میر واعظ کا جیل میں یاسین ملک اور شبیر احمد شاہ کی گرتی ہوئی صحت پر اظہار تشویش
اشاعت کی تاریخ: 30th, October 2025 GMT
انہوں نے تمام علیل کشمیری نظربندوں کو فوری اور موثر طبی سہولیات کی فراہمی کا مطالبہ کیا اور عدالتوں و حکام سے اپیل کی کہ کشمیری نظربندوں کے انسانی حقوق اور صحت کی ابترحالت کو مدنظر رکھتے ہوئے ان کے ساتھ ہمدردانہ رویہ اختیار کیا جائے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس کے سینئر رہنماء میر واعظ عمر فاروق نے سینئر حریت رہنمائوں محمد یاسین ملک اور شبیر احمد شاہ کی غیر قانونی نظربندی کے دوران تیزی سے گرتی ہوئی صحت پر سخت تشویش کا اظہار کیا ہے۔ ذرائع کے مطابق میرواعظ نے سرینگر سے جاری ایک بیان میں کہا ہے کہ دونوں رہنمائوں کے اہلخانہ کے مطابق، جنہوں نے حال ہی میں جیل میں ان سے ملاقات کی ہے، یاسین ملک اور شبیر احمد شاہ دونوں کی صحت تیزی سے بگڑ رہی ہے۔ انہوں نے کہا کہ شبیر احمد شاہ کی اہلیہ نے انہیں ایک خط میں آگاہ کیا ہے کہ ان کی بیٹی نے ایک ماہ قبل جب جیل میں اپنے والد سے ملاقات کی تھی تو ان کی حالت نہایت ابتر تھی، وہ انتہائی کمزور اور علیل دکھائی دے رہے تھے، جنہیں فوری علاج کی ضرورت تھی۔ میر واعظ نے کہا کہ یہ صورتحال نہایت تشویشناک ہے۔ انہوں نے بھارتی حکومت سے انسانی ہمدردی کی بنیاد پر شبیر احمد شاہ کی رہائی، یا اہلخانہ کی درخواست کے مطابق انہیں گھر پر ہی نظربند رکھنے کی درخواست کی۔
میرواعظ نے کہا کہ یاسین ملک کی والدہ اور بہن نے بھی حال ہی میں ان سے جیل میں ملاقات کی ہے۔ انہوں نے یاسین ملک کی صحت کے بارے میں شدید خدشات ظاہر کیے ہیں۔ طویل قید اور مسلسل تنہائی نے ان کی جسمانی اور ذہنی صحت پر گہرا اثر ڈالا ہے اور انہیں بھی فوری علاج معالجے کی ضرورت ہے۔میر واعظ نے قابض حکام سے مطالبہ کیا کہ دونوں حریت رہنمائوں کو فوری طور پر علاج معالجے کی مناسب سہولتیں فراہم کی جائیں۔ انہوں نے افسوس ظاہر کیا کہ بھارتی جیلوں میں سخت حالات اور علاج معالجے اور مناسب خوراک کی سہولت کی عدم فراہمی کی وجہ سے کشمیریوں کو سخت اذیت کا سامنا ہے اور وہ مختلف عارضوں میں مبتلا ہو گئے ہیں۔ میر واعظ نے کہا کہ یہ سیاسی اختلافات یا نظریاتی وابستگیوں سے بالاتر ایک انسانی اور اخلاقی مسئلہ ہے۔ انہوں نے تمام علیل کشمیری نظربندوں کو فوری اور موثر طبی سہولیات کی فراہمی کا مطالبہ کیا اور عدالتوں و حکام سے اپیل کی کہ کشمیری نظربندوں کے انسانی حقوق اور صحت کی ابترحالت کو مدنظر رکھتے ہوئے ان کے ساتھ ہمدردانہ رویہ اختیار کیا جائے۔ انہوں نے جموں و کشمیر اسمبلی کے تمام منتخب نمائندوں سے بالخصوص حکمران جماعت سے اپیل کی کہ وہ کشمیری نظربندوں کی رہائی اور ان کے حقوق کی بحالی کے لیے موثر آواز اٹھائیں۔
ذریعہ
ذریعہ: Islam Times
کلیدی لفظ: شبیر احمد شاہ کی یاسین ملک نے کہا کہ میر واعظ انہوں نے واعظ نے جیل میں
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار