پاکستان سے افغان مہاجرین کی باعزت وطن واپسی کا سلسلہ جاری
اشاعت کی تاریخ: 13th, November 2025 GMT
اسلام آباد (نیوزڈیسک) پاکستان سے افغان مہاجرین کی باعزت وطن واپسی کا تیزی تیزی سے جاری ہے۔
سرکاری اعداد و شمار کے مطابق گزشتہ روز تقریباً 11 ہزار 600 افغان مہاجرین کو افغانستان واپس بھیج دیا ہے، اب تک 16 لاکھ 96 ہزار افغان مہاجرین وطن واپس جا چکے ہیں۔
پاکستانی حکام کا کہنا ہے کہ افغان مہاجرین کی واپسی کا عمل مکمل طور پر قانونی طریقہ کار کے تحت کیا جا رہا ہے، ہر شخص کے دستاویزات کی تصدیق کے بعد ہی انہیں سرحد عبور کرنے کی اجازت دی جاتی ہے، پاکستان نے اپنی قومی سلامتی کو مدنظر رکھتے ہوئے افغان مہاجرین کی واپسی کو ایک اہم قدم قرار دیا ہے۔
افغانستان میں جاری جنگ اور خانہ جنگی کے سبب پاکستان نے گزشتہ 40 سالوں کے دوران لاکھوں افغان مہاجرین کی میزبانی کی اور ایک غیر معمولی مثال قائم کی، اس دوران افغان مہاجرین کو نہ صرف پناہ دی گئی بلکہ ان کیلئے رہائش اور کھانے کا انتظام بھی کیا گیا۔
پاکستانی حکومت کی جانب سے کہا گیا ہے کہ افغان مہاجرین کی واپسی کے اس عمل میں ایف سی اور سول انتظامیہ مکمل تعاون فراہم کر رہی ہے تاکہ افغانوں کی وطن واپسی ایک محفوظ اور باعزت طریقے سے ہو سکے، پاکستان میں اب بغیر پاسپورٹ اور ویزہ کے داخلہ ممکن نہیں ہوگا۔
.ذریعہ: Daily Mumtaz
کلیدی لفظ: افغان مہاجرین کی
پڑھیں:
کراچی, سچل پولیس کا سرچ آپریشن، افغان باشندے زیر حراست
کراچی میں سچل پولیس کا رات گئے سرچ آپریشن، متعدد افغان باشندے حراست میں لے کر تفتیش کے لیے تھانے منتقل کردیے گئے۔
پولیس کی بھاری نفری نے رات گئے ابو الحسن اصفہانی روڈ پر واقع رہائشی عمارت کے فلیٹوں میں آپریشن کے دوران لوگوں کے شناختی کوائف چیک کیے۔
سچل پولیس نے بتایا کہ سرچ آپریشن کے دوران حراست میں لیے گئے جب افراد کے شناختی کوائف پورے نہیں تھے انہیں کریمنل ریکارڈ کی چیکنگ کے لیے تھانے منتقل کیا گیا۔
پولیس نے بتایا کہ یہ آپریشن غیر قانونی طور پر مقیم افغان باشندوں اور جرائم پیشہ افراد کی تلاش میں کیا گیا، آپریشن کے دوران داخلی و خارجی راستے سیل کیے گئے۔
کوئٹہ میں پی ٹی آئی جلسہ،شہر بھر کے راستے بند، موبائل انٹرنیٹ سروس بھی معطل