کراچی: اورنگی میں اے ٹی ایم سے چوری کرنے والا ملزم گرفتار
اشاعت کی تاریخ: 10th, May 2025 GMT
کراچی:
پاکستان بازار پولیس نے نجی بینک کے اے ٹی ایم سے چوری کرنے والے ملزم کو سی سی ٹی وی فوٹیج کی مدد سے گرفتار کرلیا۔
تفصیلات کے مطابق پاکستان بازار پولیس نے نجی بینک کے ATM سے چوری کرنے والے ایک ملزم کو اسلحہ سمیت گرفتار کرکے بینک آفیسر کی مدعیت میں مقدمہ درج کرلیا۔
بینک منیجر مدعی محمد ظفر اسلم نے پاکستان بازار پولیس کو دیے جانے والے بیان میں بتایا کہ وہ اپنی فیملی کے ہمراہ اورنگی ٹاؤن میں رہائش پذیر ہے اور نجی بینک کی برانچ میں بطور ڈیولپمنٹ آفیسر تعینات ہے۔
مدعی کے مطابق 4 مئی 2025 اتوار کو ساڑھے 6 بجے بینک کے اے ٹی ایم میں ایک شخص نے داخل ہوکر کیمرہ اور تاریں چوری کیں جس کی سی سی ٹی وی فوٹیج ہمیں مل گئی ہے۔
ویڈیو میں ملزم کو تاریں توڑ کر چوری کرتے دیکھا جاسکتا ہے، چوری کی فوٹیج دیکھنے کے بعد پاکستان بازار تھانے آکر نامعلوم ملزم کے خلاف مقدمہ درج کرا دیا۔
پولیس نے سی سی ٹی وی فوٹیج دیکھنے کے بعد ملزم کی گرفتاری کے لیے کوششیں شروع کردیں، 6 روز کی جدوجہد کے بعد ملزم کو مخبر خاص کی خفیہ اطلاع پر گرفتار کیا گیا، پولیس کے مطابق گرفتار ملزم کی شناخت محمد نیاز کے نام سے کی گئی۔
سی سی ٹی وی فوٹیج میں ملزم کو واضح طور پر ATM میں توڑ پھوڑ اور چوری کی واردات کرتے دیکھا گیا، گرفتار ملزم سے غیر قانونی اسلحہ، نقدی اور موبائل فون بھی برآمد ہوا، ملزم سے تفتیش کا آغاز کردیا گیا ہے۔
.
ذریعہ
ذریعہ: Express News
کلیدی لفظ: سی سی ٹی وی فوٹیج پاکستان بازار ملزم کو
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ