پاکستان کا خصوصی طیارہ امدادی ٹیم اور سامان لے کر کولمبو پہنچ گیا
اشاعت کی تاریخ: 4th, December 2025 GMT
اسلام آباد (خبر نگار خصوصی) پاکستان کا خصوصی طیارہ C130 امدادی ٹیم اور سامان لے کر کولمبو پہنچ گیا۔ وزیر اعظم کی خصوصی ہدایات پر سری لنکا میں حالیہ سیلاب میں امداد کیلئے پاکستان آرمی سرچ اینڈ ریسکیو ٹیم اور سامان بھیجا گیا ہے۔ سری لنکن ڈپٹی منسٹر پورٹ اور پاکستان ہائی کمشنر سری لنکا نے پاکستانی ٹیم کا استقبال کیا۔ سیلاب متاثرین کیلئے حکومت پاکستان کی جانب سے جلد 200 ٹن کی امداد براستہ سمندر بھی پہنچ جائے گی۔ سری لنکن ڈپٹی منسٹر پورٹ نے پاکستانی ہائی کمشنر اور پاکستان کے امدادی دستے کا شکریہ ادا کیا اور ہر ممکن معاونت کی یقین دہانی کروائی۔ اس موقع پر پاکستانی ہائی کمشنر نے کہا کہ مشکل کی ہر گھڑی میں پاکستان سری لنکا کے ساتھ کھڑا ہے۔
.ذریعہ: Nawaiwaqt
پڑھیں:
شدید طوفان سے متاثرہ سری لنکا کے لیے پاکستان کی اعلیٰ سطح کی سرچ اینڈ ریسکیو ٹیم روانہ
شدید طوفان سے متاثرہ سری لنکا میں امدادی کارروائیوں کی معاونت کے لیے پاکستان کی جانب سے اعلیٰ سطح کی سرچ اینڈ ریسکیو ٹیم روانہ کر دی گئی ہے۔ یہ اقدام سری لنکا کی حکومت کی درخواست اور وزیر اعظم محمد شہباز شریف کے خصوصی ہدایات کے تحت کیا گیا۔
آج صبح پاکستان ایئر فورس کے C-130 طیارے کے ذریعے 47 رکنی ٹیم اور 6.5 ٹن ضروری امدادی سامان سری لنکا کے لیے روانہ ہوا۔ روانگی کی تقریب میں وفاقی وزیر ڈاکٹر طارق فضل چودھری، چیئرمین این ڈی ایم اے لیفٹیننٹ جنرل انعام حیدر ملک، اور سری لنکا کے ہائی کمشنر ریئر ایڈمرل فریڈ سینویراتھنے نے شرکت کی۔
مزید پڑھیں: سری لنکا کے سیلاب متاثرین کے لیے امدادی سامان روانہ، مشکل کی گھڑی میں ساتھ کھڑے ہیں، وزیراعظم
ڈاکٹر طارق فضل چودھری نے کہا کہ این ڈی ایم اے پاکستان میں اور بیرون ملک آفات کے اثرات کو کم کرنے کے لیے ہمیشہ پوری طرح سرگرم ہے۔ سری لنکا کے ہائی کمشنر نے پاکستان اور عوام کی بروقت امداد پر شکریہ ادا کیا۔
وزیر اعظم نے گزشتہ روز سری لنکا کے صدر کے ساتھ تفصیلی رابطہ کیا اور دیگر طوفان متاثرہ ممالک جیسے انڈونیشیا، تھائی لینڈ اور ملائیشیا سے بھی رابطہ قائم کیا۔
این ڈی ایم اے نے سری لنکن ایئر لائنز کے ذریعے بھی امدادی سامان روانہ کرنے کا انتظام کیا، جبکہ گزشتہ روز بحری جہاز کے ذریعے 200 ٹن امدادی اشیا سری لنکا بھیجی گئی تھیں۔
امدادی سامان میں خاندانی خیمے، کمبل، کوئلٹس، لائف جیکٹس، انفلٹیبل بوٹس، پانی نکالنے کے پمپ، لیمپ، میٹ، مچھر دانی، بچوں کا خشک دودھ، تیار کھانے، اور ضروری ادویات شامل ہیں۔
مزید پڑھیں: ٹی20 ورلڈ کپ سے قبل قومی کرکٹ ٹیم کے دورہ سری لنکا کا اعلان
پاکستان نیوی کے جہاز اور ہیلی کاپٹر پہلے ہی امدادی کارروائیوں میں حصہ لے رہے ہیں۔ سری لنکا کے صدر کی خصوصی درخواست پر پاکستان آرمی کی جانب سے عارضی پل بھی متاثرہ علاقوں میں بحالی اور رسائی کے لیے بھیجے جا رہے ہیں۔
پاکستان نے یقین دہانی کرائی ہے کہ وہ سری لنکا کے عوام کو ہر ممکن امداد فراہم کرتا رہے گا، اور یہ اقدامات علاقائی ہم آہنگی اور انسانی ہمدردی کے عزم کا حصہ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر طارق فضل چودھری سری لنکا شدید طوفان
بھارتی وزیر دفاع کی گیڈر بھبکی کیخلاف سکھ پاکستان کے شانہ بشانہ کھڑے ہو گئے