اسلام آباد میں نیا کم لاگت ہائوسنگ منصوبہ’’وہارا‘‘شروع، 36 لاکھ میں اپارٹمنٹ دینے کااعلان
اشاعت کی تاریخ: 18th, May 2025 GMT
اسلام آباد( ملک نجیب ) ہائوسنگ سیکٹرکے ماہر ایم ایس ہومز ڈویلپرزکے چیئرمین اور آبادکے سابق چیئرمین محسن شیخانی نے کہا ہے کہ کم آمدنی والے افرادکومحفوظ ، باعزت اور سہولیات سے آراستہ زندگی دینے کے لئے ’’وہارا‘‘ کے نام سے ہائوسنگ منصوبہ شروع کیا گیا ہے جس میں صرف 36 لاکھ روپے میں ایک مکمل اپارٹمنٹ پیش کیا جا رہا ہے۔ اس منصوبے کیلئے ممتاز سٹی اور گندھارا سٹی میں زمین مختص کی گئی ہے جہاں مختلف بلاکس میں مجموعی طور پر 6000 اپارٹمنٹس تعمیرکئے جائیں گے ۔ حکومت کی ہائوسنگ پالیسی سے متاثر ہوکر انہوں نے کم لاگت کے مکانات کے اس منصوبے پر کام شروع کیا ۔ گزشتہ روز وہ نیشنل پریس کلب میں پریس کانفرنس کر رہے تھے ۔ اس موقع پر سٹار مارکیٹنگ کے چیف ایگزیکٹو واثق نعیم ، ممتاز کنسٹرکشن کمپنی کے چیف ایگزیکٹوآفیسر عمیر ممتاز بٹ اورگندھارا سٹی کے چیف ایگزیکٹوآفیسر راجہ ابراہیم بھی ان کے ہمراہ تھے ۔ پریس کانفرنس کے دوران محسن شیخانی نے کہا کہ یہ ان کا دیرینہ خواب ہے کہ عوام کوکم لاگت کے گھر مہیا کئے جائیں ۔ زمین کی دستیابی، عوامی رائے اور حکومت کے ساتھ تعاون سے یہ منصوبہ ممکن ہوا ۔ وہارا میں سٹوڈیو اپارٹمنٹس کے علاوہ ایک بیڈ اور دو بیڈ اپارٹمنٹس تیار ہوں گے ۔ ہر بلاک میں 500 سے 700 اپارٹمنٹس ہوں گے جن کے لئے مختلف پیمنٹ پلانز دستیاب ہوں گے ۔ پاکستان میں ایک کروڑ سے زائد رہائشی یونٹس کی کمی ہے جسے پورا کرنے کے لئے ملک بھر میں کم قیمت رہائشی پراجیکٹس کی ضرورت ہے ۔ راجہ ابراہیم اس پراجیکٹ میں شراکت دار ہیں جبکہ ممتاز کنسٹرکشن کمپنی کے سی ای او عمیر بٹ ممتاز سٹی کی طرف سے تعاون فراہم کر رہے ہیں ۔محسن شیخانی نے کہا کہ اسلام آبادکی حدود میں واقع اس منصوبے میں تمام جدید سہولیات موجود ہوںگی جن میں سکول ، ہسپتال ، کمرشل ایریاز ، فائیو سٹار ہوٹل ، خواتین کے لئے آئی ٹی ٹریننگ سینٹر ، سکل ڈویلپمنٹ سینٹر ، بے بی ڈے کیئر ، سولر سسٹم ، جنریٹر اور لفٹس شامل ہیں ۔ وہ اس منصوبے پر گزشتہ دس برس سے کام کر رہے ہیں اور اب یہ خواب حقیقت کا روپ دھار چکا ہے ۔ ان کا کہنا تھا کہ ہر بلاک میں پانچ سے سات سو اپارٹمنٹس ہوں گے اور تین آسان پیمنٹ پلان متعارف کرائے گئے ہیں تا کہ ہر طبقے کے لوگ اس سے فائدہ اٹھا سکیں ۔ انہوں نے بتایا کہ پراجیکٹ کی زمین ممتاز سٹی اور گندھارا سٹی میں واقع ہے جبکہ پانی کی فراہمی کے لئے حکومت سے خصوصی درخواست کی گئی ہے ۔انہوں نے کہا کہ اس منصوبے کے تحت چھ ہزار اپارٹمنٹس تعمیر کئے جائیں گے تا کہ ہائوسنگ کے شعبے میں درپیش شارٹ فال پر قابو پایا جا سکے ۔ محسن شیخانی کا کہنا تھا کہ وہ ہائوسنگ سیکٹر میںکام کو قومی خدمت سمجھتے ہیں اور اس منصوبے سے منافع کمانا ان کا مقصد نہیں ۔ انہوں نے کہا کہ صرف 9000 روپے فی مربع فٹ کی لاگت پر کاسٹنگ دی جا رہی ہے اور یوٹیلیٹی چارجز کا صرف دس فیصد لیا جائے گا ۔ انہوں نے پاک فوج کے شہداء کو خراج تحسین پیش کرتے ہوئے تین اپارٹمنٹس کا اعلان کیا ۔ محسن شیخانی نے کہا کہ وہ اس ماڈل کوکراچی ، لاہور اور پشاور میں بھی متعارف کرانا چاہتے ہیں تا کہ ملک کے ہر فرد کو باعزت چھت مہیا کی جا سکے ۔ انہوں نے کہا کہ ہائوسنگ سیکٹر میں ٹیکس کی وصولی نہیں ہو رہی کیونکہ تعمیراتی سرگرمیاں رکی ہوئی ہیں ۔ انہوں نے حکومت سے مطالبہ کیا کہ ہائوسنگ انڈسٹری کے فروغ کے لئے طویل المدتی پالیسی بنائی جائے ۔ انہوں نے آخر میںکہا کہ یہ ایک قومی فریضہ ہے اور پاکستان کے لوگوں کو رہائش فراہم کرنا سب سے بڑا خواب ہے جسے وہارا ہائوسنگ پراجیکٹ کے ذریعے پورا کرنے کی کوشش کر رہے ہیں ۔ یہ پراجیکٹ تین سال میں مکمل ہوگا ۔ محسن شیخانی کا کہنا ہے کہ یہ منافع بخش پراجیکٹ نہیں بلکہ ایک سماجی خدمت ہے۔ حکومت سے پانی کی سپلائی اور ہائوسنگ سیکٹر میں طویل مدتی پالیسی کی اپیل کی گئی ہے ۔اس موقع پرممتاز کنسٹرکشن کمپنی کے سی ای او عمیر بٹ نے کہا کہ ممتاز سٹی کے قریب دو ڈیمزکی منظوری ہو چکی ہے ، پانی کے مسائل ختم کرنے کے لئے ہم نے حکومت سے پانی کی سپلائی کی بھی درخواست کی ہے ۔ وہارا ایک ایسا پراجیکٹ جس سے کم آمدنی کے افراد اپنا گھر لینے کا خواب پورا کر سکیں گے ۔ 36 لاکھ روپے میں اپارٹمنٹ دے رہے ہیں ، راولپنڈی اسلام آباد کے لوگوں کے لئے یہ خوش آئند ہے ۔ اس موقع پر نیشنل پریس کلب کے صدر اظہر جتوئی نے محسن شیخانی کی خدمات کو سراہتے ہوئے کہا کہ انہیںکراچی پریس کلب کی اعزازی ممبر شپ دی گئی ہے اور امید ہے اسلام آباد کے صحافیوں کے لئے بھی خصوصی پیکج دیا جائے گا اور ہم ان کو نیشنل پریس کلب کی بھی اعزازی ممبر شپ دیں گے ۔
Post Views: 2.ذریعہ: Daily Mumtaz
کلیدی لفظ: محسن شیخانی نے کہا اسلام ا باد ممتاز سٹی نے کہا کہ انہوں نے پریس کلب حکومت سے رہے ہیں ہوں گے کر رہے کے لئے گئی ہے
پڑھیں:
وزیرداخلہ کی اسلام آباد میں ماڈل جیل کی تعمیر کا پہلا مرحلہ رواں سال مکمل کرنے کی ہدایت
اسلام آباد:وزیرداخلہ محسن نقوی نے اسلام آباد میں ماڈل جیل کی تعمیر کا پہلا مرحلہ رواں سال مکمل کرنے کی ہدایت کی ہے۔
ایکسپریس نیوز کے مطابق وفاقی دارالحکومت اسلام آباد میں 14 برس سے زیر التوا ماڈل جیل کی تعمیر کے منصوبے پر کام تیز ہوگیا ہے اور 2 بیرک مکمل، چیک پوسٹیں اور مرکزی واچ ٹاور تکمیل کے قریب پہنچ گئے ہیں۔
اس سلسلے میں وفاقی وزیر داخلہ محسن نقوی نے اسلام آباد سیکٹر ایچ 16 میں زیر تعمیر ماڈل جیل کا دورہ کیا۔ اس موقع پر وزیر مملکت طلال چوہدری بھی ان کے ہمراہ تھے۔
وزیر داخلہ محسن نقوی نے زیر تعمیر ماڈل جیل کے مختلف حصوں کا معائنہ کیا اور تعمیراتی کاموں پر پیشرفت کا جائزہ لیا۔ وزیرداخلہ محسن نقوی نے پراجیکٹ کے پہلے مرحلے کو رواں برس مکمل کرنے کی ڈیڈ لائن دی۔
انہوں نے کہا کہ دن رات کام کرکے تعمیراتی سرگرمیاں ہر صورت مقررہ مدت میں مکمل کی جائیں۔ پہلے مرحلے میں ماڈل جیل میں 1500 قیدیوں کی گنجائش ہوگی۔ انہوں نے ماڈل جیل میں 90 دن کے اندر 2 مزید بیرکوں کی تعمیر کی ہدایت بھی کی۔
محسن نقوی کا کہنا تھا کہ جیل میں 34 بستروں پر مشتمل اسپتال اور مین کچن کو جلد از جلد پایہ تکمیل تک پہنچایا جائے۔ انہوں نے ڈی آئی جی اسلام آباد پولیس کو ماڈل جیل میں اسٹاف کی تعیناتی کے لیے پلان پیش کرنے کی ہدایت بھی کی۔
اس موقع پر دی گئی بریفنگ میں بتایا گیا کہ جیل کی تعمیر کا منصوبہ 2011 میں شروع ہوا تھا، جو کئی سال تعطل کا شکار رہا۔ وزیر داخلہ کے دورے کے موقع پر وفاقی سیکرٹری داخلہ، ڈی آئی جی اسلام آباد پولیس، ڈپٹی کمشنر،اے ڈی سی جی،سی ڈی اے حکام،کنٹریکٹرز اور کنسلٹنٹس بھی موجود تھے۔
بلاول بھٹو کا سندھ طاس معاہدے پر عالمی ثالثی عدالت کے فیصلے کا خیر مقدم