بلوچستان: کشش چوہدری ہندو اقلیتی برادری کی پہلی خاتون اسسٹنٹ کمشنر بن گئیں
اشاعت کی تاریخ: 9th, May 2025 GMT
فوٹو بشکریہ فیس بُک
ضلع نوشکی سے تعلق رکھنے والی کشش چوہدری بلوچستان سے ہند و اقلیتی برادری کی پہلی خاتون اسسٹنٹ کمشنر بن گئیں۔
نوشکی سے تعلق رکھنے والی 25 سالہ کشش چوہدری نے حال ہی میں صوبائی مقابلے کے امتحان میں کامیابی حاصل کی تھی۔
انہوں نے پی سی ایس کا امتحان پاس کر کے تاریخ رقم کی، وہ رخشان ڈویژن سے پہلی خاتون اسسٹنٹ کمشنر بھی بن گئی ہیں۔
اسسٹنٹ کمشنر عائشہ زہری کو سیلاب زدگان کی مدد کرنے پر بلوچستان کی پہلی خاتون ڈپٹی کمشنر بنا دیا گیا۔
کشش چوہدری کا تعلق نوشکی کے ہندو گھرانے سے ہے، کشش چوہدری نے ابتدائی تعلیم نوشکی سے حاصل کی جبکہ بلوچستان یونیورسٹی کوئٹہ سے سوشیالوجی اور پولیٹیکل سائنس میں ماسٹرز کیا ہے۔
کشش چوہدری کے مطابق انہوں نے گریجویشن کرنے سے پہلے ہی صوبائی مقابلے کے امتحان کی تیاری شروع کردی تھی اور اب بطور اسسٹنٹ کمشنر سول سروس جوائن کرنا ان کے لیے بڑے اعزاز کی بات ہے۔
کشش چوہدری کا کہنا ہے کہ سول سروس میں صوبے اور لوگوں کی خدمت کروں گی۔
بیٹی کی کامیابی کے حوالے سے ان کے والد چوہدری گردھاری لال کا ’جیو نیوز‘ سے بات چیت میں کہنا تھا کہ ان کی بیٹی کا صوبائی مقابلے کا امتحان پاس کرنا ناصرف ان کےلیے بلکہ پورے خاندان و برادری کےلیے فخر کی بات ہے۔
.ذریعہ: Jang News
کلیدی لفظ: کی پہلی خاتون کشش چوہدری
پڑھیں:
فوجی افسران کو بغیر امتحان سول سروس میں شامل کرنے پر جواب طلب
data-id="863a0a8" data-element_type="widget" data-widget_type="theme-post-content.default">
اسلام آباد (صباح نیوز) عدالت عظمیٰ پاکستان کے آئینی بینچ نے مسلح افواج کے افسران کو بغیر تحریری امتحان سول سروس میں شامل کیے جانے کے معاملے پردائر درخواست پر وفاقی حکومت سے جواب طلب کر لیا۔ آئینی بینچ نے سول سروس آف پاکستان رولز 1954 کے سیکشن 3 کے
تحت نوٹس جاری کرتے ہوئے اٹارنی جنرل آف پاکستان کو 3 ہفتے میں جواب جمع کرانے کی ہدایت کردی جبکہ جسٹس محمد علی مظہرنے ریمارکس دیے کہ پہلے قانون کو سمجھنے کی ضرورت ہوتی ہے، درخواست گزار مسلح افواج کے افسران کیلیے براہ راست انٹرویو ختم کرنے کی استدعا کرسکتے ہیں یہ نہیں کہہ سکتے کہ میرے لیے بھی ختم کریں، درخواست گزار کا ہائی کورٹ میں یہ کیس تھا کہ ہمارے ساتھ بھی اسی طرح سلوک کیا جائے جبکہ جسٹس علی باقر نجفی نے ریمارکس دیے ہیں کہ مسلح افواج کے افسران کیلیے سول سروس میں کوٹہ مخصوص ہے اُس پر عمل ہورہا ہے،درخواست گزار کاکون ساحق مجروح ہوا ہے، درخواست گزار کا اعتراض کیاہے۔
ایرانی حکومت زبردستی گرانے کی کوشش بڑی غلطی ہوگی: فرانس