پاک فوج کا بھارت کو بھرپور جواب، ملک بھر میں یومِ تشکر
اشاعت کی تاریخ: 11th, May 2025 GMT
ملک بھر میں وزیرِ اعظم شہباز شریف کی اپیل پر پاک فوج کی جانب سے وطنِ پاک اور قوم کو سرخرو کرنے پر یومِ تشکر منایا جا رہا ہے۔
اس سلسلے میں ملک بھر کے چھوٹے بڑے شہروں میں ریلیاں نکالی جا رہی ہیں، جلسے منعقد کیے جا رہے ہیں جن میں مسلح افواجِ پاکستان کو بزدل بھارت کو عبرت ناک شکست سے ہم کنار کرنے پر خراجِ تحسین پیش کیا جا رہا ہے۔
کراچی پریس کلب پر ریلیاں، پاک فوج کے حق میں نعرےکراچی پریس کلب پر پاک فوج سے اظہارِ تشکر کے لیے دن بھر شہر بھر سے ریلیوں کی آمد جاری رہی۔
ریلیوں کے شرکاء نے پاک فوج کے حق میں بینر بھی اٹھا رکھے تھے اور انہوں نے پاک فوج کے حق میں نعرے بھی بلند کیے۔
بھارت نے نہتے شہریوں، بچوں،خواتین کو شہید کیا: احسن اقبالشکر گڑھ میں وفاقی وزیر احسن اقبال نے تقریب سے خطاب میں کہا کہ بھارت نے سرجال کی ڈسپنسری کو رات کے اندھیرے میں نشانہ بنایا، بھارت نے نہتے شہریوں بچوں اور خواتین کو نشانہ بنا کر شہید کیا ۔
انہوں نے کہا کہ پاک فضائیہ کے شاہینوں کا دنیا میں کوئی ثانی نہیں، بھارت کی قیادت فراست سے کام لے تو کشمیر سمیت تنازعات حل کیے جا سکتے ہیں۔
عالمی برادری میں اللّٰہ تعالیٰ نے پاکستان کو عزت عطاء کی: طارق فضل چوہدریپاک افواج کی بھارت کو شکست پر مسلم لیگ ن کے مرکزی سیکریٹریٹ میں جشن منایا گیا، یومِ تشکر کی تقریب میں وفاقی وزیرِ پارلیمانی امور طارق فضل چوہدری نے شرکت کی۔
وزیرِ پارلیمانی امور طارق فضل چوہدری نے تقریب سے خطاب میں کہا کہ آج پاکستان اور ہم سب کے لیے ایک تاریخی دن ہے، پوری عالمی برادری میں اللّٰہ تعالیٰ نے پاکستان کو عزت عطاء کی۔
انہوں نے کہا کہ پاکستان کی فتح اللّٰہ تعالیٰ کی نصرت کے بغیر ممکن نہیں تھی، آج ہر پاکستانی سجدۂ شکر بجا لا رہا ہے، پاکستان نے عددی اعتبار سے بڑے دشمن کو شکست دی، پاکستان کی کامیابی عالم اسلام کی کامیابی ہے۔
وزیرِ پارلیمانی امور نے کہا کہ پاکستان کمزور پڑتا تو باقی 56 اسلامی ممالک میں سے کس کے پاس صلاحیت ہے؟ ہماری افواج نے دشمن کو منہ توڑ اور دندان شکن جواب دیا ہے، ہمارے شاہین جب دشمن کی فضاؤں میں گئے تو جذبۂ شہادت سے لیس تھے۔
طارق فضل چوہدری نے یہ بھی کہا کہ شاید جہاز بھارت کے پاس زیادہ تھے لیکن جذبۂ ایمانی ہمارےپاس تھا، اللّٰہ تعالیٰ نے ہماری افواج اور ہر پاکستانی کو جذبۂ ایمانی سے نوازا ہے۔
اس موقع پر کارکنان نے پاکستان کے جھنڈے اٹھا رکھے تھے، انہوں نے ڈھول کی تھاپ پر رقص بھی کیا، نوجوانوں، بچوں اور بزرگوں کی بڑی تعداد تقریب میں شریک ہوئی۔
راولپنڈی میں حنیف عباسی کی زیرِ قیادت ریلیراولپنڈی میں افواجِ پاکستان سے اظہارِ یکجہتی کے لیے مسلم لیگ ن نے ریلی نکالی جس کی قیادت وزیرِریلوے حنیف عباسی نے کی۔
ریلی کے شرکاء نے قومی پرچم اور پلے کارڈز اٹھا رکھے تھے، ریلی لیاقت باغ سے شروع ہو کر فیض آباد پر اختتام پزیر ہوئی۔
اسلام آباد پولیس کا یوم تشکر فلیگ مارچاسلام آباد پولیس نے یومِ تشکر فلیگ مارچ کا انعقاد کیا جس کی قیادت آئی جی اسلام آباد سید علی ناصر رضوی نے کی۔
فلیگ مارچ اسلام آبادمیں اسپورٹس کمپلیکس سے شروع ہو کر مختلف شاہراہوں سے گزرا، فلیگ مارچ میں اسلام آباد پولیس کے سینئر افسران سمیت تمام ڈویژنز کی نمائندگی موجود تھی ۔
آئی جی اسلام آباد سید علی ناصر رضوی نے اپنے خطاب میں کہا کہ اسلام آباد پولیس دفاعِ وطن میں ہمیشہ افواجِ پاکستان کے شانہ بشانہ ہے۔
افواج، قوم اور میڈیا کو مبارکباد پیش کرتا ہوں: انجم عقیل خاناسلام آباد میں رکنِ قومی اسمبلی انجم عقیل خان نے یومِ تشکر کی تقریب سے خطاب کرتے ہوئے کہا کہ اپنی افواج، قوم اور میڈیا کو مبارک باد پیش کرتا ہوں، پوری دنیا کو قائل کرنے میں میڈیا اور آئی ایس پی آر کا بڑا کردار ہے۔
انہوں نے کہا کہ ہم نے بھارت کے پروپیگنڈے کو بھی شکست دی، بھارت کے پاس اسلحہ زیادہ ہے لیکن ہمارے پاس جذبۂ ایمانی ہے، یہ رافیل طیارے ناکام نہیں ہوئے، بلکہ ہندوستان کی ایئر فورس ناکام ہوئی ہے۔
انجم عقیل خان نے یہ بھی کہا کہ ہم اتفاق و اتحاد سے پاکستان کو مضبوط کریں گے، اس موقع پر اپنے سپہ سالار جنرل عاصم منیر کو بھی مبارک باد پیش کرتا ہوں۔
.
ذریعہ
ذریعہ: Jang News
کلیدی لفظ: اسلام ا باد پولیس طارق فضل چوہدری پاکستان کو نے کہا کہ انہوں نے پاک فوج ہ تعالی نے پاک
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی