بلوچستان کے عوام بھی پاکستان کے باعزت شہری ہیں، مولانا ہدایت الرحمٰن
اشاعت کی تاریخ: 11th, May 2025 GMT
کوئٹہ میں منعقدہ کانفرنس سے خطاب کرتے ہوئے مولانا ہدایت الرحمٰن بلوچ نے کہا کہ سی پیک کے ثمرات، اورنج ٹرین، موٹروے دیتے وقت اسلام آباد کے حکمران بلوچستان کو پاکستان کا حصہ تصور نہیں کرتے، لیکن جب معدنیات، سیندک، ریکوڈک کی باری آتی ہے تو کہتے ہیں کہ بلوچستان پاکستان کا حصہ ہے۔ اسلام ٹائمز۔ جماعت اسلامی بلوچستان کے امیر و رکن اسمبلی مولانا ہدایت الرحمٰن نے کہا ہے کہ ایوانوں، چوکوں، چوراہوں کیساتھ منبر و محراب کے ذریعے بھی ظالموں، لٹیروں اور جابروں کے خلاف آواز بلند ہونا چاہیے۔ اسلام آباد کے حکمران ہمارے پاکستانیت پر شک، اور ہمیں تیسرے درجے کے شہری بھی نہیں مانتے۔ ان خیالات کا اظہار انہوں نے جماعت اسلامی کے جمعیت اتحاد العلماء و مشائخ کے زیر اہتمام "سلگتا بلوچستان اور علمائے کرام کی ذمہ داریاں" کے موضوع پر کوئٹہ پریس کلب میں منعقدہ سیمینار سے صدارتی خطاب کرتے ہوئے کیا۔ انکا کہنا تھا کہ اسلام آباد کے حکمران بلوچستان کو صوبہ نہیں، مفتوحہ علاقہ اور کالونی سمجھتے ہیں۔ بلوچستان کے وسائل سونا، چاندی، معدنیات کو مال غنیمت سمجھ کر لوٹ رہے ہیں۔ سی پیک کے ثمرات، اورنج ٹرین، موٹروے دیتے وقت اسلام آباد کے حکمران بلوچستان کو پاکستان کا حصہ تصور نہیں کرتے، لیکن جب معدنیات، سیندک، ریکوڈک کی باری آتی ہے تو کہتے ہیں کہ بلوچستان پاکستان کا حصہ ہے۔ کلبوشن کا تو احترام کیا گیا، مگر بلوچستان کے ماؤں، بہنوں، بیٹیوں کا احترام نہیں ہے۔ بلوچستان کے بارڈرز بند کرکے کہتے ہیں کہ 25 ارب کا نقصان ہوتا تھا، جبکہ پی آئی اے اسٹیل مل دیگر 23 قومی اداروں نے 55 کھرب کا نقصان کیا۔ ان میں سے کسی ادارے کو بند نہیں کیا گیا۔ آئین میں بلوچستان صوبہ، لیکن اسلام آباد کے حکمران بلوچستان کو غلام سمجھ رہے ہیں۔ ہم پاکستان کے باعزت شہری ہیں۔ ہمیں عزت، تحفظ، احترام اور حقوق دیئے جائیں۔ علمائے کرام و آئمہ کرام اور مشائخ عظام سمیت پوری قوم کے ہمراہ عزت و غیرت اور حقوق کی جنگ جیتنے کیلئے پرامن جمہوری جدوجہد جاری رکھیں گے۔
.ذریعہ: Islam Times
کلیدی لفظ: اسلام آباد کے حکمران بلوچستان کو پاکستان کا حصہ بلوچستان کے
پڑھیں:
27 ویں ترمیم: وزیراعظم نے استثنیٰ لینے سے انکار کرتے ہوئے شق واپس لینے کی ہدایت کردی
ویب ڈیسک : وزیراعظم شہباز شریف نے 27 ویں آئینی ترمیم میں وزیراعظم کے عہدے کیلئے استثنیٰ کی شق واپس لینے کی ہدایت کر دی۔
سوشل میڈیا سائٹ ایکس پر جاری بیان میں وزیراعظم نے کہا کہ آذربائیجان سے واپسی پر مجھے بتایا گیا کہ پارٹی کے چند سینیٹرز نے وزیراعظم کےاستثنیٰ سے متعلق ترمیمی شق سینیٹ میں پیش کی۔
انہوں نے کہا کہ یہ ترمیمی شق کابینہ سے منظورشدہ مسودے میں شامل نہیں تھی اور میں نے 27 ویں ترمیم میں یہ شق واپس لینے کی ہدایت کر دی۔
بجلی کے بلوں کی ادائیگی؛ صارفین کو بڑا ریلیف مل گیا
On my return from Azerbaijan, I have learnt that some Senators belonging to our party have submitted an amendment regarding immunity for the Prime Minister.
While I acknowledge their intent in good faith, the proposal was not part of the Cabinet-approved draft. I have…
شہباز شریف نے مزید کہا کہ منتخب وزیراعظم یقیناً قانون اور عوام کی عدالت میں جوابدہ ہے۔
خیال رہے 27 ویں آئینی ترمیم کو مسودہ گزشتہ روز سینیٹ میں پیش کیا گیا تھا جس میں صدر پاکستان کے لیے تاحیات استثنیٰ کی درخواست شامل کی گئی تھی جس کے بعد یہ خبر سامنے آئی تھی کہ آئین کے آرٹیکل 248 میں صدر کے ساتھ لفظ وزیر اعظم بھی شامل کر لیا جائے گا۔
ماس ٹرانزٹ سسٹم کا ٹی کیش کارڈ مہنگا ہوگیا
گوگل کروم نے یوزرز کیلئے انتہائی مفید فیچر شامل کردیا، براؤزنگ مزید آسان