بنگلادیش میں 5.7 شدت کا زلزلہ، بھارت کے کئی شہر بھی لرز اٹھے
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
ڈھاکا، نئی دہلی: بنگلادیش کے مختلف علاقوں میں 5.7 شدت کا زلزلہ آیا، دوسری جانب بھارت کے کئی شہروں میں قدرتی آفت کے جھٹکے محسوس کیے گئے۔
موسمیاتی ماہرین اور بین الاقوامی جیولوجیکل اداروں کے مطابق زلزلے کا مرکز نارسنگدی کا علاقہ تھا جو بنگلادیشی دارالحکومت ڈھاکا سے تقریباً 40 کلومیٹر کے فاصلے پر واقع ہے۔ جھٹکوں کی شدت اتنی زیادہ تھی کہ ڈھاکا سمیت متعدد شہروں کے رہائشی اپنے گھروں اور دفتروں سے باہر نکل آئے۔
زلزلے کی گہرائی جرمن ریسرچ سینٹر فار جیوسائنسز نے 10 کلومیٹر ریکارڈ کی۔ ابتدائی رپورٹس میں بتایا گیا کہ بنگلادیش کے مختلف شہروں میں لوگ گھبراہٹ کے عالم میں عمارتوں سے باہر نکل آئے۔ کئی علاقوں میں اسکولوں اور سرکاری دفاتر میں معمول کی سرگرمیاں کچھ دیر کے لیے معطل ہو گئیں۔
مقامی انتظامیہ نے ہنگامی ٹیموں کو الرٹ رہنے کی ہدایات جاری کر دیں تاکہ کسی بھی ناخوشگوار صورتِ حال میں فوری مدد فراہم کی جا سکے۔ علاوہ ازیں شہریوں کو محتاط رہنے، عمارتوں میں دراڑیں ظاہر ہونے کی صورت میں حکام کو مطلع کرنے اور غیر ضروری طور پر بلند عمارتوں میں داخل نہ ہونے کی اپیل بھی کی گئی ہے۔
دوسری جانب قدرتی آفت کے جھٹکے صرف بنگلادیش تک محدود نہیں رہے بلکہ ہمسایہ ملک بھارت کے مشرقی حصے بھی لرز اٹھے۔ کلکتہ اور اس کے آس پاس کے علاقوں میں رہنے والوں نے واضح طور پر جھٹکوں کو محسوس کیا، جس کے بعد کئی مقامات پر لوگ گھروں سے باہر آنے لگے۔
جھٹکوں کا دورانیہ مختصر تھا اوربھارتی حکام کے مطابق اب تک کسی نقصان یا زخمی ہونے کی اطلاع موصول نہیں ہوئی۔
.ذریعہ: Jasarat News
پڑھیں:
گلستان جوہر میں گھر کے باہر کھڑی گاڑی کو 25 ہزار کا ای چالان
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک)کراچی کے علاقے گلستان جوہر میں مبینہ طور پر گھر کے باہر کھڑی گاڑی کو 25 ہزار کا ای چالان موصول ہوگیا۔تفصیلات کے مطابق شہری کا موقف ہے کہ آواری ٹاور کے قریب جس وقت ای چالان ہوا میری گاڑی گھر پر تھی، چالان پر دیے گئے وقت سے پہلے اور بعد میں بھی گاڑی گھر کے باہر موجود رہی۔ شہری نے بطور ثبوت گھر کے باہر نصب سی سی ٹی وی کی ریکارڈنگ فراہم کردی۔ای چالان میں کہا گیا ہے کہ ڈبل کیبن گاڑی 12 نومبر کی صبح 9 بجکر 33 منٹ پر آواری ٹاور سگنل پر تھی، ڈبل کیبن گاڑی کو رنگین شیشے ہونے پر ای چالان 9 بجکر 45 منٹ پر جاری کیا گیا ہے۔
لاہور کا فضائی معیار انتہائی مضر صحت