برائن لارا کرکٹ اکیڈمی میں منعقد ہوئی، جہاں دونوں کپتانوں نے ٹرافی کے ساتھ تصاویر بھی بنوائیں۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
— PCB Media (@TheRealPCBMedia) July 24, 2026
پاکستان اور ویسٹ انڈیز کے درمیان ٹیسٹ سیریز کا پہلا میچ 25 جولائی سے شروع ہوگا۔ دونوں ٹیمیں سیریز کے آغاز سے قبل اپنی تیاریوں کو حتمی شکل دے رہی ہیں اور شائقین کو دلچسپ مقابلوں کی توقع ہے۔
کرکٹ ماہرین کے مطابق دونوں ٹیموں کے درمیان ٹیسٹ سیریز نہ صرف آئی سی سی ورلڈ ٹیسٹ چیمپئن شپ کے تناظر میں اہمیت رکھتی ہے بلکہ نوجوان اور تجربہ کار کھلاڑیوں کی کارکردگی بھی شائقین کی توجہ کا مرکز رہے گی۔ پاکستانی ٹیم سیریز میں عمدہ آغاز کرتے ہوئے ویسٹ انڈیز کی سرزمین پر کامیابی حاصل کرنے کے لیے پرعزم ہے، جبکہ میزبان ٹیم بھی ہوم گراؤنڈ کا بھرپور فائدہ اٹھانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برائن لارا پاکستان ٹرافی ٹیسٹ سیریز ویسٹ انڈیز
بھارت سے جنگ اور افغانستان میں کارروائی خارج ازامکان نہیں، وزیردفاع