مسافر وین ہزار فٹ گہری کھائی میں جا گری، 6 افراد جان بحق
اشاعت کی تاریخ: 22nd, November 2025 GMT
ایبٹ آباد کے علاقے بیرن گلی میں مسافر وین گہری کھائی میں گرنے سے باپ بیٹا سمیت 6 افراد جان بحق ہو گئے۔ ریسکیو حکام کے مطابق حادثے کے نتیجے میں وین میں موجود تمام 6 افراد موقع پر جاں بحق ہو گئے جن میں امتحان دینے کے لیے جانے والی دو سگی بہنیں بھی شامل ہیں۔ابتدائی اطلاعات میں حادثے کی وجہ گاڑی کے بریک فیل ہونا بتائی جا رہی ہے، کھائی زیادہ گہری ہونے کے باعث لاشوں کو نکالنے میں شدید مشکلات پیش آئیں۔ تھانہ بگنوتر کی حدود بیرن گلی کھڑی کے مقام پر بیرن گلی سے ایبٹ آباد آنے والا کیری ڈبہ نمبر LEE-7130 خوفناک حادثے کا شکار ہوا۔حادثے کی اطلاع ملتے ہی پولیس کی بھاری نفری موقع پر پہنچ گئی اور امدادی کارروائیاں جاری ہیں۔ کھائی کی گہرائی زیادہ ہونے کے باعث ریسکیو آپریشن میں شدید مشکلات کا سامنا ہے۔ایبٹ آباد: تھانہ بگنوتر کی حدود بیرن گلی کھڑی کے مقام پر بیرن گلی سے ایبٹ آباد آنے والا کیری ڈبہ نمبر LEE-7130 خوفناک حادثے کا شکار ہوگیا، جس کے نتیجے میں 6 افراد جاں بحق ہوگئے۔ جاں بحق ہونے والوں میں 4 مرد اور 2 خواتین شامل ہیں۔ جاں بحق افراد کی شناخت ۔ ماریہ دختر شبیر، عمر 25 سال فاطمہ دختر سرور، عمر 33/34 سال زوالفقار عرف پپو ولد حسین، عمر 45 سال ۔ زبیر ولد زوالفقار، عمر 23 سال ۔ یاسر ولد خلیل، عمر 38 سال اختر ولد نامعلوم، عمر 35 سال حادثے کی اطلاع ملتے ہی پولیس کی بھاری نفری موقع پر پہنچ گئی اور امدادی کارروائیاں جاری ہیں۔ کھائی کی گہرائی زیادہ ہونے کے باعث ریسکیو آپریشن میں شدید مشکلات کا سامنا ہے۔
.
ذریعہ
ذریعہ: Nawaiwaqt
کلیدی لفظ: بیرن گلی
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم