ایٹلی کی نئی ایکشن فلم میں الو ارجن کی دھماکے دار انٹری، سلمان خان آؤٹ!
اشاعت کی تاریخ: 4th, March 2025 GMT
ممبئی: بالی وڈ کے سپر اسٹار سلمان خان کے مداحوں کے لیے ایک بڑی خبر سامنے آئی ہے۔ مشہور ہدایت کار ایٹلی کی فلم میں سلمان خان کو ساؤتھ انڈین سپر اسٹار الو ارجن نے ریپلیس کر دیا ہے۔
رپورٹس کے مطابق، پشپا 2 کے کامیاب اداکار نے اس بڑے بجٹ ایکشن ڈرامہ میں مرکزی کردار کے لیے حامی بھر لی ہے۔
مشہور انڈین میڈیا پورٹل پیپنگ مون کے مطابق، ایٹلی کو سلمان خان کے ساتھ کچھ مشکلات کا سامنا تھا، جس کے بعد انہوں نے الو ارجن سے رابطہ کیا۔ بتایا جا رہا ہے کہ فلم کے معاہدے کے قانونی معاملات ابھی مکمل نہیں ہوئے، لیکن الو ارجن نے زبانی طور پر اس فلم کو گرین سگنل دے دیا ہے۔ فلم کی شوٹنگ کا آغاز اپریل یا مئی میں متوقع ہے۔
یہ فلم دو ہیروز پر مبنی ہوگی اور اسے سن پکچرز پروڈیوس کرے گا۔ الو ارجن کے ساتھ فلم میں دیگر اداکاروں اور خاتون مرکزی کردار کا اعلان تاحال نہیں ہوا، لیکن رپورٹس کے مطابق جھانوی کپور اس فلم کی ہیروئن کے لیے سب سے مضبوط امیدوار ہیں۔ تاہم، اس حوالے سے کوئی آفیشل اعلان نہیں کیا گیا۔
ہدایت کار ایٹلی حال ہی میں ورون دھون کی فلم بیبی جون کے پروڈیوسر کے طور پر سامنے آئے تھے، لیکن اپنے اگلے ڈائریکشن پروجیکٹ پر انہوں نے مکمل خاموشی اختیار کر رکھی ہے۔ دوسری جانب، الو ارجن بھی کئی نئے پراجیکٹس میں مصروف ہیں، جن کا باضابطہ اعلان جلد متوقع ہے۔
.
ذریعہ: Express News
کلیدی لفظ: الو ارجن
پڑھیں:
ایشیا کپ؛ بھارتی ٹیم کے رویے کیخلاف اے سی سی کا سخت ایکشن لینے پر غور
دبئی:ایشیا کپ میں پاکستان کے ساتھ میچ کے بعد بھارتی ٹیم کی جانب سے نامناسب رویہ اپنانے پر ایشین کرکٹ کونسل (اے سی سی) سخت ایکشن لینے پر غور کر ر ہی ہے۔
تفصیلات کے مطابق تمام واقعات کا جائزہ لینے کے بعد کوئی فیصلہ کیا جائے گا جبکہ بھارتی کرکٹرز پر جرمانہ عائد کیے جانے کا بھی امکان ہے۔
واضح رہے کہ ٹاس کے بعد کپتان اور میچ کے بعد بھارتی کرکٹرز نے پاکستانی کھلاڑیوں سے ہاتھ ملانے سے گریز کیا تھا، بھارتی کرکٹرز کا رویہ اسپورٹس مین اسپرٹ کے منافی قرار دیا جا رہا ہے۔
پاکستان کرکٹ ٹیم کے مینیجر نوید اکرم چیمہ نےبھی بھارتی ٹیم کے غیر منساب رویے پر شدید احتجاج کیا جبکہ انہوں نے میچ ریفری کے رویے پر بھی اعتراض کیا جو کپتانوں سے ٹاس کے دوران ہاتھ نہ ملانے کی درخواست کر رہے تھے۔
پیڈ کوچ مائیک ہیسن نے کا بھی کہنا تھا کہ پاکستانی ٹیم کا ردعمل مکمل طور پر فطری تھا، کیونکہ کھیل میں احترام اور ایمانداری ضروری ہیں۔
واضح رہے کہ گزشتہ روز ایشیا کپ میں بھارت کے خلاف میچ میں پاکستان کو شکست کا سامنا کرنا پڑا تھا۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ