ابوظہبی کے ولی عہد شیخ خالد ایک روزہ دورے پر کل پاکستان پہنچیں گے
اشاعت کی تاریخ: 26th, February 2025 GMT
ابوظہبی کے ولی عہد شہزادہ شیخ خالد بن محمد بن زید النہیان ایک روزہ دورے پر کل (بروز جمعرات) پاکستان پہنچیں گے۔
سفارتی ذرائع کے مطابق ابوظہی کے ولی عہد شہزادہ شیخ خالد بن محمد بن زید النہیان کل اسلام آباد پہنچیں گے، وہ اسلام آباد کا ایک روزہ دورہ کر رہے ہیں، شیخ خالد بن محمد بن زید النہیان متحدہ عرب امارات کے صدر شیخ محمد بن زید النہیان کے بڑے صاحبزادے ہیں۔
یہ بھی پڑھیں: پاکستان اور یو اے ای کا دوطرفہ برادرانہ تعلقات کو فروغ دینے پر اتفاق
دوہ پاکستان کے دوران شہزادہ شیخ خالد بن محمد بن زید النہیان کو نشان پاکستان سے نوازا جائے گا جس کے لیے اسلام آباد میں خصوصی تقریب منعقد کی جائے گی، شہزادہ شیخ خالد بن محمد بن زید النہیان کے وزیراعظم کے ہمراہ مفاہمتی یاداشت پر دستخط بھی متوقع ہیں۔
ایک روزہ دورے میں شہزادہ شیخ خالد بن محمد بن زید النہیان کی وزیر اعظم شہباز شریف سے ملاقات بھی متوقع ہے۔
واضح رہے کہ ابو ظہبی کے ولی عہد شیخ خالد ابو ظہبی کی سپریم کونسل برائے مالیاتی و اقتصادی امور کے رکن ہیں، وہ ابو ظہبی نیشنل آئل کمپنی ADNOC کے بورڈ ممبر اور ابو ظہبی انویسٹمینٹ اتھارٹی کے بورڈ آف ڈائریکٹرز کے بھی رکن ہیں۔
یہ بھی پڑھیں: یو اے ای ویزے پر پابندی، قائمہ کمیٹی برائے سمندر پار پاکستانیز نے اہم ہدایات جاری کردیں
شیخ خالد بن محمد بن زید النہیان بطور سربراہ نیشنل سیکیورٹی اور ڈپٹی نیشنل سیکیورٹی ایڈوائزر کے طور پر بھی ذمہ داریاں ادا کرچکے ہیں۔
مارچ 2023 میں انہیں ابو ظہبی کا ولی عہد اور ابو ظہبی ایگزیکٹو کونسل کا چئیرمین مقرر کیا گیا تھا،پاکستان کے ملک میں کاروبار, تجارت اور سرمایہ کاری لانے کے تناظر میں شیخ خالد بن محمد کا دورہ اہمیت کا حامل ہے۔
ان کا دورہ پاکستان اس بات کی عکاسی ہے کہ پاکستان متحدہ عرب امارات کے تعلقات میں تیزی سے بہتری آرہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ابوظہبی اسلام اباد شیخ خالد بن محمد بن زید النہیان صدر نشان پاکستان یو اے ای.ذریعہ: WE News
کلیدی لفظ: اسلام اباد شیخ خالد بن محمد بن زید النہیان نشان پاکستان یو اے ای شہزادہ شیخ خالد بن محمد بن زید النہیان کے ولی عہد ایک روزہ
پڑھیں:
امارات سے پاکستان سفر کرنے والوں کے لیے خوشخبری، کم قیمت فلائٹس کا اعلان
متحدہ عرب امارات کے 5 ہوائی اڈوں کے انتظام پر مامور ابوظہبی ایئرپورٹس نے اعلان کیا ہے کہ ایئرسیال نے لاہور اور اسلام آباد کے لیے اپنی براہِ راست پروازوں کا آغاز کر دیا ہے۔
اس پیش رفت جس سے متحدہ عرب امارات میں مقیم بڑی پاکستانی کمیونٹی کے لیے سفر مزید آسان ہو جائے گا۔
ایئرسیال ابوظہبی کے زاید انٹرنیشنل ایئرپورٹ سے لاہور کے لیے ہفتہ وار 3 پروازیں اوردارالحکومت اسلام آباد کے لیے ہفتہ وار 4 پروازیں چلائے گی۔
یہ بھی پڑھیں:پاکستان اور متحدہ عرب امارات مزید 2 ایئرلائنز کی پروازیں شروع کرنے پر متفق
ابوظہبی ایئرپورٹس کے مطابق یہ نئے روٹس پاکستان اور متحدہ عرب امارات کے درمیان مضبوط ہوتے اقتصادی و سماجی روابط کی علامت ہیں۔
Ceremony at Zayed International Airport – Abu Dhabi to celebrate flights linking Abu Dhabi with Islamabad and Lahore started by AirSial. pic.twitter.com/zxgg6to5Zw
— Pakistan Aviation News ???????? (@avpak3) December 3, 2025
ایئر سیال کی افتتاحی پرواز گزشتہ روز زاید انٹرنیشنل ایئرپورٹ پہنچی، جہاں 12 منٹ کے اندر ’گیٹ ٹو کرب‘ سہولت سمیت 160 سے زائد ریٹیل آؤٹ لیٹس مسافروں کو بہترین سفر کا تجربہ فراہم کرتے ہیں۔
اس موقع پر ابوظہبی ایئرپورٹس کی مینیجنگ ڈائریکٹر اور سی ای او ایلینا سورلینی نے ایئرسیال کا زاید انٹرنیشنل ایئرپورٹ پر خیرمقدم کرتے ہوئے اس نئے روٹ کو اپنے اسٹریٹجک وژن کے عین مطابق قرار دیا۔
مزید پڑھیں: دبئی ایئرشو 2025، پاک فضائیہ کے طیارے اور پائلٹس لوگوں کی توجہ کا مرکز بن گئے
ان کے مطابق، ان پروازوں کے آغاز سے تجارت، سیاحت اور بیرونِ ملک مقیم پاکستانیوں کی خاندانی ملاقاتوں کو بھی فروغ ملے گا۔
ایئرسیال کے چیئرمین فضل جیلانی نے ابوظہبی کے لیے براہ راست پروازوں کے آغازکوعلاقائی رابطے کو مضبوط بنانے کے مشن میں ایک اہم سنگِ میل قرار دیا۔
’یہ نیا فضائی راستہ پاکستانی کمیونٹی اور کاروباری طبقے کے لیے ایک اہم اور سہل سفری سہولت فراہم کرتا ہے، جو پاکستان اور یو اے ای کے دیرینہ تعلقات کو مزید مستحکم کرے گا۔‘
مزید پڑھیں:
سیالکوٹ کے کاروباری برادری کی معاونت سے وجود میں آنے والی ایئرسیال اب اپنے گھریلو مراکز سے بین الاقوامی سطح پر توسیع کرتی ہوئی زاید انٹرنیشنل ایئرپورٹ کے نیٹ ورک میں شامل ہو گئی ہے، جو اسے ایک عالمی گیٹ وے کے طور پر نمایاں کرتا ہے۔
حالیہ پیش رفتاتحاد ایئرویز نے رواں برس 29 ستمبر کو ابوظہبی سے پشاور کے لیے براہِ راست پروازوں کا آغاز کیا تھا، جو ابتدا میں ہفتہ وار 5 پروازیں تھیں، یہ پاکستان کے لیے ان کا چوتھا نان اسٹاپ روٹ ہے، جس میں کراچی، اسلام آباد اور لاہور پہلے سے شامل ہیں۔
اس سے قبل ایئرعربیہ ابوظہبی نے 17 جولائی 2025 سے سیالکوٹ کے لیے ہفتہ وار 3 براہِ راست پروازیں شروع کیں، جو فیصل آباد اورملتان کے لیے جاری سروسز کے ساتھ کاروباری طبقے اور تارکین وطن کو سہولت فراہم کرتی ہیں۔
فلائی دبئی بھی دبئی سے کوئٹہ سمیت پاکستان کے مختلف شہروں کے لیے براہِ راست پروازیں چلا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابوظہبی ابوظہبی ایئرپورٹس امارات ایئر سیال پاکستان زاید انٹرنیشنل ایئرپورٹ سیالکوٹ فلائٹ فیصل آباد کوئٹہ ملتان
ظلم نہیں عدل و انصاف کی جہاں گیری