وزیر اطلاعات عطا اللہ تارڑ: عمران خان اور پی ٹی آئی کی قیادت پر سخت تنقید
اشاعت کی تاریخ: 7th, December 2025 GMT
وزیر اطلاعات عطا اللہ تارڑ نے کہا ہے کہ بانی پاکستان تحریک انصاف (پی ٹی آئی) عمران خان ایک ذہنی مریض ہیں، اور ان کی پارٹی کے بعض افراد “خان نہیں تو کچھ نہیں” والی سوچ رکھتے ہیں، جس پر وہ لعنت بھیجتے ہیں، کیونکہ ان کے نزدیک پاکستان ہی سب سے اہم ہے۔
لاہور میں مسلم لیگ (ن) کے کارکنوں سے خطاب کرتے ہوئے عطا اللہ تارڑ نے کہا کہ خیبر پختونخوا میں ایک جماعت نے ساڑھے 12 سال سے حکومت کی، لیکن وہ صوبے میں ایک بھی قابل ذکر ترقیاتی کام نہ کر سکی، جبکہ تحریک انصاف کی حکومت ایک اسپتال بھی نہیں بنا سکی۔ انہوں نے کہا کہ دوسری طرف مسلم لیگ (ن) نے پنجاب میں فرانزک لیب اور دیگر اہم ترقیاتی منصوبے کامیابی سے مکمل کیے۔
وزیر اطلاعات نے مزید کہا کہ پشاور میں بزدار پلس پلس حکومت کا جلسہ عوام نے مسترد کر دیا، اور جیل میں قید ایک ذہنی مریض نے 190 ملین پاؤنڈ کی میگا کرپشن کی، جس سے ملک کی معیشت کو شدید نقصان پہنچا۔ ان کا کہنا تھا کہ یہ شخص اسپتال اور فلاحی منصوبوں کے فنڈز بھی ضائع کر گیا۔
عطا اللہ تارڑ نے پاک فوج کی کارکردگی کو سراہتے ہوئے کہا کہ معرکہ حق میں فوج نے بھارت کو عبرتناک شکست دی اور بھارت ہماری افواج سے خوفزدہ ہے۔ انہوں نے چیف آف ڈیفنس اسٹاف فیلڈ مارشل سید عاصم منیر کی قیادت کی بھی تعریف کی۔
وزیر اطلاعات نے کہا کہ یہ وہ لوگ ہیں جنہوں نے اپنے دور حکومت میں بھارت پر حملہ کرنے کی جرأت نہیں کی، کشمیر کا مقدمہ بھی نہیں لڑا، اور فوج پر بے بنیاد الزامات لگائے۔ ان کے بقول، پی ٹی آئی کی قیادت کے بعض افراد بھارتی اور افغان میڈیا پر فوج کے خلاف بیان دیتے ہیں، جبکہ حقیقت یہ ہے کہ انہیں پاکستان کے مفاد کی پروا نہیں، وہ صرف اقتدار میں رہنے کے خواہاں ہیں اور اپنی ناکامی چھپانے کے لیے فوج پر تنقید کرتے ہیں۔
عطا اللہ تارڑ نے نو مئی کے کور کمانڈر ہاؤس پر حملے کی ویڈیوز کا حوالہ دیتے ہوئے کہا کہ اس حملے میں بھی ان کی بہنیں ملوث ہیں، اور انہوں نے فوج کو کمزور کرنے کے لیے دشمن کے لیے جو ممکن تھا، وہ کیا۔ انہوں نے کہا کہ پی ٹی آئی کی حکومت بھارت کے خلاف کوئی مؤثر اقدام نہیں کر سکی، اور اس کے سوشل میڈیا اکاؤنٹس ریاستی اداروں کے خلاف گمراہ کن پروپیگنڈے میں ملوث ہیں۔
ذریعہ
ذریعہ: Daily Mumtaz
کلیدی لفظ: عطا اللہ تارڑ نے وزیر اطلاعات پی ٹی ا ئی نے کہا کہ انہوں نے
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ