پی ٹی آئی کا غیر سیاسی رویہ ہے جس کے باعث وہ مائنس ہوتی جا رہی ہے؛ رانا ثناء اللّٰہ
اشاعت کی تاریخ: 23rd, November 2025 GMT
ویب ڈیسک: وزیرِ اعظم کے مشیر برائے سیاسی امور اور مسلم لیگ ن کے سینئر رہنما رانا ثناء اللّٰہ نے کہا ہے کہ اگلے الیکشن تک میرے خیال سے پی ٹی آئی نام کی کوئی جماعت نہ ہو۔
رانا ثناء اللّٰہ نے نجی ٹی وی سے گفتگو کرتے ہوئے کہا کہ جو کہتے تھے کہ پی ٹی آئی کو ووٹ دینے سے بہتری ہو گی اس میں بہت تبدیلی آئی ہے۔ انہوں نے کہاکہ لوگوں نے دیکھا ہے کہ وزیرِ اعلیٰ مریم نواز اچھا کام کر رہی ہیں۔
پاکستان نےسنوکر ورلڈکپ کا ٹائٹل اپنے نام کرلیا
رانا ثناء اللّٰہ نے کہا کہ جن لوگوں کو 9 مئی کے کیسز میں سزا ہوئی ان کی فیملی نے کہا کہ ہمارے بچوں سے غلطی ہوئی، 9 مئی کے کیسز میں سزا یافتہ لوگوں کی فیملی نے بھی ن لیگ کو ووٹ دیا ہے، ن لیگ نے ہمیشہ کسی سے وعدہ کیا تو اس کو پورا کیا ہے۔انہوں نے کہا کہ جو اتحادیوں سے بات کی ہے ہم بالکل اس کے پابند ہوں گے۔
انہوں نے مزید کہ پی ٹی آئی کا غیر سیاسی رویہ ہے جس کے باعث وہ مائنس ہوتی جا رہی ہے۔
پرو ہاکی لیگ کی تیاری، قومی ہاکی ٹیم کا کیمپ کل سے شروع
.ذریعہ: City 42
کلیدی لفظ: رانا ثناء الل پی ٹی ا ئی کہا کہ نے کہا
پڑھیں:
پاکستان چند لوگوں کی اجارہ داری میں ہے، کٹھ پتلیاں چل رہی ہیں: حافظ نعیم
جماعت اسلامی کے تین روزہ اجتماعِ عام کا مینارِ پاکستان لاہور میں آغاز ہو گیا، جہاں ملک بھر سے ہزاروں مرد، خواتین اور بچے شریک ہوئے۔ افتتاحی سیشن سے خطاب کرتے ہوئے امیر جماعت اسلامی حافظ نعیم الرحمان نے کہا کہ پاکستان نہ کسی پارٹی کا نام ہے نہ اسٹیبلشمنٹ کا، بلکہ چند طاقتور لوگوں کی اجارہ داری نے ملک کو یرغمال بنا رکھا ہے۔
انہوں نے کہا کہ ’’ملک میں کٹھ پتلیاں کام کر رہی ہیں، 20 فیصد لوگوں کی اجارہ داری 80 فیصد پر قائم ہے۔‘‘
حافظ نعیم نے واضح کیا کہ:
حکمرانوں نے اگر ابراہیمی معاہدہ تسلیم کیا تو قوم انہیں عبرت بنا دے گی۔
کشمیر پر کوئی سودے بازی قبول نہیں کی جائے گی۔
27ویں ترمیم کو نہیں مانتے، ہر شخص قانون کے سامنے جوابدہ ہونا چاہیے۔
انہوں نے کہا کہ پاکستان کا آئین قرآن و سنت کے مطابق ہے، کوئی جرنیل یا جج اس میں تبدیلی نہیں کر سکتا۔ ’’ہم اللہ کی حاکمیت پر مبنی نظام چاہتے ہیں جہاں عدل اور احتساب سب کے لیے برابر ہو۔‘‘
حافظ نعیم نے الزام لگایا کہ 78 سال سے حکمران ٹولہ قوم کو مایوسی کے سوا کچھ نہیں دے سکا۔ انہوں نے نوجوانوں کو یقین دلایا کہ جماعت اسلامی انہیں تنہا نہیں چھوڑے گی۔
انہوں نے یاد دلایا کہ قرارداد پاکستان کے ساتھ اسرائیل کو تسلیم نہ کرنے کی قرارداد بھی منظور ہوئی تھی، اور قائداعظم نے اسرائیل کو ’’مغرب کا ناجائز بچہ‘‘ قرار دیا تھا۔ انہوں نے امریکا کی پالیسیوں کو ’’انسانیت دشمن‘‘ قرار دیتے ہوئے کہا کہ وٹو پاور ہمیشہ مظلوموں کے خلاف استعمال ہوتی ہے۔
حافظ نعیم نے کہا کہ پاکستان 25 کروڑ عوام کا ملک ہے، کسی کی ذاتی جاگیر نہیں۔ انہوں نے اعلان کیا کہ اجتماع عام کے آخری روز آئندہ کا لائحہ عمل دیا جائے گا اور ’’ظلم کے نظام‘‘ کے خلاف ملک گیر تحریک شروع کی جائے گی۔
اجتماع عام میں 45 ممالک سے 120 سے زائد غیر ملکی مندوبین شریک ہو رہے ہیں۔ لیاقت بلوچ اور امیر العظیم نے بھی خطاب کیا۔ حافظ نعیم نے کہا کہ جماعت اسلامی فرقہ واریت کو مسترد کرتی ہے اور پاکستان میں قرآن و سنت کے مطابق منصفانہ نظام چاہتی ہے۔
مضر صحت دودھ ، غیر قانونی ایل پی جی کی فروخت کیخلاف کریک ڈائون